Malakhi 3:3 - Tedim Bible

³ A ninte kangtumsakin, ngunte a siangsakpa bangin thukhen dingin hong pai ding hi. Ngun leh khamte a kisian’sak bangin amah in Levi’ suan-le-khak ahi siampite siangsak ding hi. Tua ciangin Topa tungah a kilawm biakna pia ding uh hi.

Tedim Bible Revision 2017

³ A ninte kaang tumsakin, ngunte a siangsak pa bangin thukhen dingin hong pai ding hi. Ngun le khamte a kisiansak bangin amah in Levi suanlekhak ahi siampite siangsak ding hi. Tua ciangin Topaʼ tungah a kilawm biakna a pia ding uh hi.

Malakhi 3:3 Referans Kwoze

Isaiah 1:25

Note kong langpan ding a, meikhuk-a haltui bangin na saam-ek teng uh tuikhia sakin, na kihelpih na nin khempeuh uh ka lakhia ding hi.

Paunak 17:3

Kham leh ngunte, mei sungah kize-et a, mihingte’ lungsim, Topa in ze-et hi.

Hebru 12:10

Bang hang hiam na cih uh leh, tua pate in a kilawm ci-in amaute ut bangin tawlkhat bek hong hilh uh hi. Pasian in a hih leh, ama siangthonate eite in i zop nadingin eite noptuamna ding ngaihsunin hong hilh hi.

Daniel 12:10

Mi tampite kisiansuahin a hoih leh a hoih lo lam a kikhentel ding hi. Mi gilote in bangmah thei tel thei lo uh ahih manin a gi kei semsem ding uh hi. Ahih hangin mi pilte in theih tel theihna a nei ding uh hi.

Zekhariah 13:9

Tua a suakta seh khatte pen, meikhukah ngun a kisian’sak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ hong ngetna ka pia ding hi. Keima mi ahihna uh, amaute tungah ka gen ding a, amaute in, kei pen, amau’ Pasian ka hihna thu, a kam uh tawh pulak ding uh hi,” a ci hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Filippi 2:17

Tua tham loin, na piak uh biakna, note upna biakna tungah ka pumpi ka piakhia zongin, ka nuam hi; note khempeuh tawh ka lungdam khawm hi.

Late 66:10

Bang hang hiam cih leh Pasian aw, nangmah in kote nong sin zo hi; mei tawh ngun a kisin bangin kote nong sin khin hi.

Mangmuhna 3:18

nang in na hauh nadingin mei tawh kisiang saksa kham ahi zongin, puan nei loin omin na zumhuaina a kilat loh nadingin nangma silh ding puanpaak ahi zongin, mit khuamuh nadingin nuh ding mit-za ahi zongin kei kiang pan na lei nading kong hansuah hi.

1 PETER MASA 2:9

Note na hih uh leh, khuamial sung pan a lamdang khuavak sungah a hong sampa’ vanglian hehpihna na lahkhiat nadingun, a hong teel mi pawl, man’na nuam a nei siampi pawl, mi siangtho pawl, Pasian in a uk, a neih mi pawlte na hi uh hi.

ROM (Romans) 12:1

Tua ahih ciangin ute naute aw, a hing biakna, a siangtho leh Pasian’ deihna tawh kituakin, na pumpi uh Pasian kiangah na piak nadingun Pasian’ hehpihna tawh kong thuum hi. Bang hang hiam na cih uh leh, tua bang hihna in a kilawm biakna nasepna ahi hi.

Luka 3:16

Johan in, “Note tui sungah ka hong baptaiz hi. Kei sangin a lian zaw pa khat hong pai ding hi. Ama khedap khau sut dingin zong ka kilawm kei hi. Tua pa in Kha Siangtho leh mei sungah note hong baptaiz ding hi.

Paunak 25:4

Ngun a ek teng paaikhia lehang, siksekpa in na hoihpi piangsak thei hi.

Late 4:5

A maan biakna piaknate lui un la, Topa muang un.

Mangmuhna 1:6

ama Pa Pasian mai-ah eite kumpi za-ah ahi zongin, siampi za-ah ahi zongin hong koih Topa tungah minthan’na leh vangliatna om tawntung ta hen! Amen.

1 PETER MASA 2:5

note in zong a nungta suangte bangin a kilam, Kha inn na hi uh hi; Zeisu Khazih hangin Pasian san’ theih ding akilawm biakna a pia thei, a siangtho siampi pawl-in zong a piang na hi uh hi.

2 TIMOTI NIHNA 4:6

Bang hang hiam cih leh, keimah in tu lai takin biakna tau tungah kisungin ka om lai hi. Ka paina hun a hong tung zo hi.

ROM (Romans) 15:16

keimah in Pasian’ Lungdamna Thuhilh na semin Gentailte tungah Khazih’ nasem ka hih nading, Pasian in kei hong piak hehpihna thupha hanginah ute naute aw, note hong phawksak kikin, lau loin lai ka gelh hi.

Hosea 14:2

Topa’ lamah kihei un la, “Ka mawhna khempeuh uh hong maisak in la, kong thuumna uh hong ngai in. Ka kam pauna bangun kong gamta ding uh hi.

Isaiah 48:10

En un, meikhuk sungah ngun a kisian’sak bangin, gimna meikhuk sungah note kong ze-et hi. Ahi zongin note pen bangmah-a kimang lo na hihna uh hong kimu khia hi.

Late 116:17

Lungdamkoh biakpiakna nang tungah kong pia ding a, Topa tungah thu kong ngen ding hi.

Late 50:23

Biakpiak nadingin lungdam piakna hong paipih mi in kei hong pahtawi ahi hi; Ka thu a mang mite khempeuh ka honkhia ding hi,”

Filippi 4:18

Keimah in na khempeuh ka nei ta a, ka hau hi! Pasian tungah a lungdamhuai, a san’ huai gim namtui biak piakna ahi note’ hong khak huhnate Epafroditas’ khut sung pan ka ngah maninah ka hau hi.

Isaiah 61:6

ahih hangin note pen Topa’ siampite hong kici ding a, mihingte in note pen i Pasian’ nasemte ci-in hong gen ding uh hi; minamte’ hauhna note in na ne ding uh a, amau’ hauhna note in na kisaktheihpih ding uh hi.

Mangmuhna 5:10

Ko’ Pasian mai-ah kumpi za-ah ahi zongin, siampi za-ah ahi zongin na koih hi; tuate in leitung ukin a om ding uh hi,” ci-in la thak a sa uh hi.

Late 50:14

Lungdam biakpiakna Pasian’ tungah pia un la, Sang Penpa tungah na thuciamnate uh bawl un;

Late 51:19

tua ciangin, biakpiakna man, meihal biakna leh meihal biakpiakna bup-ah na lungkim ding hi; tua ciangin na biakna tau tungah bawngtalte hong kipia ding hi.

Jeremiah 9:7

Tua ahih manin a vanglian Topa in a cih-inah: “En un, amaute a sian’tho nadingun ka suangtui dinga ka ze-et ding hi. Tua lo ka mite bang ka cih nawn ding hiam?

Ezekiel 20:38

Note lak panin a lehdo thei mite leh kei tungah hong mawh mite ka la khia ding hi. Tu lai takin a om pakna uh gam panin ka la khia ding a, ahi zongin Israel gamah ka ciahsak kik kei ding hi. Tua ciangin Topa ka hihna thu na thei ding hi,” hong ci hi.

Daniel 11:35

Mi pawlkhat in thahna a thuak ding uh hi. Tua banga a pian’na thu in, beina a tun’ mateng sian’tho sakna leh mipha leh misia khentelna, Pasian’ sehsa hun a tun’na ahi hi.

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Gamlak-vakna 8:6

“Israel mite panin Levi mite la khia in la, amaute siangsak in.

Late 4:6

Mi tampi in, "Thupha ngah thei leeng ut si hang. Ko tungah na maitang vang hong taangsak in, Topa!" ci uh hi.