Mangmuhna 3:1 - Tedim Bible

¹ “Sardis khua-ah a om pawlpi’ vantungmi kiangah hih bangin gelh in. ‘Pasian’ Kha Siangtho sagih leh aksi sagih a nei mi’ thupiakna in: “Nangma gamtatnate ahi zongin, na nungta hi ci-in minthan’na na ngah hangin a si na hih thu ka thei hi.

Tedim Bible Revision 2017

¹ 21 “Sardis khua pawlpi vantungmi kiangah lai gelh inla, Pasian Kha Siangtho sagih le aksi sagih a nei paʼ thugen in: Noteʼ gamtatnate ka thei a, note a si hi napi-in a hing min na pua uh hi.

Mangmuhna 3:1 Referans Kwoze

1 TIMOTI MASA 5:6

Ahih hangin a mawktatna-ah, nopsa-a a om meigongnu ahih leh, a nuntak hangin si-in a om hi.

Jeim 2:26

Kha tawh a om lo pumpi in a si ahih mah bangin gamtatna hoih om lo upna in a si hi.

Mangmuhna 1:4

Johan in Asia gamah a om pawlpi sagihte kiangah a zasak hi. Tu lai taka om, a om ngei, tu nung ciangin a hong pai lai ding pa’ kiang pan ahi zongin, ama tokhom mai-ah a om Kha Siangtho sagihte kiang pan ahi zongin, thuman teci pang ahi tham loin mi site lakah a suak masa bel hi a, leitung kumpite a ukpa ahi Zeisu Khazih kiang pan ahi zongin, hehpihna thupha leh nopna note tungah om ta hen. Eite hong it a, a sisan tawh eite mawhna pan hong phelkhia a,

Kolose 2:13

Mawhna-ah ahi zongin, pumpi vunatna ngah lohna-ah ahi zongin si-in a om note, Khazih tawh kibangin hong hingsak a, eite khialhna khempeuh a hong maisak hi.

Juda 1:12

Tua mite in note ki-itna pawite ah note tawh an a nekkhawm a dawn khawm lai takun, lau loin amaute kham tak kivakin pawi sungah a nin a kisawh tuucing ahi uh hi; tui om lo, huih in a leen’pih meii bang ahi zongin, pulhkhia-in a gah om lo nihvei si-in a bul pan a kibotkhia singkung bang ahi zongin;

Mangmuhna 2:19

“Na gamtatna, na itna, na upna, na nasepnate, na thuakzawhnate ahi zongin, a nununga na gamtatnate in a masa na gamtatnate sangin a tamzawk thu ahi zongin ka thei hi.

Luka 15:24

Bang hang hiam na cih uh leh, a sisa ka tapa a nungta kik hi. A mangsa ahih hangin tu-in kimu kik hi,’ ci-in a nasemte a sawl hi. Amaute in lungdamin pawi a kham uh hi.”

Mangmuhna 1:16

A khut tak lamah aksi sagih a tawi hi. A kam sungpan a lang nih a hiam namsau a pusuak hi. A maitang meel in a tang pha mahmah ni tawh kibang hi.

Efesa 2:5

mawhna khialhna sungah si-a om eite Khazih tawh hong hing khawm sak zo hi. Note in hehpihna hang bekin gupna na ngah uh hi.

Luka 15:32

Ahih hangin, na nau ahih leh tuma-in a si hi, tu-in a nungta kik hi. Tuma-in a mang hi, tu-in a kimu kik ahih man-inah nopna leh lungdamna bawl tuak hi,’ ci-in a gen hi,” ci-in a hilh hi.

Efesa 2:1

Note in nidang lai-inah leitung thu na zui uh a, van lama vangliatna a uk topa ahi nialna’ tate tungah tu-in zong na a sem kha’ deihna bangin, na mawhnate uh, na gitlohnate uh sungah si-in na om lai takun Pasian in note hong nungta sak hi.

Mangmuhna 2:13

“Nangmah in Satan’ tokhom omna-ah na om thu ka thei hi. Ka min len cipin, Dawimangpa’ teen’na munah note lakah thahna a thuak ka teci, ka midik pa Antipas’ khan’ lai nangawnin keima upna thu na nial kei hi.

Mangmuhna 1:20

Ka khut taklamah na muh aksi sagihte-a kipan kham meivak sagihte’ thu thukna na gelh in. Aksi sagihte in pawlpi sagihte’ vantungmite ahi uh hi. Meivak sagihte in pawlpi sagihte ahi uh hi.

Mangmuhna 4:5

Tokhom sung pan khuaphialep tawh, a aw gin’na tawh, vangin’na tawh a pusuak uh hi. Tokhom mai-ah Pasian’ Kha Siangtho sagih ahi, meivak sagih kivakin a om uh hi.

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

Johan 1:33

Tua pa ka thei kei hi. Ahih hangin tui sungah baptaiz dingin kei hong sawlpa in, ‘Mi khat tungah Kha Siangtho hong kumsuka, a tuang na muh leh, tuapa in Kha Siangtho sungah baptaizpa ahi hi,’ ci-in thu hong pia hi.

Johan 1:16

Ama kicin’na pan i ngah hehpihna in khat banah khat i ngah sawnsawn hi.

Mangmuhna 5:6

Tua khit ciangin tokhom laizang, ganhingte laizang, upate laizangah leitung khempeuh ah a kisawl Pasian’ Kha Siangtho sagih ahi, ki sagih tawh, mittang sagih a nei, a kithatsa tawh kibang Tuuno ding-in a om ka mu hi.

1 PETER MASA 1:11

Khazih’ thuak gimnate ahi zongin, tua gimna a thuak khit ciangin a kilang ding minthan’na ahi zongin, amaute sungah a om Khazih’ Kha Siangtho in teci a pan’ kholh ciangin a bang ci, a bang hun a cihnopna ci-in a zong uh hi.

Sawltak 2:33

Tua ahih ciangin amah in Pasian’ ziat lamah pahtawina ngah a, Pa kiangah Kha Siangtho kiciamna a ngah khit ciangin, no na muh na zak uh nate hong bua zo hi.

Johan 20:22

Tua ciangin amaute tungah mut a, “Kha Siangtho na sang ta un.

Johan 3:34

Pasian hong sawl mi in Pasian’ thu a gen hi. Bang hang hiam i cih leh, Pasian in Kha Siangtho kiteh loin a pia hi.

Mangmuhna 2:9

“Nangmah in gimna na thuakna, na hau napi-in na zawnna-a kipan Judah mipawl hi lo napi-in ‘Judah mipawl ka hi uh, a kici Satan pawlte in hong kosiatna thute ka thei hi.

Mangmuhna 2:2

“Nangma gamtatna ahi zongin, na hahkatna leh na thuakzawhna ahi zongin, mi gilote na thuak zawh loh tham loin, amau sawltak hi lopi ‘Sawltak ka hi uh’ a ci mite dongtel entelin, a man lo mi ahih uh thu na muh ahi zongin,

Mangmuhna 3:2

Nang in khanglo in la, a sidek tak a om lai-te hanthawn in. Bang hang hiam na cih leh, nang gamtatna khat beek ka Pasian mai-ah a kicingin ka mu kei hi.

Mangmuhna 3:8

En in, kuama khak zawh loh ding kong na mai-ah ka hong hi. Na gamtatnate ahi zongin, nang in tawmkha thahatna nei-in, ka thute zui-in, ka min nial loin, na om thu ahi zongin ka thei hi.

Mangmuhna 3:15

“Na gamtatnate ahi zongin, nang in vot lah vot lo, sa lah sa lo na hih thu ahi zongin ka thei hi. Vot hi taleh, ahih kei leh, sa hi taleh ka deih hi.