Mangmuhna 1:8 - Tedim Bible

⁸ “Keimah in Alfa leh Omega ka hi,” ci-in tu lai taka om, a om ngei, tu nung ciangin hong pai ding mi ahi Vanglianpen Topa Pasian in a gen hi.

Tedim Bible Revision 2017

⁸ A beisa hun, tuhun le mailam hunah zong a om tawntung ding a Vanglian Topa Pasian in, “Kei pen na khempeuh a Kipatna le a Tawpna ka hi hi,” a ci hi.

Mangmuhna 1:8 Referans Kwoze

Isaiah 44:6

Topa, Israel Kumpipa leh amah Honpa, Vanglianpen Topa in hih bangin gen a: “Keimah in a masa pen leh a nunung pen ka hi hi; kei sim loh Pasian dang om lo hi.

Mangmuhna 22:13

Keimah in Alfa leh Omega, a masa bel, a nunung bel, a kipatna leh a tawpna ka hi hi.

Isaiah 43:10

“Note in keima tecite na hi uh hi,” Topa in ci a, “Kei pen Amah ka hihna thu, nangmah in thei-in keimah nong up nading leh na theihtel theih nadingin kong teelsa ka nasempa na hi hi. Kei’ ma-in pasian om lo a, kei’ khit ah zong kuamah om lo ding hi.

Isaiah 48:12

“Jakob leh keima hong sap Israelte aw, ka thu ngai un! Kei in amah ka hi a, keimah in a masa hi-in, keimah in a nunung zong ka hi hi.

Mangmuhna 21:6

“Tua bangin a piang khin zo hi. Keimah in Alfa leh Omega, a kipatna leh a tawpna ka hi hi. Tuiduh mite nuntakna ciktui man nei loin ka pia ding hi.

Isaiah 41:4

A kipat cil-a kipan a khang khang-a mite a sam, hih nasep semin a bawl kua ahi hiam? A masa leh a nunung, Topa ahi keimah ka hi hi; kei in Amah ka hi hi.

Mangmuhna 1:4

Johan in Asia gamah a om pawlpi sagihte kiangah a zasak hi. Tu lai taka om, a om ngei, tu nung ciangin a hong pai lai ding pa’ kiang pan ahi zongin, ama tokhom mai-ah a om Kha Siangtho sagihte kiang pan ahi zongin, thuman teci pang ahi tham loin mi site lakah a suak masa bel hi a, leitung kumpite a ukpa ahi Zeisu Khazih kiang pan ahi zongin, hehpihna thupha leh nopna note tungah om ta hen. Eite hong it a, a sisan tawh eite mawhna pan hong phelkhia a,

Mangmuhna 11:17

“Tu lai takin a om, a om ngeizo, Vanglianpen Topa Pasian aw, nang in a lian bel vangliatna la-in na uk ciangin na hehpihna ka phat uh hi.

Mangmuhna 1:17

Tua mi ka muh ciangin kei in a khe kiangah mi si bangin ka puk hi. Tua lai takin amah in a khut taklam ka tungah nga-in, “Lau kei in Keimah in a masa bel leh a nunung bel mi ka hi hi.

Mangmuhna 2:8

“Smurna khua-ah a om pawlpi’ vantungmi kiangah hih bangin gelh in. ‘A masa bel leh a nunung bel ahi tham loin, nidang lai-inah sihna a thuak zo, tu-in a nungta mi’ thupiakna in:

Mangmuhna 4:8

Tua ganhing lite khat in kha guk ciat a nei uh a, a khate uh a sung a pua, mittang tawh dimin, sun tawh zan tawh khawl loin: “A om ngei, a om laitak, a hong om ding Vanglianpen Topa Pasian in, Siangtho hi, siangtho hi, siangtho hi,” ci-in kiko-in a om uh hi.

2 KORIN NIHNA 6:18

Note’ Pasian ka hi ding hi, Note zong ka tanu ka tapa na hi ding uh hi,” Vanglian Topa in a ci hi.

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Piancilna 49:25

nang hong huh ding na pa’ Pasian’ tunga om vantung thuphate, nuai-a tuithukna sunga om thuphate, ang sung leh gil sung thuphate tawh nang thupha hong pia ding Vanglian Pasian tawh.

Mangmuhna 19:15

Mipawl pawlte sat nading ama kam sungpan namsau a hiam a pusuak hi. Amaute zong sik ciangkhut tawh a uk ding hi. Vanglianpen Pasian’ hehna leenggahzu kicilna phual amah in a cil hi.

Mangmuhna 16:14

Amaute in nalamdangte lakin Vanglianpen Pasian’ ni lianpi-ah galdo-in leitung khempeuh pan kumpite kikhawmsak dingun a paikhia dawigilo’ khate ahi uh hi.

Mangmuhna 21:22

Tua khuapi sungah biakinnpi ka mu kei hi. Bang hang hiam na cih uh leh, Vanglianpen Topa Pasian leh Tuuno in tua khuapi biakinnpi ahi uh hi.

Paikhiatna 6:3

Abraham, Isaak leh Jakobte' tungah Vanglian Pasian-in ka kilang a, ahih hangin Topa ahi keima' min tawh amaute' tungah kei ka kitheisak kei hi.

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

Piancilna 35:11

Pasian in ama kiangah, “Keimah in Vanglian Pasian ka hi hi: pung in la, tampi pha in; minam khat leh minamte honkhat nang' sung panin piang ding a, nang' sung panin kumpite piang ding hi.

Piancilna 28:3

Nang in mi honpi khat na suah theih nadingin Vanglian Pasian in nang thupha hong pia-in hong pungsakin, tampi hong phasak hen.

Piancilna 17:1

Abram kum sawmkua-le-kua a phak ciangin ama’ tungah Topa kilang a, “Keimah in Vanglian Pasian ka hi hi; hoih takin gamta in la, paubaang kei in.

Gamlak-vakna 24:4

Pasian’ thute a za, Vanglianpa’ mangmuhna a mu, mang mu napi-in a mit in khua a mu thei mipa’ thugen in:

Piancilna 43:14

amah in na sanggampa uh leh Benjamin hong ciahsak kik theih nadingin Vanglianpen Pasian in mipa’ mai-ah note hehpihna hong pia ta hen. Ka tate tawh ka kikhen leh a kikhen ka hi ding hi,” ci hi.

Piancilna 48:3

Jakob in Josef' kiangah, “Kanaan gam Luz-ah Vanglian Pasian kei' tungah hong kilangin kei thupha hong pia a,

Paikhiatna 3:14

Pasian in Moses’ kiangah, “KEIMAH ka hi hi,” ci hi. Tua ciangin amah in, “Israel mihingte' tungah hih thu gen in, ‘KEIMAH a kici pa in note' kiangah kei hong sawl hi,’ ci in,” ci hi.

Mangmuhna 15:3

Tua mite in Pasian’ sila Moses’ la leh Tuuno’ la sa-in: “Vanglianpen Topa Pasian aw, Na bawlnate lianin, a lamdang mahmah hi! Mipawl khempeuhte’ Kumpipa aw, Na gamtatnate in a dikin, a man hi!

Mangmuhna 16:7

Biakna tau in zong, “Ahi hi. Vanglianpen Topa Pasian aw, na thukhennate a man a dik uh hi,” a cih thu ka za hi.

Mangmuhna 19:6

Tua lai takin mi honpi’ aw, tui lianpi’ aw, nakpi vanging’ aw bang kampau’ aw in: “Hallelujah! Bang hang hiam i cih leh, Vanglianpen Topa i Pasian in a mang hi.