Mangmuhna 2:1 - Tedim Bible

¹ “Efesa khua-ah a om pawlpi’ vantungmi kiangah hih bangin gelh in. ‘A khut taklamah aksi sagih tawi-in, kham meivak sagih laizangah a pai kawikawipa’ thupiakna in:

Tedim Bible Revision 2017

¹ “Efesa khua-a pawlpi vantungmi kiangah lai gelh inla, a taklam khut ah aksi sagih tawi-in, kham kibawl meivakna lakah a pai kawikawi Jesuʼ thugenna hih bang ahi hi:

Mangmuhna 2:1 Referans Kwoze

Mangmuhna 1:20

Ka khut taklamah na muh aksi sagihte-a kipan kham meivak sagihte’ thu thukna na gelh in. Aksi sagihte in pawlpi sagihte’ vantungmite ahi uh hi. Meivak sagihte in pawlpi sagihte ahi uh hi.

Mangmuhna 1:16

A khut tak lamah aksi sagih a tawi hi. A kam sungpan a lang nih a hiam namsau a pusuak hi. A maitang meel in a tang pha mahmah ni tawh kibang hi.

Mangmuhna 3:14

“Laodikia khua-ah a om pawlpi’ vantungmi kiangah hih bangin gelh in. ‘Amen ahi mi, a dik a man teci a pang, Pasian’ piancilna kipatna bulpi ahi pa’ thupiakna in:

Mangmuhna 3:7

“Filadelfia khua-ah a om pawlpi’ vantungmi kiangah hih bangin gelh in. ‘A siangtho mi, a thuman mi, David’ konghon’na a nei mi, kuama khak theih loh dingin hongin, kuama hon’ theih loh dingin a khak thei mi’ thupiakna in:

Mangmuhna 3:1

“Sardis khua-ah a om pawlpi’ vantungmi kiangah hih bangin gelh in. ‘Pasian’ Kha Siangtho sagih leh aksi sagih a nei mi’ thupiakna in: “Nangma gamtatnate ahi zongin, na nungta hi ci-in minthan’na na ngah hangin a si na hih thu ka thei hi.

Mangmuhna 2:18

“Thiatira khua-ah a om pawlpi’ vantungmi kiangah hih bangin gelh in. ‘Meikuang bang mittang a nei, sumngo taktak bang khete a nei Pasian’ Tapa’ thupiakna in:

Mangmuhna 2:12

“Pergamum khua-ah a om pawlpi’ vantungmi kiangah hih bangin gelh in. ‘Lang nih a hiam namsau a nei mi’ thupiakna in:

Mangmuhna 2:8

“Smurna khua-ah a om pawlpi’ vantungmi kiangah hih bangin gelh in. ‘A masa bel leh a nunung bel ahi tham loin, nidang lai-inah sihna a thuak zo, tu-in a nungta mi’ thupiakna in:

Mattiu 18:20

Bang hang hiam na cih uh leh, nih bang thum bang ka min tawh a kikhop uh ciangin, amau laizangah ka om hi,” ci-in Zeisu in a gen hi.

Johan 5:35

Amah in kuanga a taang meivak hi a, note in ama khuavakna-ah tawlkhat nopsak ding bek na ut uh hi.

Mangmuhna 12:1

Vantungah lamdang lian khat a kilang hi. Numei khat in ni silhin, kha in ama khe nuai-ah omin, aksi sawm leh nih a tuang kumpilukhu a lu tangah a khu hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Sawltak 18:19

Efesa khua-ah a tun’ uh ciangin Akuila leh Prisilla a nusia hi. Paul ahih leh, kikhopna inn sungah lut a, Judah mite tawh a kikum hi.

Sawltak 18:21

“Pasian in hong awi leh, khatvei kong paikik ding hi,” ci-in amaute tawh kikhenin teembaw tuangin Efesa khua pan a paikhia hi.

Sawltak 19:1

Apollos in Korin khua-ah a om lai takin Paul in saklam gam a paisuak khit ciangin, Efesa khua-ah tungin nungzuite tawm a mu hi.

2 KORIN NIHNA 6:16

Pasian’ biakinnpi in milimte tawh bangci kizom thei ding hiam? Bang hang hiam cih leh, eite in a nungta Pasian’ biakinnpi i hi hi. Pasian’ thupiakna in: “Amaute sungah ka teeng ding a, amau sungah ka vak kawikawi ding hi; Amau Pasian ka hi ding a, amaute in zong keima mi ahi ding uh hi,” a ci hi.

Ezekiel 46:10

Gam uk ulianpa zong mihonte mah tawh lutin, amaute mah tawh pusuak khawm ding hi.