Mangmuhna 3:2 - Tedim Bible

² Nang in khanglo in la, a sidek tak a om lai-te hanthawn in. Bang hang hiam na cih leh, nang gamtatna khat beek ka Pasian mai-ah a kicingin ka mu kei hi.

Tedim Bible Revision 2017

² Tua ahih manin khua phawk unla, na neih lai sunte uh a bei mang ma-in thasaan phakik un. Bang hang hiam cih leh na nasepnate uh Pasianʼ muhna ah a cingtaak nai het lo ahihna thu ka thei hi.

Mangmuhna 3:2 Referans Kwoze

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

Mangmuhna 16:15

En in, keimah in guta hong pai bangin ka hong tung ding hi! Puan silh loin pai-in mi mai-ah zumna om loh nadingin ngakin, ama puante a keem mi in thupha a ngah ding hi.

1 PETER MASA 4:7

Na khempeuh a beina hong nai zo hi. Tua ahih ciangin pha takpi kikeemin pil un, thungenin ngak un.

Isaiah 35:3

A zaw khutte khauhsak un la, a no khukte kipsak un.

2 KHANG TANGTHU NIHNATE 25:2

Amah in Topa’ mit-ah a man gamta a, ahi zongin lungsim paubaang lo hi zo nai sam lo hi.

Sawltak 18:23

Tua khua-ah sawtpi a om khit ciangin paikik a, Galati gam leh Frigia gam pai-in nungzuite khempeuh a kipsak hi.

Mattiu 25:13

Tua ahih ciangin, a ni ahi zongin, a hun ahi zongin, thei lo na hih uh ciangin ngak ta un.”

Thu-hilhkikna 3:28

Ahih hangin Joshua thu pia in la, hanthawnin thakhauhsak in; bang hang hiam cih leh hih mite mai-ah amah pai ding a, nangmah in na muh ding leitang amaute luah sak ding hi,’ hong ci hi.

Mangmuhna 2:4

Ahih hangin nang tungah gen ding thu ka nei hi. Bang thu ahi hiam na cih leh, a masa bel a, na neih itna na paihkhiat thu ahi hi.

Ezekiel 34:16

Keimah in a mangte zongin, a lam pialte kaikhawmin, a liamte a liamna tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh keimah in a manin a gamta tuucingpa ka hi hi.

Mattiu 23:5

Amaute gamtatna khempeuh, mi mai-ah a kilat nadingin ahih uh hi. Amaute in a taubuh leh baanbuh liansak uh a, a puan mong teepkai a sausak uh hi.

Daniel 5:27

TEKEL: nang a hong kitawikhai a, na leek zo kei hi.

Isaiah 57:12

Na gamtatna a manin na ngaihsun hi. Ahih hangin na gamtatnate ka pholak ding a, na milimte in nang hong huh zo lo ding hi.

Isaiah 56:10

Ama galvilte mit taw uh a, amaute khempeuh in bangmah thei lo uh hi, amaute khempeuh ui a ham thei lote hi uh a, amaute in tawng thei lo uh hi, mot paupau, lum lum, lu su-su-in om nuam sa uh hi.

1 KUMPI MASATE 15:3

Ama mai-a a pa’ khialhna khempeuh amah in zui hi; a pu sawn David a thuman bangin Topa a Pasian tungah a lungsim thuman bup lo hi.

1 KUMPI MASATE 11:4

Bang hang hiam cih leh Solomon a teek ciangin a zite in pasian dangte lamah ama lungsim heikhia uh hi; ama pa David’ lungsim bangin ama lungsim Topa tungah thuman bup taktak lo hi.

Zekhariah 11:16

Ka tuuhonte a cing dingin tuucing khat ka koih a, ahi zongin ka tuu a sia dingte huh loin, a mangthangte zong loin, a liamte bawl loin, a cidamte zong an vak lo hi. Amah in tuu thau pente’ sa ne-in, a khecinte nangawn hawkkhiatsak zawsop hi.

JOB (Job) 16:5

Ahi zongin, keimah in note hong tua cih loin, thu hoih tawh note hong hehnemin, note hehnep nading thu ka gen ding hi.

Mangmuhna 3:1

“Sardis khua-ah a om pawlpi’ vantungmi kiangah hih bangin gelh in. ‘Pasian’ Kha Siangtho sagih leh aksi sagih a nei mi’ thupiakna in: “Nangma gamtatnate ahi zongin, na nungta hi ci-in minthan’na na ngah hangin a si na hih thu ka thei hi.

Mangmuhna 3:3

Tua ahih ciangin bangci na san’, bangci na zak thu phawkkik in la, zui in, kisikkik in. Tua ahih ciangin ngakin na om kei leh, guta bangin ka hong pai ding a, na kiangah bang hunin ka hong tun’ ding na thei kei ding hi.

Mattiu 25:7

tua nungakte tho-in a meivak ciat a bawl uh hi.