Marka 1:41 - Tedim Bible

⁴¹ Zeisu in hehpihhuaisa-in a khut zanin lawng a, “Ka hih nuam hi, na dam ta in,” a cih leh,

Tedim Bible Revision 2017

⁴¹ Jesu in hehpihhuai sa ahih manin a khut zanin lawng a, “Nang kong damsak nuam hi,” a ci hi.

Marka 1:41 Referans Kwoze

Mattiu 9:36

Amah in mihonpite a muh ciangin hehpihhuai a sa hi. Bang hang hiam i cih leh, tua mite in a cing om lo, kikhenthang a, a gim tuute bangin a om uh hi.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.

Hebru 2:17

Tua ahih ciangin amah in mite mawhna tang ding Pasian tawh kipawl nate ah hehpihna tawh ahi zongin, dikna tawh ahi zongin a dim Siampi Ukpa a suah nadingin, a u a naute tawh a kibat taktak nading thu a om hi.

Marka 6:34

Zeisu paikhia a, mihonpi a muh ciangin, a cing om lo tuute tawh kibang hi ci-in hehpihhuai sa a, thu tampi a hilh hi.

Hebru 1:3

Tua a Ta in Pasian’ vangliatna meel leh pianlim hi a, ama vangliatna tawh na khempeuh kipin, eite mawhnate amahmah in a sian’sak khit ciangin, a sang mun vangliatna ziat lamah tu-in a om hi.

Marka 5:41

a khut lenin, “Talitha kumi,’ a ci hi. A khiatna in, “Numeino aw, tho in kong ci hi,” a cihnopna hi.

Marka 4:39

Zeisu thoin huihpi taai a, “Dai in,” ci-in thu a piak ciangin huihnung tawpa a dai pah hi.

Piancilna 1:3

Pasian in, “Khuavak om ta hen,” ci hi; tua ciangin khuavak om pah hi.

Late 33:9

Bang hang hiam cih leh amah pau a, hong piang hi; thu pia a, hong om hi.

Marka 1:40

Tua lai takin miphak khat Zeisu kiangah pai a, a mai-ah khukdin’in, “Topa aw, nong hih nop leh, nong damsak zo ding hi,” ci-in a thuum hi.

Marka 1:42

thakhatin phak natna in ama tung pan paikhia a, a dam pah hi.