Malakhi 3:5 - Tedim Bible

⁵ Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Tedim Bible Revision 2017

⁵ Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeiteʼ thaman piakna ah khemna a zangte; meigong, tagah le gamdang mite a zawhthawh bawlte le kei hong zahtak lo mi khempeuhteʼ lang khat ah thakhatin teci pangin thu ka khen ding hi.

Malakhi 3:5 Referans Kwoze

Hebru 13:4

Mi khempeuh lakah kiteen’na kithupisim ta hen. Pasalte leh zite in khat leh khat a thuman ciat ding uh ahi hi. Bang hang hiam na cih uh leh, numei tawh a mawhte leh mi’ zi tungah a mawhte Pasian in thu a khen ding hi.

Thu-hilhkikna 5:11

“Topa na Pasian’ min na zangkhai zat kei ding hi: bang hang hiam cih leh Topa in ama min a zangkhai zat mi a mawh lo hi, ci lo ding hi.

Jeim 5:4

Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

Malakhi 2:14

Bang hangin hong sang lo hiam, na ci uh hi. Na khangno lai uh a, na ten’pih na zite uh tungah na cihtak lohna uh amah in hong thei a, na zite uh tungah na cihtak tawntung nading uh Pasian tungah thuciamin, na zite uh zong na lawmnu mah uh hi napi-in amaute tawh na thuciamna uh na pelhna hang uh ahi hi.

Thu-hilhkikna 27:19

“‘Peemta, pa nei lo, leh meigong numeite ading thutang a heikhiatsak mipa in gimna ngah ta hen,’ ci ding uh hi. Tua ciangin mi khempeuh in, ‘Amen,’ ci ding uh hi.

Mangmuhna 22:15

Pua lamah ahih leh, uite, mi bum theite, nu leh pa mawhna a bawl theite, mi that theite, milim biate leh a man lo nate deihin a gamta thei mite a om uh hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

Siampi Laibu 20:27

“Pasal ahi a, numei ahi zongin van a kah a, ai a saan mi kithat ding hi; suang tawh amaute kidenglum ding hi; amau’ sihna amau mah ngawh ding ahi hi,” a ci hi.

Siampi Laibu 20:6

“Mi khat vankahna leh ai saanna lamah kihei-in tuate thu a dot leh, keimah in tua mipa ka maisiat ding a, ama mite lak panin amah ka hawlkhia ding hi.

Siampi Laibu 19:13

“Note in na vengte uh na nengniam kei ding uh a, a na na sut kei ding uh hi. A kicial nasempa’ thaman pen a zingsang dong zan tawntung na kemcip kei ding uh hi.

Malakhi 2:17

Na thugen genna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-a gamtate a hoihin ngaihsun a, zong itin amaute tungah lungkim takpi hi,” na cihna khawng uh leh, “A thutang gen Pasian koi lai-ah om ahi hiam?” ci-in na dotnate uh tawh na gimsak uh hi.

Jeremiah 29:23

Bang hang hiam cih leh amaute Israel gamah hai gamtat uh hi: a innvengte’ zite mawhpih uh a, thu ka piak lohpi ka min tawh zuauthu a gen uh hi. Keimah Topa in ka mu a, teci ka hi hi, hong ci hi,” ci-in a gelh hi.

Paunak 16:6

Thumanna leh cihtakna in mawhmai ngahna hi a, Topa zahtakna in siatna tawh kipelhna hi.

Paunak 8:13

Topa zahtakna in thusia muhdahna hi a, kiphatsakna leh kihihsakna, gamtatsia leh thuzuau ka mudah hi.

ROM (Romans) 3:8

Phatna a pian’ nadingin phat lohna gamta ni ci-in mi kimkhatte in hong kosia uh a, komau kam hong dawn’ kik uh mah bangin ka gen kik lai ding uh hiam? Tua bang a gente in thuman daan a thuak ding uh hi.

Micah 1:2

No minam khempeuhte aw, hih thu za un. Leitunga teeng mi khempeuh aw, hih thu ngai un. Note’ lang khatah Topa Pasian in teci pang a, a vantung biakinn panin thu hong gen hi.

Late 81:8

Ka mite aw, note kong thuhilh laitakin hong ngai un! Israelte aw, ka thu hong ngai hi hoh le uh cin!

Nehemiah 5:15

Keima hun ma-in a ukte in mite tungah vangikpi suan uh a, amaute tung panin ni simin an leh lenggahzu ngun shekel sawmli man la uh hi. Amau’ nasemte nangawn mite tungah kiliansak lai uh hi. Ahi zongin Pasian ka zahtakna hangin tua bangin kei ka gamta kei hi.

Thu-hilhkikna 24:17

“Peemta ahi a, pa nei lo mi thu ahi zongin tuate ading thutang na heisak kei ding uh a, meigong numei’ puan zong khapna na-in na lak sak kei ding uh hi;

Siampi Laibu 20:10

“Pasal khat in ama vengpa’ zi tawh a mawh leh, tua a khialpa leh a khialnu kithat khawm ding hi.

Paikhiatna 18:21

Tua tham loin, mi khempeuh lak panin Pasian a zahtak mi, a muanhuai mi leh sumgolh a mudah mi, misiamte na teelkhia ding hi; tua bang mite pen mi a tul, a za, a sawmnga, a sawmte' tungah a uk dingin na koih ding hi.

Paikhiatna 1:17

Ahih hangin naudomte in Pasian zahtak uh a, Izipt kumpipa in amaute a thupiak bangin gamta lo uh hi, nau pasalte nungtasak uh hi.

Piancilna 42:18

A ni thum ni-in Josef in amaute' kiangah, “Keimah in Pasian zaktak ka hih manin hih bangin gamta un, tua hi leh na nungta ding uh hi:

Jeim 5:12

Ka u ka naute aw, thu khempeuh tungah kiciamna pha takin na tang un; vantung tawh na kiciam kei un, leitung tawh na kiciam kei un. Bangmah dang tawh na kiciam kei un. Thukhenna tawh na kipelh theih nadingun ah, “Ahi hi,” na cih uh ahi mah hi ta hen; “Ahi kei hi,” na cih uh a hi lo mah hi ta hen.

1 THESALONIKA MASA 4:6

hih thu-ah kuamah in a u, a nau tungah kheemna tawh a khialh loh nading ahi zongin a hong deih hi. Kote in hilhin, thuciam ka hong piaksa uh bangin Topa in tua banga khialhna khempeuh a thuk mi ahi hi.

Luka 23:40

Khat in ahih leh, “Nangmah in hih pa mah bangin mawhna thu tanna na thuak napi-in, Pasian kihta lo na hi hiam?

Late 36:1

Thu palsatna in migilopa’ lungsim tawngah thu gen a, ama mai-ah Pasian zahtakna om lo hi.

Piancilna 20:11

Abraham in, “Hih lai munah Pasian zahtakna om het lo hi, ka zi’ hangin amaute in kei hong that ding hi, ci-in ngaihsun kha ka hih manin hih bangin ka gamta hi.

Thu-hilhkikna 18:10

Note lakah a tanu ahi a, a tapa ahi zongin biakna-in a zang, ai a saan, khong a khai, mai lam thu a gen, ai a tawi,

Isaiah 57:3

No, aisan numeite’ tapate, numei tawh a mawh mite leh numei pangtatte’ tu-le-tate aw, hih lai-ah hong nai un.

Jeremiah 5:2

“Topa a nuntak bangin,” ci-in a kiciam uh hangin a zuaupi uh ahi hi.

Jeremiah 5:29

Hih thute hangin amaute daantat lo ding ka hi hiam? Topa in ka ci hi. Hih bang minam’ tungah thukkik lo ding ka hi hiam?”

Jeremiah 23:10

Bang hang hiam cih leh mun khempeuh ah angkawmte dim hi. Topa’ haamsiatna hangin gamsung tengah kahna dim a, gamlak lonona munte a keumang hi. Amaute gitlohna lamah pai uh a, a thuneih theihnate uh a man lopi-in a zang uh hi.

Jeremiah 27:9

Tua ahih manin Babilon kumpipa’ na sem kei un, ci-a note’ kianga a hong gen na kamsangte uh, na aisan theite uh, na mang man’ theite uh, na khutlamen theite uh leh na mangsan theite uh’ thu gennate um kei un.

Jeremiah 27:10

Bang hang hiam cih leh note’ kianga hong gen uh thu in zuauthu hi a, tua hangin na gam uh panin gamla pi-ah note hong kipai khiatpih ding hi. Keimah in note kong hawlkhia ding a, note na si ding uh hi.

Jeremiah 42:5

Tua ciangin amaute in Jeremiah kiangah, “Topa na Pasian in kote’ ading-a nang’ tunga a hong gen bangbang ka zuih kei tak mah uh leh Topa in man takin thei ta hen.

Habakkuk 1:12

Topa aw, a cil pek-a kipan a tawntungin Pasian na hi a, nang in tawntung keima Pasian, a Siangtho Pa na hi hi. Topa aw, kote daantat dingin amaute na seh hi bek a, ka belh Suangpi aw, kote nong thuhilhna ding bekin amaute vang a pia pak bek na hi hi.

Zekhariah 11:12

Tua ciangin kei zong amaute kiangah, “Hoih na sak uh leh ka tuucin’ thaman hong pia un. Hoih na sak kei uh leh lah tang lel un,” ka ci hi. Tua ciangin ka thaman dingin ngun shekel sawmthum hong pia uh hi.

Paikhiatna 20:7

“Topa na Pasian’ min na zangkhai ngaihsut kei ding hi; bang hang hiam cih leh Topa in ama' min a zangkhai ngaihsut mi a mawh lo hi, ci lo ding hi.

Paikhiatna 22:20

“Topa bek sim loh pasian khat peuhpeuh' tungah biakna a pia peuhmah kisusia mang ding hi.

Thu-hilhkikna 15:13

Na kiang panin a suakta-in na paikhiat sak ciangin khut hawm guakin na paisak kei ding hi;

JOB (Job) 7:2

Sila nasemte in niliim lunggulhin, a kicial nasempa in a thaman a ngak tawh kibang hilo ahi hiam?

JOB (Job) 31:12

Ka neih khempeuh a kangtum mei husia tawh a kibang ahi hi.)

Malakhi 1:6

Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.