Malakhi 3:6 - Tedim Bible

⁶ Keimah in Topa ka hi a, lungsim a kheel lo mi ka hi hi. No Jakob’ suan-le-khakte aw, a sia cimit na hi nai kei uh hi.

Tedim Bible Revision 2017

⁶ “Kei, Topa ka hi a, lungsim a kheel lo mi ka hi hi. No Jakob suanlekhakte aw, a sia cimit na hi nai kei uh hi.

Malakhi 3:6 Referans Kwoze

Gamlak-vakna 23:19

A zuau dingin Pasian in mihing hi lo hi, a kisik dingin mihing’ tapa hi lo hi. Amah in ci khin hi, amah in hih lo ding ahi hiam? Amah in gen khin hi, amah in tangtungsak lo ding ahi hiam?

Hebru 13:8

Zeisu Khazih in zanni, tuni, atawntungin kikheel loin a om hi.

Jeim 1:17

A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

Jeremiah 32:27

“En in, Keimah in Topa ka hi a, mi khempeuhte’ Pasian ka hi hi. Kei adingin a haksa lua bang om ahi hiam?

1 SAMUEL MASA 15:29

Israelte’ minthan’na in zong zuau gen lo ding a, zong kisik lo ding hi; bang hang hiam cih leh a kisik dingin amah in mi hi lo hi,” a ci hi.

Hebru 6:18

Bang hang hiam na cih uh leh, Pasian in zuauthu a zang zo lo thu nih hangin eite mai-ah hong kikoih lametna len a, a beel dinga tai eite in hansuahna khauh i ngah nading ahi hi.

Mangmuhna 1:8

“Keimah in Alfa leh Omega ka hi,” ci-in tu lai taka om, a om ngei, tu nung ciangin hong pai ding mi ahi Vanglianpen Topa Pasian in a gen hi.

Mangmuhna 22:13

Keimah in Alfa leh Omega, a masa bel, a nunung bel, a kipatna leh a tawpna ka hi hi.

Isaiah 44:6

Topa, Israel Kumpipa leh amah Honpa, Vanglianpen Topa in hih bangin gen a: “Keimah in a masa pen leh a nunung pen ka hi hi; kei sim loh Pasian dang om lo hi.

Late 103:17

Ahih hangin, Topa’ itna kip pen, amah a zahtak mite tungah a tawntung panin a tawntung dongin kip ngitnget a, ama thumanna pen, ama thuciamna zui-in a thupiakna bangin sep ding a phawk mite’ tungah a khang khangin kip tawntung hi.

Late 102:26

Amaute sia ding a, ahih hangin nang na kip hi; amaute pen puan bangin paatkhia ding hi. Nangmah in amaute pen puan bangin na kheek a, amaute maimang uh hi;

Filippi 1:6

Tua bang ka phatna-ah note tungah a pha nasep hong panpa in Zeisu Khazih’ Ni dongin a kicingin hong bawlin, hong zosak ding hi ci-in ka lungkim hi.

Isaiah 41:13

Bang hang hiam cih leh keimah Topa na Pasian in na khut taklam ka len hi; Lau kei in, nangmah kong huh ding hi,” nang tunga hong cipa in keimah ka hi hi.

Hosea 11:9

Ka heh manin daan kong pia kei ding a, no Israelte kong susia kei ding hi. Bang hang hiam cih leh keimah in mihing hi loin, Pasian ka hi hi. Kei a Siangtho Pa note tawh kong omkhawm a, a hehsa-in note kiangah kong pai kei ding hi.

Late 78:57

a pate uh mah bangin kiheikhia-in zuau gamtat uh hi; thal ginalo bangin amaute kihuiheek uh hi.

Late 78:38

Ahi zongin, amah in hehpihna lungsim nei ahih manin amau khialhnate maisak a, amaute susia lo hi; amah in a hehna iip zelzel a, a hehna khempeuh phongkhia lo hi.

Piancilna 15:7

Tua ciangin ama kiangah, “Hih leitang na neih nadinga nangma’ tungah a hong pia dingin Khaldea gam Ur khua panin a hong paikhiatpihpa in keimah Topa ka hi hi,” ci hi.

ROM (Romans) 5:10

Bang hang hiam na cih uh leh, eite in galte i hih lai takin ama Tapa in sihna a thuakna hangin eite in Pasian tawh kilem i hih leh, ama hin’na tawh gupna i ngah zaw ding hi.

Piancilna 22:16

“Keimahmah ka kiciam hi, Topa in ci hi, bang hang hiam cih leh nang in hih thu na bawl khin a, na tapa, na tapa khat bek na humcip kei hi,

Piancilna 15:18

Tua ni-in Topa in Abram tawh thuciamna khat bawl a, “Na suan-le-khakte tungah hih leitang, Izipt gun panin a lian gunpi ahi Eufrates gun ciang dong,

Late 102:27

ahih hangin nang na kibang ngitnget a, na nuntak kumte in mong nei lo hi.

Daniel 6:26

Ka gam sunga om mi khempeuh in Daniel’ Pasian kihta-in a zahtak nadingun thu ka pia hi. “Bang hang hiam cih leh, Amah in a nungta Pasian hi a; atawntungin a uk ding hi. Ama gam in kisia ngeilo ding a, a vangliatna a bei ngei kei ding hi.

Habakkuk 1:12

Topa aw, a cil pek-a kipan a tawntungin Pasian na hi a, nang in tawntung keima Pasian, a Siangtho Pa na hi hi. Topa aw, kote daantat dingin amaute na seh hi bek a, ka belh Suangpi aw, kote nong thuhilhna ding bekin amaute vang a pia pak bek na hi hi.

Late 102:28

Na nasemte’ tate, lungmuangin om ding uh a, amau suan-le-khakte nangma mai-ah kip ding uh hi.

Isaiah 46:4

na tek dongun keimah in Amah ka hi a, na sam uh a kan hun dongin note kong kem ding hi. Ka bawl khin a, ka don ding hi; keimah in hong tawi-in kong honkhia ding hi.