Marka 1:38 - Tedim Bible

³⁸ Ahih hangin Zeisu in, “Thuhilh dingin hih kiim nai khua dangte ah zong pai ni. Bang hang hiam na cih uh leh, tua bang deihna-in kei ka hong pai zo hi,” ci-in amau kiangah a gen hi.

Tedim Bible Revision 2017

³⁸ Ahih hangin Jesu in, “Hih kiimnai-a om khua dangte ah pai ni. Keima hong paina pen thuhilh ding ahih manin tua khuate ah thu ka hilh ding hi,” a ci hi.

Marka 1:38 Referans Kwoze

Luka 4:43

Ahih hangin Zeisu in, “Pasian Gam’ Lungdamna Thu khua dangah zong ka hilh ding hi. Bang hang hiam na cih uh leh, tua bang deihna-in kei hong sawl hi,” a ci hi.

Johan 17:8

Bang hang hiam na cih leh, nong piak thute amaute ka pia a, amaute in a sang uh a; nangma kiang pan kong pai cih thei-in nangmah in na hong sawl hi cih a um takpi uh hi.

Johan 17:4

Ka sep dinga nong piak na khempeuh sem zo ka hih man-inah leitungah na min ka thangsak zo hi.

Johan 16:28

Keimah in Pa kiang pan pusuakin leitungah kong kumsuk a; khatvei leitung pan pusuakin Pa kiangah ka pai kik ding hi,” ci-in a gen hi.

Luka 2:49

Naupang in, “Bang hangin kei hong zong na hi uh hiam? Ka Pa innah om ka hih lam thei lo na hi uh hiam?” a ci hi.

Johan 9:4

Ni a om lai teng kei hong sawlpa’ na i seem ding hi. Kuamah in na a sep theih loh hun zan hong tung ding hi.

Marka 1:37

Zeisu a muh uh ciangin, “Mi khempeuh in nang hong zong uh hi,” a ci uh hi.

Marka 1:39

Amah in Galile gam khempeuh kikhopna inn tengah pai kawikawi a, thu hilhin dawite a hawlkhia hi.