Mangmuhna 8:3 - Tedim Bible

³ Kham kuang a tawi adang vantungmi khat in zong hong pai-in biakna tau kiangah ding a, tokhom mai-ah a om kham biakna tau tungah a om misiangthote khempeuh thungetna tungah sun’ sawn dingin paknamtui a pia hi.

Tedim Bible Revision 2017

³ Tua ciangin kham kibawl paknamtui kuang a tawi vantungmi a dang khat hong pai-in biakna tau mai ah a ding hi. Pasianʼ mite in thungetna-in a zat paknamtuite tawh hal beh ding le tokhom mai ah a om kham kibawl biakna tau tungah piak dingin amaute tungah paknamtui tampi tak a kipia hi.

Mangmuhna 8:3 Referans Kwoze

Mangmuhna 5:8

Tua lai takin gawsemte tawi tham loin, misiangthote’ thungetna ahi, paknamtui tawh a dim kham haite a tawi tek uh a, ganhing li tawh upa sawmnih leh lite in Tuuno mai-ah bokin:

Mangmuhna 8:4

Tua misiangthote thungetna tawh, paknamtui khu in zong tua vantungmi khut sung pan Pasian mai-ah tungto hi.

Late 141:2

Ka thungetna pen nangma mai-ah paknamtui, ka khutte ka laptohna pen nitak biak piakna bangsak in!

Luka 1:10

Paknamtui mei tawh a hal hun lai takin mi khempeuh in inn pua lamah thu ngenin a om uh hi.

Mangmuhna 9:13

Gukna vantungmi in peengkul a tum ciangin Pasian mai-ah a om kham biakna tau ki li sung pan a pusuak aw in,

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

Hebru 9:4

Tua dei sungah paknamtui halna, kham tawh a kizut thuciamna singkuangte a om uh hi. Tua singkuang sungah mana koihna kham beel tawh, a paak a paak Aaron’ ciangkhut tawh, thuciamna kigelhna suangpeekte a om uh hi.

Paikhiatna 40:26

Topa in Moses a thupiaksa bangin, amah in kikhopna buk sung, dalna puan mai-ah kham biakna tau koih a,

Hebru 7:25

Tua ahih ciangin Zeisu hangin Pasian kiangah a naite’ taang a, a thuum dingin Topa in a nungta tawntung ahih ciangin, a tawntungin hong gum thei hi.

ROM (Romans) 8:34

Mawhsakna thu a khenpa in kua ahi hiam? Sihna a thuak tham loin, sihna pan thokik a, Pasian’ ziat lamah omin, eite ading thu hong ngetsakpa in Khazih ahi hi.

Amos 9:1

Biaknatau gei-ah Topa a ding ka mu a, hih bangin thu a pia hi: “Biakinn lim khempeuh a kilin’ theih nadingin biakinn khuampi luzang satgawp in. Tuate satkham in la mite’ luzang tusak in. Tua lai panin a suakta kha teng, gal sungah ka sisak ding hi. A taikhia, a suakta, kuamah om lo ding hi.

1 KUMPI MASATE 7:50

paknamtui adingin haite, meitehte, kuangte, pakante, leh kham citak vutluahna; leh Siangtho Pen Mun inn sung tawngnung kongkhakte leh biakinn sung kongkhakte adingin kham bilte ahi hi.

Mangmuhna 7:2

Tua lai takin a nungta Pasian’ ciamtehna a tawi vantungmi khat in, nisuahna lam pan hong kahto ka mu hi. Tua mi in leitung leh tuipi gimna a bawl thei vantungmi lite kiangah,

Mangmuhna 6:9

Tuuno in ngana ciamtehna a hon’ ciangin Pasian’ thu hang ahi zongin, a san’ uh teci pan’na hang ahi zongin, thahna a thuak mite’ khate biakna tau nuai-ah ka mu hi.

Mangmuhna 10:1

Tua ciangin adang a thahat vantungmi khat in vantung meii silhin vantung pan hong kumsuk ka mu hi. Ama lutang tungah sakhituihup a om hi, a maitang ni bang ahi hi, a khete meikuang bang ahi hi.

Gamlak-vakna 4:11

Puan a dum khat tawh kham biakna tau khuh ding uh a, savun tawh tua mah tuam thuahin, a zawlte bulh ding uh hi;

Gamlak-vakna 7:62

shekel sawm a gik kham pakan khat, paknamtui a dim tawh;

Isaiah 6:6

Tua ciangin serafim vanmite khat, biakna tau panin taiteh tawh a teh mei-am khat a khutah tawi-in, keima kiangah hong leeng hi.

Ezekiel 41:22

Tua ciangin Siangthopen Mun mai-ah sing tawh a kibawl biakna tau tawh a kibang pian khat om hi. Tong thum sang a, a dung a vai tong nih ahi hi. A khete, a kingaknate leh a zawlte sing tawh a kibawl ahi hi. A mipa in kei kiangah, “Hih in Topa’ mai-ah a kikoih sabuai ahi hi,” hong ci hi.

Mangmuhna 8:5

Tua nungciangin vantungmi in kuang la-in biakna tau pan mei tawh a dimsak khit ciangin leitungah a khiatsuk leh, vanging, aw-ging, khuaphelepte leh zinliingte a piang hi.

Mangmuhna 14:18

Tua tham loin, mei a uk vantungmi khat in biakna tau sung pan a pusuah khit ciangin, phiaukawi a tawi vantungmi kiangah, “Leitungah a om leenggahte pha takpi-in min zo ahih ciangin a bawkte at ding, la dingin na phiaukawi hiam sawl in,” ci-in a kiko khit ciangin,