Mangmuhna 4:1 - Tedim Bible

¹ Tua thute khit ciangin ka et leh, vantungah kong vang khat kihongin a om ka mu hi. “Hong kahto in. A nung ciangin a piang ding nate ka hong lak ding hi,” ci-in a masa-a, kei kiangah hong gen peengkhul aw banga nakpi-a kiko aw ka zak ciangin,

Tedim Bible Revision 2017

¹ Hih thu teng khit ciangin ka khuadak leh vantungah kong a kihong sa-in a om ka mu hi. Peengkul awging tawh a kibang, kei kiangah thu a hong gen sa awging mah in, “Hih lai ah hong pai to in. Tunung ciangin thupiang dingte kong lak ding hi,” hong ci hi.

Mangmuhna 4:1 Referans Kwoze

Mangmuhna 11:12

Vantung panin zong, “Hih lai takah hong kahto un,” ci-in nakpi-in thupiakna aw a za uh a, vantung meii tungah tuangin a kahto uh amaute galte in a mu uh hi.

Paikhiatna 24:12

Topa in Moses kiangah, “Keima' kiang mual tungah hong paito in la, tua lai-ah ngak in; amaute a kihilh nadingin keima' gelhsa, thukham leh thupiakna tawh, suangpeekte nang' tungah kong pia ding hi,” a ci hi.

Mangmuhna 1:19

Tua ahih ciangin na muhsa nate ahi zongin, tu-a om nate ahi zongin, nung ciangin a piang ding nate ahi zongin gelhin koih in.

Mangmuhna 1:10

Topa’ ni-in Kha Siangtho sungah ka om lai takin ka nung lam pan peengkul aw bangin nakpi gingin,

Marka 1:10

Thakhat a, tui sung pan a thawhtoh lai takin van kihong a, Kha Siangtho in vakhu bangin ama tungah hong kumsuk a mu hi.

Mangmuhna 22:6

Tua lai takin vantungmi in, “Hih thute a dikin a man hi. Kamsangte’ khate a uk Topa Pasian in a sawt loin a piang ding nate a silate hilh dingin a vantungmi khat a sawl hi.

Mangmuhna 16:17

Sagihna vantungmi in ama tawi hai huih lakah a buak leh, “A zo zo hi!” ci-in biakinnpi sung tokhom pan nakpi-in aw kiko a,

Sawltak 7:56

“En un, van kihong a, Mihing’ Tapa in Pasian’ ziat lamah a ding ka mu hi,” a ci hi.

Johan 16:13

Ahih hangin thuman thutak Kha Siangtho hong tun’ ciangin, thuman thutak a vekpi-in note hong hilh ding hi. Bang hang hiam na cih uh leh, ama ut bang hong gen ahi kei hi, a zaksa thu khempeuh hong gen ding hi. Anung ciangin hong piang ding thu khempeuh zong hong hilh ding hi.

Luka 3:21

Mi khempeuh a kibaptaiz khit uh a ciangin, Zeisu in zong kibaptaiz a, thu a nget lai takin van kihong a,

Paikhiatna 19:24

Topa in ama' kiangah, “Paisuk in la, Aaron hong paipih to in; ahih hangin amaute' tungah amah heh lua kha ding ahih manin Topa' kiang dongah a pai dingin siampite leh mite paisuaksak kei in,” a ci hi.

Sawltak 10:11

vantung kihong a, puanza bangin kiu li nei-in leitungah hong kiasuk na khat a mu hi.

Mattiu 3:16

Zeisu a kibaptaiz khit tui sung pan a thawhtoh lai takin van kihong a, Pasian’ Kha Siangtho vakhu bangin hong kum sukin, ama tungah a khawl a mu hi.

Paikhiatna 1:1

Jakob tawh Izipt-ah a hong pai, amau’ innkuan ciat tawh ahi, Israel’ tapate’ minte in:

Ezekiel 1:1

Kum sawm thum ka phak kum, a kha lina, a ninga ni-in Babilon gam-a om Khebar Gun gei-ah sal-a om Judah midangte tawh ka om lai takin maang ka mu hi. Tua ka maang muhna-ah van hong kihong a, Pasian ka mu hi

Mangmuhna 1:12

Kei kiangah hong gen aw a nei mi mu dingin kihei-in ka et ciangin, kham meivak khuam sagih ahi zongin,

Mangmuhna 11:19

Vantungah a om Pasian’ biakinnpi kihongin thuciamna singkuang biakinnpi sungah a kimuh khit ciangin khuaphelepte, kam aw gingte, vangingte, zinliingte, nakpi gialkiatnate a piang uh hi.

Mangmuhna 19:11

Tua khit ciangin vantung kihongin ka et leh, sakol kaang khat ka mu hi. Tua sakol tung tuang mi in Dikna leh Thuman kici hi. Tua mi in dik takin thu a khen thei, gal a do thei hi.

Paunak 25:7

Uliante a awn dingin hia lai-ah va tusuk in hong kicih sangin, hih lai-ah hong tuto in, hong kicih ding hoihzaw hi.