Mangmuhna 9:3 - Tedim Bible

³ Tua meikhu sung pan leitungah kauphete hong piangkhia a, tuate leitungah a om momaite’ vangliatna bang vangliatna pia a,

Tedim Bible Revision 2017

³ Tua meikhu sung panin kauphete hong pusuakin leitungah pai uh a, momaiteʼ neih bangin a gupha mahmah amaute tungah a kipia hi.

Mangmuhna 9:3 Referans Kwoze

Mangmuhna 9:5

Ciamtehna a ngah lo mite thah nading thu a pia kei hi, kha nga tawntung a haksa mahmah gimna a pian’sak nading thu a pia hi. Tuate gimna in momai in mi a sut ciangin a natna tawh kibang hi.

Joel 1:4

A pettan kauphete’ nek bang teng, kauphe honte in ne tum a, kauphe honte’ nek bang teng, a tuan kuaphete in ne tum a, a tuan kauphete’ nek bang teng, a susia kauphete in ne mang khin hi.

Joel 2:25

Note a hong sim dingin ka hong sawl, kauphe honpi, a tuan kauphe, a susia kauphe, a pettan kauphe hih ka galkap honte’ hong neksak kum sunga piang teng taang kong piakik ding hi.

Thu-hilhkikna 8:15

a lian a lauhuai gamlakah gul gunei leh mom-ai lak leh tui om lohna lei keu-ah hong paipihpa, meisuang tawh a kibang suangpi panin tui hong piapa,

1 KUMPI MASATE 12:11

Tu-in, ka pa in hakkol gik note tungah hong koihna munah na hakkol uh kong behlap ding hi. Ka pa in ciang tawh note hong thuhilh hi; ahih hangin keimah in ciang lingnei tawh note kong thuhilh ding hi,’ na ci ding hi,” a ci uh hi.

Thukhente 7:12

Midian mite leh Amalek mite leh Nisuahna lam mite khempeuh kauphe bangin tamin kuam dungah om uh hi; a kalaohte uh sim zawh hilo a, a tamna pen tuipi gei-a om sehnel zah bang ahi hi.

Luka 10:19

En un, note in gul gilote leh aikamte na sikgawp nading uh leh na galte’ vangliatna khempeuh na zawh nadingun thu ke’n kong pia hi.

Nahum 3:17

Na uliante uh ahih leh, phalbi lai-in kulh tungah a bawm miamua, ni a suah ciangin leeng khia mangin, a omna mel a kithei lo kauphe hon tawh kibang hi.

Nahum 3:15

tua bang na hih laitakin mei in hong kangtumin, galte in hong vatlum ding hi. Kauphe honpite in an a nek tum bangin, nang na beimang ding hi. Kauphe bangin tampitak na pha khin uh hi.

Ezekiel 2:6

Ahi zongin Ezekiel aw, amaute ahi a, a thugente uh ahi zongin na kihta kei ding hi. Amaute in nang ling hong kaihnelh ding a, mom-ai laka om na bang ding hi. Tua bang hita se leh, hih a lehdo thei mite’ maipuakzia leh amaute’ kampaunate hangin lau tuan kei in.

Isaiah 33:4

tangngol in na a khop bangin amau’ van nusiatte kikaikhawm a, kauphe honpi bangin van tawmin mite phe zaizai hi.

2 KHANG TANGTHU NIHNATE 10:11

Tu-in ka pa in note tungah hakkol gik hong koihna ah keimah in na hakkol uh ka behlap ding hi. Ka pa in ciang tawh note hong thuhilh hi; ahih hangin keimah in ciang ling nei tawh note kong thuhilh ding hi,’ ci in,” a ci uh hi.

2 KHANG TANGTHU NIHNATE 10:14

“Ka pa in na hakkol uh giksak hi; ahih hangin keimah in ka behlap ding hi; ka pa in ciang tawh note hong thuhilh hi; ahih hangin keimah in ciang ling nei tawh note kong thuhilh ding hi,” ci-in khangnote’ ngaihsut piakna bangin kumpi Rehoboam in amaute kiangah gen hi.

Mangmuhna 9:7

Tua kauphete meel in galsim dinga kisa khol sakol tawh kibang hi. Amau lu tung uhah kham kumpi-lukhu tawh kibang a om hi. A maitang un pasal’ maitang tawh kibang hi.