Mangmuhna 1:4 - Tedim Bible

^4-5 Johan in Asia gamah a om pawlpi sagihte kiangah a zasak hi. Tu lai taka om, a om ngei, tu nung ciangin a hong pai lai ding pa’ kiang pan ahi zongin, ama tokhom mai-ah a om Kha Siangtho sagihte kiang pan ahi zongin, thuman teci pang ahi tham loin mi site lakah a suak masa bel hi a, leitung kumpite a ukpa ahi Zeisu Khazih kiang pan ahi zongin, hehpihna thupha leh nopna note tungah om ta hen. Eite hong it a, a sisan tawh eite mawhna pan hong phelkhia a,

Tedim Bible Revision 2017

⁴ Johan in Asia gam sungah a om pawlpi sagihte tungah a khak lai ahi hi. A beisa hun, tuhun le mailam hunah a om tawntung Pasian kiang pan le ama tokhom mai-ah a om Kha Siangtho sagihte tung pan le,

Mangmuhna 1:4 Referans Kwoze

Isaiah 11:2

Ama tungah, Topa’ Kha ahi, lungpilna leh thu theihtelna Kha, thu lamlah siamna leh vangliatna Kha, theihna leh Topa kihtakna Kha om ding hi.

Late 90:2

Mual liante leitang leh leitung na bawl mapek, a tawntunga kipan a tawntung dongin nangmah in Pasian na hi hi.

Hebru 13:8

Zeisu Khazih in zanni, tuni, atawntungin kikheel loin a om hi.

Johan 1:1

A kipatcil-in Thu a om hi. Thu in Pasian tawh a omkhawm hi. Thu in Pasian ahi hi.

Mangmuhna 5:6

Tua khit ciangin tokhom laizang, ganhingte laizang, upate laizangah leitung khempeuh ah a kisawl Pasian’ Kha Siangtho sagih ahi, ki sagih tawh, mittang sagih a nei, a kithatsa tawh kibang Tuuno ding-in a om ka mu hi.

Mangmuhna 4:5

Tokhom sung pan khuaphialep tawh, a aw gin’na tawh, vangin’na tawh a pusuak uh hi. Tokhom mai-ah Pasian’ Kha Siangtho sagih ahi, meivak sagih kivakin a om uh hi.

Mangmuhna 1:8

“Keimah in Alfa leh Omega ka hi,” ci-in tu lai taka om, a om ngei, tu nung ciangin hong pai ding mi ahi Vanglianpen Topa Pasian in a gen hi.

Mangmuhna 3:1

“Sardis khua-ah a om pawlpi’ vantungmi kiangah hih bangin gelh in. ‘Pasian’ Kha Siangtho sagih leh aksi sagih a nei mi’ thupiakna in: “Nangma gamtatnate ahi zongin, na nungta hi ci-in minthan’na na ngah hangin a si na hih thu ka thei hi.

Jeim 1:17

A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

Zekhariah 4:10

A ma uh a telh loh manin ka mite lungkia uh a, ahi zongin Zerubbabel in biakinn lam nasep a makaihna a muh uh ciangin a lung uh damkik ding hi,” hong ci hi. Vantungmi in, “Meivak sagihte in, leitung khempeuh a etna Topa’ mittang sagih ahi hi,” hong ci hi.

Isaiah 41:4

A kipat cil-a kipan a khang khang-a mite a sam, hih nasep semin a bawl kua ahi hiam? A masa leh a nunung, Topa ahi keimah ka hi hi; kei in Amah ka hi hi.

Paikhiatna 3:14

Pasian in Moses’ kiangah, “KEIMAH ka hi hi,” ci hi. Tua ciangin amah in, “Israel mihingte' tungah hih thu gen in, ‘KEIMAH a kici pa in note' kiangah kei hong sawl hi,’ ci in,” ci hi.

Mangmuhna 4:8

Tua ganhing lite khat in kha guk ciat a nei uh a, a khate uh a sung a pua, mittang tawh dimin, sun tawh zan tawh khawl loin: “A om ngei, a om laitak, a hong om ding Vanglianpen Topa Pasian in, Siangtho hi, siangtho hi, siangtho hi,” ci-in kiko-in a om uh hi.

Mangmuhna 3:7

“Filadelfia khua-ah a om pawlpi’ vantungmi kiangah hih bangin gelh in. ‘A siangtho mi, a thuman mi, David’ konghon’na a nei mi, kuama khak theih loh dingin hongin, kuama hon’ theih loh dingin a khak thei mi’ thupiakna in:

Zekhariah 3:9

Joshua’ omna mai-ah, mittang sagih a nei suang khat ka koih hi; tua suang tungah lai ka gelh ding a, ni khat sungin hih gam mite’ mawhna ka paihkhiatsak ding hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Mangmuhna 2:8

“Smurna khua-ah a om pawlpi’ vantungmi kiangah hih bangin gelh in. ‘A masa bel leh a nunung bel ahi tham loin, nidang lai-inah sihna a thuak zo, tu-in a nungta mi’ thupiakna in:

Mangmuhna 1:20

Ka khut taklamah na muh aksi sagihte-a kipan kham meivak sagihte’ thu thukna na gelh in. Aksi sagihte in pawlpi sagihte’ vantungmite ahi uh hi. Meivak sagihte in pawlpi sagihte ahi uh hi.

Mangmuhna 1:11

“Nangmah in na muhte, lai sungah gelh in la, Efesa khua, Smurna khua, Pergamum khua, Thiatira khua, Sardis khua, Filadelfia khua, Laodikia khua-ah om pawlpi sagihte kiangah khak in,” ci-in hong genna kam ka za hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

2 KORIN NIHNA 1:2

I Pa Pasian leh Topa Zeisu Khazih kiang panin hehpihna thupha leh nopna nomau tungah om ta hen.

1 KORIN MASA 1:3

Topa Zeisu Khazih leh i Pa Pasian kiang panin hehpihna thupha leh nopna nomau tungah hong tung ta hen.

Mangmuhna 3:14

“Laodikia khua-ah a om pawlpi’ vantungmi kiangah hih bangin gelh in. ‘Amen ahi mi, a dik a man teci a pang, Pasian’ piancilna kipatna bulpi ahi pa’ thupiakna in:

Mangmuhna 2:18

“Thiatira khua-ah a om pawlpi’ vantungmi kiangah hih bangin gelh in. ‘Meikuang bang mittang a nei, sumngo taktak bang khete a nei Pasian’ Tapa’ thupiakna in:

Mangmuhna 2:12

“Pergamum khua-ah a om pawlpi’ vantungmi kiangah hih bangin gelh in. ‘Lang nih a hiam namsau a nei mi’ thupiakna in:

Mangmuhna 1:1

A sawt loin a piang ding nate ama silate tungah lah dingin Pasian in a piaksa Zeisu Khazih’ mangmuhna lai ahi hi. Tua Topa in ama vantungmi khat sawl a, ama silapa Johan kiangah hilh hi.

Sawltak 19:10

Tua mah bangin kum nih tawntung hilh ahih ciangin Asia gam sungah a om Judah mi leh Grik mi khempeuhte in Topa’ thu a za za uh hi.

Zekhariah 6:5

Tua ciangin amah in hong dawng a, “Hihte in vantunga om kha lite a cih nopna hi a, leitung khempeuhte’ Topa kiang panin a hong paikhia ahi uh hi,” hong ci hi.

Sawltak 2:9

Parthia mi a kipan Media mi, Elam mi, Mesopotamia gam, Judah gam, Kappadokia gam, Pontas gam, Asia gam,

Mangmuhna 1:9

Zeisu sungah a om gimna-a kipan gam ahi zongin, thuakzawhna ahi zongin, note tawh a thuak khawm, note’ u ahi keimah Johan in Pasian’ thu leh Zeisu tawh kipawl teci pan’nate hangin Patmos kici tuikulh gamah ka om hi.

Mangmuhna 1:17

Tua mi ka muh ciangin kei in a khe kiangah mi si bangin ka puk hi. Tua lai takin amah in a khut taklam ka tungah nga-in, “Lau kei in Keimah in a masa bel leh a nunung bel mi ka hi hi.

Mangmuhna 8:2

Tua nung ciangin Pasian mai-ah ding-in a om vantungmi sagih ka mu hi. Tuate peengkul sagih a kipia hi.

Mangmuhna 16:5

tui ngak vantungmi in, “Tu lai takin a om, a om ngei zo, Siangtho Topa aw, nangmah in hih bangin thu na khen ahih ciangin midik na hi hi.

Mangmuhna 22:8

Tua nate a za, a mu mi in keimah Johan ka hi hi. Ka zak ka muh lai takin a hong lak vantungmi bia dingin a khe kiangah ka boksuk leh,

Mangmuhna 22:16

“Pawlpite ading hih thute teci pang dingin kei Zeisu in ka vantungmi nangma kiangah kong sawl hi. Kei in David’ bulpi leh David’ suan, a taang khuavak Zingsol ka hi hi,” ci-in thu hong pia hi.