Mangmuhna 2:3 - Tedim Bible

³ nang in thuakzawhna nei-in ka min hangin zong, gim lo cim loin na thuak thu ahi zongin ka thei hi.

Tedim Bible Revision 2017

³ Note in lungduai takin thuakin, keima min hangin thuak zo-in, lungkia het loin na omna uh ka thei hi.

Mangmuhna 2:3 Referans Kwoze

Hebru 10:36

Bang hang hiam na cih uh leh, Pasian’ deihna bang na nasep khit uh ciangin ama kamciamna na ngah nadingun thuakzawhna lungsim na kisam uh hi.

Hebru 12:1

Tua ahih ciangin hih zaha tam teci pan’nate in ei hong uum ahih ciangin, eite in van khempeuh ahi zongin, hong bawlsia thei mawhna ahi zongin, paaikhia-in

Galati 6:9

Eite in lungkia loin gamtat hoih gamta ni. Bang hang hiam na cih uh leh, lungkia loin i om leh, a hun a tun’ ciangin a gah i at ding hi.

Kolose 1:11

thahatna tawh dimin ahi zongin Topa tawh a kilawmin gamta-in, na khempeuh ah a hong theihsak nadingin Pasian tawh kipawl theihna leh pilna apawlpawl tawh, ama deihna khempeuh na tel nadingun thu ka ngen uh hi.

Johan 15:21

Amau in kei hong sawlpa thei lo uh ahih ciangin, ka min hangin tua thu khempeuh no tungah hong bawl ding uh hi.

1 KORIN MASA 13:7

na khempeuh a thuak thei hi, na khempeuh a um thei hi, na khempeuh a thuak keeikaai hi.

Mangmuhna 3:10

Nangmah in kei thuakzawhna tawh kipawl thute na zui zo ahih ciangin, leitungah a om mite thu dong dingin leitung khempeuhah a tung ding ze-etna hun panin nang kong liah ding hi.

Hebru 6:15

Tua mah bangin Abraham in thuakin a ngak khit ciangin a thuciamna bangin a ngah hi.

Hebru 6:10

Bang hang hiam na cih uh leh, nomau nasepna uh akipan nidang lai-in misiangthote na vaak uh tham loin, tu nangawnin na vaak uh ahi zongin, tua bang hihin ama min hangin na lah uh ki-itna ahi zongin Pasian in a mangngilh dingin thumanlo-pa ahi kei hi.

1 TIMOTI MASA 4:10

Tua ahih ciangin mi khempeuh Gumpa ahi, a um mite a man takpi a gum, a nungta Pasian, eite in muangin i um a, hahkatin semin, simmawhna zong i thuak hi.

2 THESALONIKA NIHNA 3:13

Ute naute aw, no na hih uh leh, thakiam loin ahoih nate na gamta un.

2 KORIN NIHNA 4:16

Tua ahih ciangin thanem lungkia loin ka om uh hi. Kote uh pum pua lamah a om mi in a kisiatsiat hangin ka pum sung uhah a om mi in ni khat nung ni khat kibawl thakna a ngah hi.

2 KORIN NIHNA 4:1

Tua ahih ciangin komau in tua nasepna za ka ngah uh ahih ciangin, a hong hehpihna thupha ka ngah uh mah bangin thanem lungkiatna ka nei kei uh hi.

ROM (Romans) 12:12

Lawpin lungdam un. Gimna hong tun’ ciangin thuak un. Thungen tawntung un.

ROM (Romans) 8:25

I muh loh nate i lamet leh, tuate lungnemna tawh ngakin i om hi.

Luka 14:27

A singlamteh pua a, ka nung hong zui lote in keima nungzui a suak zo kei ding hi.

Late 37:7

Topa mai-ah khawl dide in la, lungduai-in ngak in; a hihna a daupai-pa tung leh siatna a bawlpa tungah nangmah kilungso tawmsak kei in!

Mangmuhna 1:9

Zeisu sungah a om gimna-a kipan gam ahi zongin, thuakzawhna ahi zongin, note tawh a thuak khawm, note’ u ahi keimah Johan in Pasian’ thu leh Zeisu tawh kipawl teci pan’nate hangin Patmos kici tuikulh gamah ka om hi.

2 PETER NIHNA 1:6

lungpilna tungah noptat khamna, noptatna khamna tungah thuakna, thuakna tungah Pasian biakna lamah nopsakna,

2 KORIN NIHNA 11:23

Amaute in Khazih’ nasemte ahi uh hiam? Kei in zong ka hizaw hi ci-in mihai bangin ka gen hi. Gim mahmaha nasem zaw mi, thong sungah khiatna a thuakzaw mi, satna tupna kisim zo lo a thuak mi, sihna ding tawh tam veipi kituak ka hi hi.

2 KORIN NIHNA 5:9

Tua ahih ciangin kote in pumpi sung ahi innah ka om uh hi taleh, pumpi tawh kikhenin ka om uh hi taleh, Pasian ka lungdamsak nading uh ngimna nei-in ka hahkat uh hi.

ROM (Romans) 2:7

A pha lamsang ah gamta a, minthan’na, zahtakna, leh muat lohna a zong mite nuntak tawntungna a pia ding hi.

Luka 18:1

Amaute in lungkia loin thu a nget ngitnget nadingun, Zeisu in thugentehna tawh thu a hilh-inah,

Luka 8:15

Lei hoih ah a kiate in, thuman leh apha lungsim tawh thu a zak khit uh ciangin keem uh a, lungkipin a gahte ahi uh hi.”

Hebru 13:13

Tua ahih ciangin eite in Topa tawh kosiatna thuakin giahbuk pualam ama kiangah nai ni.

1 TIMOTI MASA 5:17

Pawlpi a pha takpi-a ukte, a man takpi ci leeng Pasian’ thu gen a, thuhilhin a hahkatte in, a zah nih zahtakna ngah ding a kilawm na ciamteh in.

2 THESALONIKA NIHNA 3:8

A man pia loin kuama an ka ne kei uh hi. Note lakah kuamah tungah vangik ka suah loh nadingun gimpi-in hahkatin, sun tawh zan tawh na ka sem uh hi.

2 THESALONIKA NIHNA 3:5

Pasian it nading ahi zongin, Khazih bangin thuak zawh nading ahi zongin Topa in note lungsim hong hilh ta hen.

1 THESALONIKA MASA 2:9

Ute naute aw, kote in gimpi mahmahin nasemin ka hahkatna thu uh na thei uh hi. Note lakah mi khat peuhmah tungah vangik ka suah loh nadingun kote in sun tawh, zan tawh nasemin Pasian’ Lungdamna Thu note kiangah ka hong hilh uh hi.

Filippi 4:3

Lawm naseppih taktak aw, tua numeite huh dingin ka hong thuum hi. Bang hang hiam na cih uh leh, amaute in kei leh Klement-a kipan nuntakna laibu sungah min kikhum adang ka naseppihte tawh Lungdamna Thu ka hilh khawmna-ah hong huhin, a hahkat mi ahi uh hi.

Filippi 2:16

Tua ahih leh, kei in a mawkna-in tai ka hi kei a, a mawkna-in nasemin hahkat ka hi kei hi ci-in Khazih’ Ni ciangin lungdam kisathei-in ka om ding hi.

Galati 6:2

Van puak ding a omte khat leh khat kihuhin na pua un la, Khazih’ thukham na zui un.

2 KORIN NIHNA 10:15

Kote in ka nasep nading uh khenin mi dangte’ nasepna sungah ka tum uh ahih maninah kisathei ka hi kei uh hi.

2 KORIN NIHNA 6:5

satna tupna thuakna, thong sung khumna, mi tawh kitotna, nasepna, ihmu lo a, ngakna, gilkial thuakna,

ROM (Romans) 16:12

Topa’ nasemte ahi Trifana leh Trofosa na hopihsak un. Topa’ nasem ahi it ding a kilawm numei Persis zong na hopihsak un.

Luka 21:19

Lung kipna tawh nuntakna na ngah ding uh hi.”

Marka 15:21

Alekzandar leh Rufas’ pa Simon kici, Sairin mi khat gamlak panin hong pai a, zawhthawh thu tawh Zeisu’ singlamteh pua dingin a kizuisak uh hi.

Micah 7:9

Amah in ka thu hong sun’sakin, kei adingin thu hong khensak mateng Topa’ hehna ka thuak ding hi; bang hang hiam cih leh ama’ tungah ka mawh khin zo hi. Amah in khuavak ah hong paipih ding a, ama’ hotkhiatna ka mu ding hi.

Late 69:7

Bang hang hiam cih leh nangma hangin kona ka thuak a, maizumna in ka maitang hong tuam khin hi.

1 THESALONIKA MASA 5:12

Tua tham loin, ute naute aw, note lakah nasep a hahkatte leh Topa sungah hong makaih a, thu hong hilh mite na ciamteh un la,

1 KORIN MASA 16:16

tua bang mite’ ukna ahi zongin, nasepna ah a hahkat mi khempeuh a ukna uh ahi zongin na man’ nadingun ka hong thuum hi.

Luka 5:5

Simon in zong, “Topa aw, kote in zankhua-in ka hahkat uh hangin, khat beek ka man kei uh hi. Ahih hangin thu nong piak bangin ngen ka paai ding hi,” a ci hi.