Malakhi 4:2 - Tedim Bible

² Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun’ ding hi. Bawngkhumna panin a kikhah bawngnote bangin suakta-in nuam na sa ding uh hi.

Tedim Bible Revision 2017

² Ahi zongin ka thu a hong mang note tungah dikna ni hong taang ding a, tua in nizang bangin note tungah cidamna hong tun ding hi. Bawng khumna panin a kikhah bawngnote bangin suakta-in nuam na sa ding uh hi.

Malakhi 4:2 Referans Kwoze

Jeremiah 33:6

Ahih hangin en in, keimah in hih khuapi ka damsak ding a, cidamin ka om sak ding hi. A mite cidam sakin nopna leh lungmuan’na a kicing ka lak ding hi.

Late 84:11

Bang hang hiam cih leh Topa Pasian in eite hong hupa leh a minthang i Kumpi hi a, maipha leh pahtawina hong pia hi. Thuman-a gamtate tungah Topa in na hoih bangmah siit lo hi.

Isaiah 30:26

Tua tham loin, Topa in ama mite’ liamna tuamin ama satna meimate a damsak ni ciangin kha taang pen ni taang bang ding a, ni taang pen ni sagih sunga taang zah bangin a zah sagih-in taang ding hi.

Luka 1:78

Khuamial leh sihna lim sungah a tu mite tungah, khuavak hong tan’ nading ahi zongin, Nopna lampi ah eite hong kha ding ahi zongin,

Johan 8:12

Khatvei Zeisu in, “Keimah in hih leitung khuavak ka hi hi. Ka nung hong zuite in khuamial lakah pai loin nuntakna khuavak a ngah ding hi,” a ci hi.

Isaiah 53:5

Ahih hangin eite’ khialhna hangin amah kiliamsak a, eite’ mawhna hangin amah kisatnim hi; Ama gimthuakna hangin nopna i ngah a, ama liamna hangin damna i ngah hi.

Malakhi 3:16

Topa a zahtak mite khat leh khat in tua bangin thu kigen uh a, amaute’ thugennate, Topa in ngai-in za hi. Topa in laibu khat nei a, amah zahtakin a thupi ngaihsut mite khempeuh tua sungah kiciamteh hi.

Mangmuhna 22:16

“Pawlpite ading hih thute teci pang dingin kei Zeisu in ka vantungmi nangma kiangah kong sawl hi. Kei in David’ bulpi leh David’ suan, a taang khuavak Zingsol ka hi hi,” ci-in thu hong pia hi.

Johan 1:4

Ama sungah nuntakna a om hi. Tua nuntakna in leitung mite ading khuavak ahi hi.

2 SAMUEL NIHNA 23:4

amah in amaute tungah zingsang khuavak bangin taang a meii kaai loh ni zingsang-a nitaang khia, lei lak panin lopate a selkhiasak guahtui bang hi.

Mangmuhna 22:2

Tua gun lang tuakah nuntakna sing kung khat om a, tua kung tungah a gah pawl sawm leh pawl nih, kha khatin pawl khat ciat a gah thei hi. A tehte in zong mipawl pawlte natna dam nading ahi hi.

2 PETER NIHNA 1:19

Tua bang hangin kamsangte’ thugenna thu, eite adingin a kip zaw hi. Note lungsim sungah khuavakin, zingsol suak a, khua hong vak dongin tua thu, khuamialna-ah a tang meivak bangin ngaihsunin na belh dingun a kilawm hi.

Ruth 2:12

Topa in na gamtatna sate apha tawh hong thuk a, a lim nuai beel dinga na paina Israelte’ Pasian, Topa in thaman a cingin hong pia ding hi,” a ci hi.

Mangmuhna 2:28

Zingsol zong amah ka pia ding hi.

Late 147:3

Amah in lungsim kitamte damsak a, amau’ meimate tuamsak hi.

Late 103:3

Amah in ka mawhna khempeuh hong maisak a, ka natna khempeuh hong dam sak hi.

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Isaiah 35:6

tua ciangin khebai mipa pen sakhi bangin diangin lam ding a, a pau thei lo mipa in lungdamin la sa ding hi. Bang hang hiam cih leh gamlakah tui hong phulkhia ding a, sehnel gam sungah lui tui hong luang ding hi;

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Sawltak 13:47

Bang hang hiam na cih uh leh, Pasian’ thupiakna in: ‘Leimong dongin gupna na pian’sak nadingin, Gentailte’ khuavak dingin ka hong koih zo hi,’ a ci hi,” ci-in lau loin a gen uh hi.

Johan 9:4

Ni a om lai teng kei hong sawlpa’ na i seem ding hi. Kuamah in na a sep theih loh hun zan hong tung ding hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

Hosea 6:1

“Hong pai un, Topa kiangah ciahkik ni; amah in eite hong balgawp hangin hong damsak kik ding a, eite hong liamsak hangin i liamnate hong tun’sak kik ding hilo ahi hiam?

Ezekiel 47:12

Hih gun pang tuakah a gah nek dingin singkung nam khempeuh po ding hi. A tehte pulh ngei lo ding a, a gah tawh zong kilawi ngei lo ding hi. Biakinn panin a luangkhia tui ngah ding uh ahih manin kha simin a gah thak gah tawntung ding uh hi. A singgahte an ding hi ding a, a tehte zatui in kizang ding hi,” hong ci hi.

Isaiah 50:10

Topa kihta a, a nasempa’ thu a mangte khempeuh in, khuamial sungah khuavak nei loin na pai hangun, Topa muang un la, Pasian suan’ in nei un.

Isaiah 9:2

Khuamial sunga a pai mite in khuavak lianpi mu khin ta hi; sihna lim thukna gam sunga a teeng mite tungah khuavak taang khin zo hi.

Paunak 4:18

Ahi zongin thuman mite’ zuih lampi ahih leh, sun dong a taang pha semsem zing khuavak tung tawh kibang hi.

Late 85:9

I gam sungah minthan’na a om theih nadingin amah a zahtakte’ adingin ama hotkhiatna hong om takpi hi.

Late 67:1

Pasian in eite hong hehpihin thupha hong pia hen la, eite tungah ama mai hong taangsak hen,

Mangmuhna 11:18

Mipawl khempeuh a heh uh a, na hehna ahi zongin, a si mite thukhen nading hun ahi zongin, na sila kamsangte-a kipan misiangthote leh, na min a kihta milian leh mineu lungdamna na piak nading hun ahi zongin, leitung a siasak mite a siatsak nading ahi zongin a tung zo hi,” ci-in a gen uh hi.

1 JOHAN MASA 2:8

Khat vei thupiakna thak note kiangah kong gelh hi. Tua thupiakna in tua Topa sungah ahi zongin, note sungah ahi zongin thuman thutak ahi hi. Bang hang hiam na cih uh leh, khuamialna mangthang zo a, a maan khuavak a tan’ laitak ahi hi.

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.

2 THESALONIKA NIHNA 1:3

Ute naute aw, na upna uh khang mahmahin, note khempeuh khat leh khat na ki-itna uh zong khang ahih ciangin, kote in hih ding a kilawm bangin note hangin Pasian’ hehpihna ka phat tawntung uh hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 1:8

Amah in khuavak ahi kei hi. Khuavakna thu teci pang dingin hong pai bek ahi hi.

Luka 2:32

Ka mitin ka mu zo hi,” a ci hi.

Luka 1:50

Amah kihta mite tungah, Khang khat pan khang khat dongin ama hehpihna a om tawntung ding hi.

Mattiu 23:37

“Pasian’ kamsangte that a, na omna ah hong kisawlte zong suangtum tawh a deeng Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a, nang na ut kei hi.

Jeremiah 17:14

Topa aw, hong damsak lecin kei ka dam ding a, hong honkhia lecin ka suakta ding hi; bang hang hiam cih leh nang kong phatpa na hi hi.

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Sawltak 13:26

“Abraham’ suan akipan ute naute leh no lakah Pasian a kihtate aw, hih gupna thu eite kiangah hong khak zo hi.

Johan 12:40

“A mit uh tawsakin, a lungsim uh a khauhsak hi. Tua bang hih kei leh, a mit uh tawh mu-in, A lungsim uh tawh thei ding uh a; Amau cinatna ka damsak ding hi,” a cihna thu hangin amaute in a um kei uh hi.

Late 61:5

Bang hang hiam cih leh Pasian aw, ka thuciamnate nangmah in na za khin a, nangmah hong zahtakte’ luahna keimah nong pia khin ta hi.

Jeremiah 30:17

Bang hang hiam cih leh Topa in kong cih-inah, na galte un note paampaih mi pawl, hong ci-in, ‘Kuama’ don loh Zion na hi hi,’ hong cih uh hangin note kong cidamkik sak ding a, na liammate uh ka damsak ding hi.