Malakhi 3:7 - Tedim Bible

⁷ Note in, na pu na pate uh mah bangin ka thukhamte panin na pialkhia uh a, ka thukhamte na zui kei uh hi. Ahi zongin keima lamah hong kihei kik un; kei zong note lamah kong kihei ding hi. Ahi zongin note in, ‘Nang lamah kong kihei nadingun bang hih ding ka hi uh hiam?’ na ci uh hi.

Tedim Bible Revision 2017

⁷ Na pu na pate uh mah bangin ka thukhamte panin note na pial khia uh a, ka thukhamte na zui kei uh hi. Ahi zongin keima lamah hong kiheikik un; kei zong note lamah kong kihei ding hi. Ahi zongin note in, ‘Nang lamah hong bangci kihei ding ka hi uh hiam?’ na ci uh hi.

Malakhi 3:7 Referans Kwoze

Zekhariah 1:3

Ahi zongin tu-in kei kiangah hong ciahkik le uh cin, kei zong note kiangah kong paikik ding hi.

ROM (Romans) 10:21

Israel mipawlte thu panin, “Thungai lo, thu seel thei mipawlte lamah ni khat tawntung ka khutpeek ka zan hi,” a ci hi.

ROM (Romans) 10:3

Bang hang hiam na cih uh leh, amaute in Pasian’ dikna thei loin, amau dikna kipsak nading a zong uh ahih ciangin, Pasian’ dikna thu a mang kei uh hi.

Jeim 4:8

Pasian kiangah nai un. Tua bang na hih uh leh, nomau kiangah a hong nai ding hi. Mawhneite aw, na khut uh siangthosak un. Lungka mite aw, na lungsim uh na siangthosak un.

Thu-hilhkikna 31:20

Bang hang hiam cih leh a pu a pate’ uh tungah piak dinga ka kiciamna, bawngnawi leh khuaizu a luan’na gamah amaute tunpih khinin, amaute in ne-in khamin a thau khit uh ciangin, pasian dangte lamah amaute kihei-in a na semin, kei hong simmawhin ka thuciamna siasak ding uh hi.

Hosea 14:1

Israelte aw, note’ Topa Pasian lamah kihei kik un. Na mawhna hangun note na puk khin uh hi.

Luka 15:16

Amah in vok an nek begapte nangawn duhgawhin a nekpih nuam hi. Ahih hangin kuamah in an a pia kei hi.

Jeremiah 3:22

Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amau in zong, “En in, nang kiangah kong pai uh hi; bang hang hiam cih leh Topa kote’ Pasian na hi hi.

Mattiu 23:27

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, suangkangtui a kizut, han tawh kibang na hi uh hi. Tua hante a pualam a hoih uh hangin, a sungah misi guh leh kihhuaina khempeuh tawh a kidim hi.

Malakhi 1:6

Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khatpeuh peuh ahi zongin a muh uh ciangin tua bang mun khempeuh ah biakna pia uh hi. Meihal biakna a piakna uh leh tuiphih biakna a piaknate uh tawh kei hong hehsak uh hi.

Ezekiel 20:21

“Ahi zongin a tate nangawn un kei hong dem uh hi. A zuite in nuntakna a ngah nading ahi ka thukhamte palsatin, ka thupiaknate mang lo uh a, sabbathte siasak uh hi. Tua ahih manin, ka hehna teng gamlakah thuaksak gawpin, amaute a sumai dingin ka kithawi hi.

Ezekiel 20:13

Ahi zongin Israel mite in gamlak nangawn-ah kei hong dem uh a, a zui peuhpeuh in nuntakna a ngah nading uh ahi keima thukhamte leh ka thupiaknate nial uh hi. Ka sabbathte zong nakpi takin siasak uh hi. Tua ahih manin amaute a maiman’ nadingin ka hehna teng gamlakah a thuaksak gawp dingin ka kithawi hi.

Ezekiel 20:8

Ahi zongin amaute in kei hong demin, ka thugen hong ngai lo uh hi. A muhdahhuai a milimte uh paikhia tuan lo uh a, Izipt pasiante zong nusia lo uh hi. Tua hi a, ka heh mahmahna teng Izipt gam sungah thuaksak gawp ning ci-in ka ngaihsun hi.–

Isaiah 65:2

A hoih loin gamta-in, amau’ ngaihsutna bang a zui teitei a genhak mite lam nga-in, sun ni tawntungin ka khut ka zak hi.

Nehemiah 9:26

“‘Ahi zongin amaute in dem nopna lungsim nei-in nang hong lehdo uh hi; amaute in na thukham nungngat uh a, nangma lamah hong ciahkik nadingun amaute a hilhkhol na kamsangte that uh a, amaute in gendai-mawhna lianpi bawl uh hi.

Malakhi 3:13

Topa in hih bangin ci hi: “Kei tawh kisai-in na kam paunate uh khauh mahmah hi. Note in, ‘Bang kam pau ka hi uh hiam?’ na ci uh hi.

Jeremiah 7:26

ahih hangin amau in ka thu hong ngai loin, a bil uh hong ngat lo uh a, a lung uh a khauhsak uh hi. A pute a pate uh sangin a siazaw uh hi.

ROM (Romans) 7:9

Nidang lai-inah thukham loin ka nungta hi. Ahih hangin thukham hong pian’ ciangin mawhna nungta kik a, kei ka si hi.

Jeremiah 7:25

Na pu na pate uh Izipt gam pan-a a hong paikhiat ni uh-a kipan tu ni ciang dong, ni khat khit ni khat, ka nasemte ahi kamsangte ka sawl tawntung a,

Jeremiah 16:11

Tua ciangin nangmah in amaute’ kiangah, ‘Topa in, “Na pu na pate un kei hong taisan khin uh a, kei hong nusia-in ka thukham a zui kei uh hi.

Jeremiah 16:12

Note in na pu na pate sangun na siahuai zaw uh hi. Bang hang hiam cih leh, en un, note’ utna bang ciat na zui tentan uh a, ka thu nong ngai nuam kei uh hi.

Ezekiel 2:3

“Ezekiel aw, kei hong langpan’ in a hong lehdo Israel minamte kiangah nang a hong sawl ka hi hi. A pu a pate uh mah bangin amaute in tu dongin kei hong lehdo uh hi.