Malakhi 3:2 - Tedim Bible

² Ahi zongin ama hong pai ni ciangin kua in thuak zo ding a, amah hong kilat ciangin kua nungta zo ding ahi hiam? Amah in, sikte a siangthosak mei, leh puante a siangthosak satpiang tawh kibang hi.

Tedim Bible Revision 2017

² Ahi zongin ama hong pai ni ciangin kua in thuak zo dinga, amah hong kilaak ciangin kua nungta zo ding ahi hiam? Amah pen, sikte a siangthosak mei le puante a siangthosak satpiang tawh kibang hi.

Malakhi 3:2 Referans Kwoze

Zekhariah 13:9

Tua a suakta seh khatte pen, meikhukah ngun a kisian’sak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ hong ngetna ka pia ding hi. Keima mi ahihna uh, amaute tungah ka gen ding a, amaute in, kei pen, amau’ Pasian ka hihna thu, a kam uh tawh pulak ding uh hi,” a ci hi.

Mangmuhna 6:17

Bang hang hiam na cih uh leh, tuate hehna a lianpi Ni hong tung zo hi. Kua in a thuak zo ding hiam?” ci-in mualte leh suangte kiangah a ci uh hi.

Luka 21:36

Ahih hangin, note in hong piang ding tua thute khempeuh tawh na kipelh theih nading uh leh, Mihing Tapa mai-ah na din’ theih nadingun a tawntungin thungen un la, na ngak ta un,” ci-in a gen hi.

Late 2:7

Topa’ thukhenna kong gen ding hi; Amah in kei’ tungah, “Nang in ka tapa na hi a, tuni in nang kong piang sak khin zo hi.

Luka 3:17

Ama buh phual a zapsiang nadingin a khutin lawhpi a tawi hi. A tak teng a sal sungah koih ding hi. A site ahih leh, mit ngeilo mei-in hal ding hi,” ci-in a hilh hi.

Luka 3:9

Tu-in zong sing phungah hei a om zo hi. A gah hoih gah lo kung khempeuh phuk pai-in mei sungah kikhul ding hi,” a ci hi.

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Mangmuhna 2:23

Ama tate zong ka that ding hi. Tua ahih ciangin keimah in lungsung sinsung a zong kawikawi thei Topa ka hih thu, pawlpi khempeuh in a thei ding uh hi. Note khempeuh zong na gamtatna uh tawh kituakin ka hong thukkik ding hi.

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

Johan 8:55

Note in tua Pasian na thei kei uh hi. Ahih hangin ke’n ahih leh, ka thei hi. Ka thei kei hi ci leng, note bangin zuauthu gen ka hi ding hi. Ahih hangin tua Pasian thei-in ama thu ka ngai hi.

Luka 2:34

Simeon in amaute thupha a piak khit ciangin a nu Mari kiangah, “Hih naungeek in Israel mi tampite kipuk nading ahi zongin, thawh nading ahi zongin, mi tampi a lungngaihna a kilat nading ahi zongin, nialna a thuak nading lim a pian’ nading ahi zongin a kikoih hi.

Jeremiah 2:22

Vuttui tawh na kisil-a satpiang tampi na zang zongin na mawhna nin ka mu lai veve hi, Topa Pasian in kong ci hi.

Isaiah 1:18

Topa in hih bangin ci hi: “Tu-in hong pai un la, thu kikum khawm ni; na mawhnate uh puansan a bat hangin vuuk bangin hong ngo ding hi; na mawhnate uh si bangin a san hangin tuumul bangin hong kaang ding hi.

Mattiu 25:10

Amaute in namgimtui lei dingin a va pai lai takun, zipipa hong tung a; a baihsa a om nungakte tawh mopina pawi sungah a lut khawm khit uh ciangin, kong a khak uh hi.

Marka 9:3

a puan zong leng a, hih leitungah puansawp mi kuamah in a paaksak zawh loh ding zah dongin a paak mahmah hi.

Ezekiel 22:14

Tua bangin kong hih ciangin hang nawn dingin ki-um a, na khuttum liik ngam dingin ki-um na hi hiam? Topa ahi keimah in thu ka gen khin a, ka gen bangin ka gamta ding hi.

Mangmuhna 19:8

A siangtho, a ngo mahmah saihadial puan silhna thu a ngah hi. Bang hang hiam i cih leh, tua saihadial puan in misiangthote’ dik gamtatna ahi hi,” ci-in a gen hi.

Mangmuhna 7:14

“Topa aw, nang na thei hi,” ka ci kik a, tua upa in, “Tua mite in gimna lianpi sung pan hong pusuakkhia mi ahi uh hi. Amau puante zong Tuuno’ sisan tawh kisawp siang a, a kipaaksak uh hi.

Luka 7:23

Keimah hangin pukna a ngah lo peuhmah in thupha a ngah ding hi,” a ci hi.

1 SAMUEL MASA 6:20

Tua ciangin Bethshemesh mite in, “Hih a siangtho Pasian, Topa mai-ah kua om zo ding ahi hiam? Eite kiang panin kua kiangah amah paisak ding i hi hiam?” a ci uh hi.

Late 76:7

Ahih hangin nang zahtak-huai mahmah teh! Na heh khit phot ciangin nangma mai-ah kua ding zo ding ahi hiam?

Late 130:3

Topa aw, nangmah in mawhnate ciamteh lecin, Topa aw, kua in thuak zo ding ahi hiam?

Paunak 25:4

Ngun a ek teng paaikhia lehang, siksekpa in na hoihpi piangsak thei hi.

Isaiah 33:14

Zion-a om mawhnei mite lau uh a, Pasian thu a ngaihsun lo mite lau-in lingcip uh hi. Amaute in, “Pasian’ thukhenna in a kuang tawntung mei tawh kibang hi. Tua bang meikuang kua in thuak zo ding i hi hiam?” ci uh hi.

Daniel 11:35

Mi pawlkhat in thahna a thuak ding uh hi. Tua banga a pian’na thu in, beina a tun’ mateng sian’tho sakna leh mipha leh misia khentelna, Pasian’ sehsa hun a tun’na ahi hi.

Joel 2:11

Ama mi honpite tam mahmah uh ahih manin, amaute thu pia-in a mai uh-ah Topa awng a, ama thupiakna banga a semte hat mahmah uh hi. Topa’ ni ding nak kihtakhuai mahmah ahih manin, kua in thuak zo peuhmah ding ahi hiam?

Nahum 1:6

Ama hehna kua in nang zo ding a, a lunghamna kua in thuak zo ding ahi hiam? A hehna meikuang bangin hong khahkhia a, ama mai-ah suangtumpi kitamzan hi.

Piancilna 19:28

amah in Sodom leh Gomorrah leh kuamte khempeuh lam nga sukin khuadak hi, en in, leitang khu pen meiphualpi khu bangin kahto hi.

JOB (Job) 28:1

“Ngun a kitawh khiatna ngunkhuk om a, kham a kisian’ sakna mun mah a om hi.