Malakhi 4:1 - Tedim Bible

¹ Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Tedim Bible Revision 2017

¹ Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kaang tum khin ding uh hi.

Malakhi 4:1 Referans Kwoze

2 PETER NIHNA 3:7

Tu-in a om van leh lei in Pasian bia lo mite kisiatna thukhen ni ading, tua thu hangin mei khul nadingin a kikoih khol zo hi.

Malakhi 3:2

Ahi zongin ama hong pai ni ciangin kua in thuak zo ding a, amah hong kilat ciangin kua nungta zo ding ahi hiam? Amah in, sikte a siangthosak mei, leh puante a siangthosak satpiang tawh kibang hi.

Isaiah 47:14

En in, amaute pen buhkung tawh kibang uh a, mei in amaute kangtum hi; meikuang’ vangliatna panin amau leh amau kihontawm thei lo uh hi. Hih pen khua lum nading mei-am hi lo a, awi ding mei zong hi lo hi.

Isaiah 5:24

Tua ahih ciangin, mei in buhkung keute kangtum a, meikuang sungah lopa keute a kattum bangin, amaute’ zung pen muatna hi ding a, amaute’ pak palhte pen leivui bangin van-ah leengto ding hi; bang hang hiam cih leh Vanglianpen Topa’ thu nialin, Israelte’ Siangtho Pa’ thu simmawh uh hi.

Obadiah 1:18

Tua ciangin Jakob innkuante mei ahi ding uh a, Josef innkuante meikuang ahi ding uh hi. Esau innkuante niinpa ahi ding uh a, amaute in a hal ding uh hi. A kangtum khin ding uh a, Esau innkuante khat beek a suakta kei ding uh hi. Bang hang hiam cih leh Topa in a gen zo hi.

Malakhi 3:15

I muhna bang leh, mi kiphasak teng mah in thupha ngahin nuamsa uh hi. Mi gamtatsiate ahih leh cithei bek loin, a gamtat siatnate uh tawh Pasian ze-et napi-un bangmah tuak se lo uh hi,’ na ci uh hi,” a ci hi.

Zefaniah 1:18

Topa’ heh thukna ni hong tun’ ciangin, amau’ ngun leh amau’ khamte in honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitunga teeng mi khempeuh sumai ding hi.

JOB (Job) 18:16

Lei sunga ama zungte keu in, a tunga ama hiangte a si ta hi.

Luka 21:20

“Jerusalem khuapi galkapte in a uumcip na muh uh ciangin, tua khua siat nading a nai cih na thei ta un.

Luka 19:43

Bang hang hiam na cih leh, na galte in na kimkot ah kan bawlin hong uumcip a, mun khempeuh panin hong khakcip ding uh hi.

Mattiu 3:12

A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Malakhi 4:5

“Ahi zongin tua a lauhuai a lian mahmah Topa’ ni hong tun’ ma-in note kiangah kamsangpa Elijah kong paisak ding hi.

Malakhi 3:18

Tua ciangin, midikte leh migilote, leh keima na hong semte leh hong sem lote a kilamdan’na na mu kik ding uh hi,” a ci hi.

Zekhariah 14:1

Topa in na hong sep hun hong tung ding hi. Jerusalem khuapi kiluh gawpin, note’ muh mahmahin a na lakte uh hawm ding uh hi.

Zefaniah 1:14

Topa’ ni hong nai ta a, nai mahmahin hong tung hathat hi. Tua Topa’ ni hong tun’ciangin, galhang pente nangawn cimawhin kap ding uh hi.

Nahum 1:10

Amaute, linglom bangin om uh a, zu leh sa tawh kidiahin a om lai takun ham bangin kihaltum ding hi.

Joel 2:1

Zion mual tungah peengkul tum un la, Pasian’ mual siangtho tungah pataukohna tum un. Topa’ ni hong nai ta ahih manin, gamsung mi khempeuh lau ta uh hen.

Paikhiatna 15:7

Nangma' vangliatna tawh nangmah in na langte na lawnthal hi; nang in na hehna na khah khia a, tua in amaute buhkung bangin kangtum hi.

Joel 2:31

Topa’ ni, tua a lauhuai hun hong tun’ ma-in, ni hong mialin, kha, sisan hong bang ding hi.

Amos 2:9

Ahi zongin amaute ka khualna-in, taamtaak sing bangin a sang mahmah, tawsaw kung bangin a khauh tuak mahmah, Amor mite amau adingin ka suksiatsak a, a dawn pana kipan a zung dongin ka sukmaisak hi.

Ezekiel 7:10

“Siat nading hun hong tung ta hi. Na ngongtatna uh khang a, na kiphatsakna uh lian hi.

Isaiah 41:2

A nasem dingin dikna tawh samin, nisuahna pan-a mipa kua in hanthawn ahi hiam? Amah in ama khut sungah minamte piakhia ahih manin, amah in kumpite tuancil hi; amah in a namsau tawh amaute leivui bangin bawl a, ama thal tawh nahpa leeng bang sak hi.

Isaiah 40:24

Amaute pen a gina-in kisuan lo, a gina-in kivawh lo, amau’ kungte in a gina-in lei sungah zung kha lo uh a, amah in amaute a mut ciangin amaute vul a, huihpi in nahpa keu bangin amaute a len’ khiatpih hi.

Late 119:119

Nangmah in leitung migilote khempeuh sik-ek bangin na ngaihsun hi; tua ahih ciangin na teci pan’nate ke’n ka deih hi.

Luka 6:23

Tua lai takin nuam un la, lungdamin na diang un. Bang hang hiam na cih leh, vantungah nop tuamna lian na ngah ding uh hi. A pute a pate un zong kamsangte tua bangin a bawlsia uh hi.

Isaiah 9:18

Bang hang hiam cih leh gitlohna pen mei bangin kuang a, lingkungte leh lingte kangtum sak hi; gamlak lopa phate kuang sak a, meikhu lomtangin van lamah kizialto uh hi.

Isaiah 9:19

Vanglianpen Topa’ hehna hangin meikuang bangin gamsung kang a, mite pen mei-a kicih sing tawh kibang uh hi; kuamah in a sanggampa zahtuan lo hi.

Ezekiel 20:38

Note lak panin a lehdo thei mite leh kei tungah hong mawh mite ka la khia ding hi. Tu lai takin a om pakna uh gam panin ka la khia ding a, ahi zongin Israel gamah ka ciahsak kik kei ding hi. Tua ciangin Topa ka hihna thu na thei ding hi,” hong ci hi.

Ezekiel 21:32

Mei in note hong kangtum ding a, note’ gam mah-ah na sisan uh luang-in, kuamah in hong phawk kha nawn lo ding hi. Topa in ci hi, ci-in gen in,” hong ci hi.

Ezekiel 24:11

Tua ciangin a taubeel hawm mei-am tungah suang un la, sansak veva un. Tua hi leh a kang-op nin teng kangtumin hong siang kik ding hi.

Ezekiel 34:17

“No ka tuuhonte aw, Topa Pasian ahi keima thugen ngai un: Note a tuamtuam ciatin thu kong khen ding a, note sung panin a hoih leh a hoih lo hong khenin, tuu leh keel zong kong khen ding hi.

Malakhi 3:3

A ninte kangtumsakin, ngunte a siangsakpa bangin thukhen dingin hong pai ding hi. Ngun leh khamte a kisian’sak bangin amah in Levi’ suan-le-khak ahi siampite siangsak ding hi. Tua ciangin Topa tungah a kilawm biakna pia ding uh hi.

Late 37:9

Bang hang hiam cih leh migilote kipuaseh ding a, ahih hangin Topa a ngakte in leitung luah ding uh hi.