Mangmuhna 3:3 - Tedim Bible

³ Tua ahih ciangin bangci na san’, bangci na zak thu phawkkik in la, zui in, kisikkik in. Tua ahih ciangin ngakin na om kei leh, guta bangin ka hong pai ding a, na kiangah bang hunin ka hong tun’ ding na thei kei ding hi.

Tedim Bible Revision 2017

³ Tua ahih manin note a hong kihilh na zak sa uh thute phawkkik unla, tua thute zui-in na mawhna panun kisikkik un. Khua na phawk kei uh leh note kiangah guta bangin ka hong pai dinga, ka hong tun lam nangawn na thei kei ding uh hi.

Mangmuhna 3:3 Referans Kwoze

Mangmuhna 2:5

Tua ahih ciangin nang in bangci omna pan na kiam zawh thu na phawk kik khit ciangin na kisikkik in la, a cil-a na gamtat ngei na gamta kik in. Tua bang na hih kei leh, na kiangah ka hong pai ding a, na kisikkik kei leh, na meivakna a omna pan ka khin ding hi.

2 PETER NIHNA 3:10

Guta bangin Topa’ Ni in hong tung ding hi. Tua Ni ciangin vantungte in aw lian mahmah tawh mangthang ding a, a nate zong sa lua-in a kisia ding uh hi. Leitunga kipan leitungah kibawl na khempeuh a kangtum ding uh hi.

1 THESALONIKA MASA 5:2

Bang hang hiam na cih uh leh, zan a, gutate hong pai mah bangin Topa’ Ni in hong tung ding hi ci-in note mah in a tel takin na thei uh hi.

Mangmuhna 16:15

En in, keimah in guta hong pai bangin ka hong tung ding hi! Puan silh loin pai-in mi mai-ah zumna om loh nadingin ngakin, ama puante a keem mi in thupha a ngah ding hi.

Mattiu 25:13

Tua ahih ciangin, a ni ahi zongin, a hun ahi zongin, thei lo na hih uh ciangin ngak ta un.”

Hebru 2:1

Tua ahih ciangin eite in i zaksa thute panin kinkhia lo paikhiat loh nading, lungsim takpi tawh kidophuai hi.

1 TIMOTI MASA 6:20

Timoti aw, nang hong kipia na, a pha takpi-in kem in. Nate’ thu pilna hi ci a, kiphuak khial, pilna thu tawh kipawl hi lo a, mawkna kamte, nate’ pilna khamna kinialnate na pel in.

Marka 13:36

Ahih kei leh, thakhatin hong tung leh, note ihmu-in hong mu kha ding hi.

Marka 13:33

“Tua hun cik ciang hong tung ding thei lo na hih uh ciangin, kikem un la, thu ngenin ngak un.

Ezekiel 36:31

Na gamtatnasa uh na gitlohnate uh leh na hoih lohnate uh na phawk kik ding uh a, na mawhna leh na khialhnate uh hangin nomau mahmah na kimudah tawm ding uh hi.

Mangmuhna 3:19

Ka it khempeuhte a mawhna uh lakin ka hilh thei hi. Tua ahih ciangin lungsim citak-in kisikkik in.

2 PETER NIHNA 3:1

Ka itte aw, hih nih veina lai kong gelh hi.

Mangmuhna 3:11

A manlangin ka hong pai ding hi. Na kumpilukhu kuamah in a lakkhiat loh nadingin, na neihsa na a kip takin len in.

Mangmuhna 2:25

Ahih hangin note in na ngahsa khempeuh uh ka hong pai dongin kip takin len un.

2 PETER NIHNA 1:13

I Topa Zeisu Khazih in hong lah sa mah bangin a sawt loin ka pumpi nuntakna ka nutsiat ding thei ka hih ciangin,

2 TIMOTI NIHNA 1:13

Keima kiangah na zaksa, na ngahsa a pha hilhnate, Khazih Zeisu sungah a om upna leh itna tawh na lenkip in.

Ezekiel 20:43

Tua hun ciangin a kilawm loin na gamtatnate khempeuh uh leh nomau mah na kinitsak tawmna thute uh na phawk ding uh a, na gamtat siatnasate uh hangin nomau mah na kimudah tawm ding uh hi.

Mangmuhna 3:2

Nang in khanglo in la, a sidek tak a om lai-te hanthawn in. Bang hang hiam na cih leh, nang gamtatna khat beek ka Pasian mai-ah a kicingin ka mu kei hi.

Mangmuhna 22:7

En in, a manlangin ka hong pai ding hi! “Hih laibu-ah a om, a nung ciangin a piang ding nate genkholhna thute a zui mi in thupha ngah mi ahi hi,” hong ci hi.