Malakhi 3:12 - Tedim Bible

¹² Tua ciangin na gam uh, ten’ nadingin a hoih mahmah leitang hong suak ding ahih manin, minam dang khempeuh in note pen a nuamsa minam, hong ci ding uh hi,” Vanglianpen Pasian in a ci hi.

Tedim Bible Revision 2017

¹² Tua ciangin na gam uh, ten nadingin a hoih mahmah leitang hong suak ding ahih manin, minam dang khempeuh in note pen a nuamsa minam hong ci ding uh hi,” a ci hi.

Malakhi 3:12 Referans Kwoze

Zekhariah 8:23

Tua hun ciangin minam tuamtuamte sung panin mi sawm, Judah mi khat kiangah hong pai-in, ‘Pasian in note hong ompihna thu za ka hih manun na nung hong zuisak in,’ ci-in thuum ding uh hi,” a ci hi.

Isaiah 61:9

Amau suan leh khakte pen minamte lakah kithei ding a, amau tu-le-tate pen mite laizang ah kithei ding hi; amaute pen Topa in thupha a piak mite hi, ci-in a mu mi khempeuhte in thei-in sang ding uh hi.

Isaiah 62:4

Nang pen a kinusia, hong kici nawn lo ding a, na leitang pen Gamkhing, kici nawn lo ding hi. Nang pen ama tungah ka lungkimna om, hong kici a, na leitang pen Kiten’pih, kici ding hi; bang hang hiam cih leh nangma tungah Topa lungkim a, na leitang pen a kiten’pih zi bang ding hi.

Luka 1:48

Bang hang hiam na cih leh, ama sila numei’ kiniamsakna hong en zo hi. Tu-a kipanin khang khempeuhte in kei thupha a ngah mi hong ci ding hi.

Daniel 11:41

Amah in Thuciam Gam zong sim ding a, tul tampi tak a that ding hi. Ahih hangin Edom gam, Moab gam leh Ammon gam sunga a om lai sun teng a suakta ding uh hi.

Daniel 8:9

Tua ki lite lak pan khat tungah kineu dang khat hong kipan a, a vangliatna khang lam, ni suahna lam leh, Thuciamna Gam lamah a vangliatna a khang hi.

Jeremiah 33:9

Jerusalem khuapi in kei adingin lungdamna, minphatna leh minthan’na ahi ding hi. A sunga om mite tungah hoihna leh hauhna ka tun’sakna thu a za minam dangte in lau-in a liing ding uh hi.

Late 72:17

Ama min kip tawntung hen la, ni a om lai teng a minthan’na kip suak hen! Ama hangin mite in thupha ngah hen la, minam khempeuh in amah pen thupha ngahpa, ci ta uh hen!

2 KHANG TANGTHU NIHNATE 32:23

Tua ciangin mi tampi in Jerusalem khua Topa kiangah letsongte hong puakin, Judah kumpipa Hezekiah kiangah na manphate hong puak uh a, tua huna kipanin minam khempeuh muhna ah amah kisangtawi hi.

Thu-hilhkikna 11:12

Topa na Pasian un a kep leitang ahi hi; kum kipat-a kipan kum bei dongin Topa note Pasian’ mitte in tua leitang en tawntung hi.

Malakhi 3:13

Topa in hih bangin ci hi: “Kei tawh kisai-in na kam paunate uh khauh mahmah hi. Note in, ‘Bang kam pau ka hi uh hiam?’ na ci uh hi.

Isaiah 62:5

Bang hang hiam cih leh tangval khat in nungak khat a ten’pih mah bangin nang hong lamkippa in nang hong tenpih ding a, zipipa mothak nu tungah a lungdam mah bangin na Pasian nang tungah lungdam ding hi.