Malakhi 4:6 - Tedim Bible

⁶ Amah in pate leh tapate, tapate leh pate lemtuahin kilemsak kik ding hi. Tua bang hi kei leh keimah hong pai-in na gam khempeuh uh ka susiagawp ding hi,”ci hi, a ci hi.

Tedim Bible Revision 2017

⁶ Amah in pate le tate lemtuah in a kilemsakkik ding hi. Tua bang hikeileh keimah hong pai-in na gam khempeuh uh ka susia gawp ding hi,” ci hi, a ci hi.

Malakhi 4:6 Referans Kwoze

Isaiah 11:4

a kitangsam mite thumanna tawh thukhensak ding a,, mizawngte’ thu a tangin khensak ding hi; ama kam pan a, molhtum tawh leitung mite daan kitat ding a, a muk pan a, a husan’na tawh mi gilote si ding uh hi.

Daniel 9:11

Israelte khempeuh in na gensa thute leh na thukhamte khempeuh a palsat khin zo uh hi. Na tungah khialhna ka hong bawl manun, na nasem Moses thukham sunga kigelh bangin kote tungah samsiatna leh thukhenna a hong tung hi.

Mangmuhna 19:15

Mipawl pawlte sat nading ama kam sungpan namsau a hiam a pusuak hi. Amaute zong sik ciangkhut tawh a uk ding hi. Vanglianpen Pasian’ hehna leenggahzu kicilna phual amah in a cil hi.

Luka 1:76

Ahi hi, naungeek aw, nangmah in Sang Bel Topa’ kamsangpa hong kici ding hi. Bang hang hiam na cih leh, eite Pasian hong hehpihna thupha hangin ah Ama mi pawlte’ khialhna maisakna tawh,

Isaiah 65:15

Keima teel mite in ciamsiatna-in na min uh zang ding uh a, Topa Pasian in note hong that ding hi; ahih hangin ama nasemte pen min dang phuah ding hi.

Isaiah 61:2

Topa maipha ngah kum, a galte tungah Pasian phulak ding hun a tun’na thu a gen ding, a thuum mi khempeuh a hehnem ding;

Mangmuhna 22:3

Hamsiatna cikmah hunin omkik lo ding hi. Pasian leh Tuuno’ silate in Topa bia-in,

Zekhariah 14:12

Tua ciangin Jerusalem khuapi a sim minam dang khempeuhte tungah Topa in gimna lianpi tungsak ding hi. A khe-un a ding thei kimlai mahin a sa uh muat mang ding a, a mitkhuk sung uhah a mittangte uh muatin, a kam sung uhah a leiite uh muat ding hi.

Zekhariah 14:2

Jerusalem khuapi a sim dingin Topa in minam khempeuh kaikhawm ding hi. A khuapi kila-in, innte kiluh gawpin, numeite zong kibuan ding hi. Mi a lang bang sal-in kipaikhiatpih ding a, a dangte ahih leh kipaikhiatpih lo ding hi.

Zekhariah 13:8

Leitung khempeuh ah, seh thum suah seh nih si ding a, seh khat bek suakta lai ding hi.

Zekhariah 5:3

Tua ciangin amah kei kiangah, “leitung gam khempeuhah a pai ding hamsiatnate, hih lai tungah kigelh hi. Guta khempeuh, gam sung panin kisiak khia mang ding hi, ci-in laizial dal lang khatah kigelh a, a man lopi-in ka min tawh thuciam mi khempeuh zong kisiak khia mang ding hi, ci-in a lang khatah kigelh hi.

Isaiah 43:28

Na uliante un ka biakinn mindaisak uh ahih manin, Israel tungah zahhuaina ka tungsak a, Jakob ka siasak hi.

Isaiah 24:6

Tua ahih ciangin Topa in leitung samsiatin susia a, a tunga teeng mite in amau’ mawhna hangun kangtum uh hi; tua ahih ciangin leitunga teeng mite tawm semsem hi.

Marka 11:21

Piter in phawk a, “Rabbi aw, na samsiat theikung a dinggaw zo hi,” ci-in a gen hi.

Mattiu 22:7

Kumpipa in a zak ciangin, heh mahmah a, a galkapte kuan sakin tua mi thatte khempeuh thatin a khua uh mei-in a halsak hi.

Zekhariah 11:6

Tua ahih ciangin hih gam-a a teeng mite ka hehpih nawn kei ding hi. Amaute a ukpa leh a kumpipa’ khut nuai-ah mi khempeuh ka koih ding hi. Gam uk mite in gam sung teng susia gawp dinga amau’ suksiatna panin kuamah ka honkhia kei ding hi,” hong ci hi.

Hebru 6:8

Ahi zongin lingkung leh thangling a pian’sak leh, paihkhiatna thuakin hamsiat a thuak nadingin, a tawpna-ah meikhuk khulna a thuak ding hi.

Isaiah 40:3

Awging khat in: “Gam lakah Topa’ lampi sial un la, sehnel gam sungah i Pasian’ ading lam lianpi khat a tangin bawl un.