Malakhi 3:10 - Tedim Bible

¹⁰ Ka biakinn ah an a om theih nadingin sawm-ah khat a kimin hong paipih un. Kei hong ze-et dih un; vantung kongkhakte hongin, note’ adingin na hoih tampi kong piakna na mu ding uh hi.

Tedim Bible Revision 2017

¹⁰ Ka biakinn ah an a om theih nadingin sawm-ah-khat a kimin hong paipih un. Kei hong ze-et un; vantung kongkhakte hongin, note adingin na hoih tampi kong piakna na mu ding uh hi.

Malakhi 3:10 Referans Kwoze

Mattiu 6:33

Pasian’ Gam leh ama dikna zong masa un. Na zon’ uh leh, tua na khempeuh a hong pia thuah ding hi.

Late 37:3

Topa muang in la gamtat hoih in; gam nuamah teeng in la thumanin om in.

Thu-hilhkikna 28:12

Note leitangah ama hunin guah a zusak ding leh na sepna khempeuh uh thupha a pia dingin Topa in a na hoih kholna vantung note adingin phal takin hong hon’ ding hi; note in minam tampite tungah leitawi na pia ding uh a, ahih hangin note in leitawi na la kei ding uh hi.

Siampi Laibu 27:30

“Leitung pana piang seh sawmsuah seh khat khempeuh khaici hita leh singgah hita leh, Topa’ aa ahi hi; Topa adingin siangtho hi.

Nehemiah 12:44

Tua ciangin khuapite kiimah lo omte a golna leh a neuna tawh kizui-in siampite leh Levi mite’ adingin thukham sunga om bangin a kaihkhop ding uh a kipia nate, anpalte, leh sehsawm suah sehkhatte a koih nading uh vankoihna innte a uk dingin mi kiseh hi; bang hang hiam cih leh siampite leh Levi mite’ nasepna hangin Judah mi khempeuh lungdam mahmah uh hi.

Gamlak-vakna 18:21

“Kikhopna buk sungah amaute’ nasepna, amau’ nasep thaman dingin Israel sunga sehsawm suah sehkhat khempeuh, Levi mite tungah gamh-in ka pia hi.

Siampi Laibu 26:10

Note in sau veipi a kikhol a luite ne-in, note in a thak koih nadingin alui na hahsiang masa ding uh hi.

2 KUMPI NIHNATE 7:2

Tua ciangin a ban tungah kumpipa a kingapna galkap ukpa in Pasian’ mipa kiangah, “Topa mahmah in vantungah kongvangneute hong bawl leh zong, hih bang thu hi thei ding ahi hiam?” a ci hi. Ahih hangin amah in, “Nangma mit mahmah tawh hih thu na mu ding a, ahih hangin nang in na ne kha kei ding hi,” a ci hi.

2 KUMPI NIHNATE 7:19

galkap ukpa in Pasian’ mipa dawngin, “Topa mahmah in vantungah kongvangneute hong bawl leh zong, hih bang thu hi thei ding ahi hiam?” a ci hi. Tua ciangin amah in, “Nangma mit mahmah tawh hih thu na mu ding a, ahih hangin nang in na ne kei ding hi,” a ci hi.

Haggai 2:19

Na ansal uh ah na upmawh zah sangun an na tawm zaw lai ding ahi hiam? Leenggui leh theikung, mangkawlsing leh oliv kungte, gah nai lo lai ding ahi hiam? Tua bang hi nawn lo ding a, tu ni-a kipanin note thupha kong pia ding hi, ci hi,” a ci hi.

Nehemiah 13:5

Levi mite, lasate, leh kongcingte’ adingin piak dingin a kisawl an tawh biakna, paknamtui, um-le-beelte, an sehsawm suah sehkhat, leenggahzu, leh sathau, leh siampite’ adingin a kipia nate a koihna ngei uh inndei lianpi khat, Tobiah’ adingin bawlsak hi.

Nehemiah 12:47

Zerubbabel leh Nehemiah’ hun lai-in Israel mite khempeuh in lasate leh kongcingte’ adingin a nisim tanh uh pia uh hi; tua ciangin amaute in Levi mite’ ading tuam koih uh hi; tua ciangin Levi mite in Aaron’ suante ading tuam koih sawn leuleu uh hi.

Piancilna 7:11

Noah’ nuntak kum zaguk kum, a kha nihna, tua kha ni sawm-le-sagih ni-in van-a om a thuk mahmah tuikhukte puakkhamin, vantung kongvangneute kihong hi.

Thuhilh-sia 11:3

Meii sungah tui a tamluat ciangin, leitungah guah-in hong zusuk a, singkung khatpeuh a puk ciangin, a pukna san san-ah om paisuak hi.

1 KHANG TANGTHU MASATE 26:20

Tua ciangin Levi mite sung panin Ahijah in Pasian’ inn van manpha koihleh a ki-ap letsong koihnate uk hi.

Siampi Laibu 26:3

“Note in ka thukham zui-in ka thupiaknate mangin tuate na sep uh leh,

Thu-hilhkikna 12:6

tua lai-ah na pai ding uh a, na meihal biaknate uh leh na biak piaknate uh, note in na piak uh na sehsawm suah sehkhat uh leh na piakte, thuciamna biak piakna, ut thu-a na piakna, na bawnghon tacilte uh leh na tuuhon tacilte uh tua lai-ah na paipih ding uh hi;

Thu-hilhkikna 14:22

“A kum a kumin na lo uhah a piang, na khaici pan a piang khempeuh sehsawm suah sehkhat na pia ding uh hi.

Thu-hilhkikna 14:29

Topa na Pasian un na sepnate khempeuh uhah thupha hong piak theih nadingin, note tawh kibangin amaute in tanh ahi a, luah ahi zongin nei loh uh ahih manin Levi mite’ peemta, pa nei lo, leh meigong numei ahi note’ khua sunga omte hong pai-in ne-in a gilvah ding uh hi.

Late 78:23

Ahi zongin amah in, tung-a om vantungte thu pia-in, vantung kongte hong a,

Ezekiel 34:26

Amaute thupha pia-in ka mual siangtho kiim-ah ka om sak ding hi. A kisap hun hunin thupha guahtui ka zusak ding hi.

Ezekiel 44:30

Anpal sung panin a limcipen teng leh kei tungah hong kipia na khempeuh, amaute in tang ding uh hi. Israel mite’ inn sungah ka thupha a tun’ theihna dingin amaute in anlum a em simun, biakna-in siampite tungah a em masak penpen uh pia ding uh hi.

Hosea 2:21

Tua ni ciangin keima mi Jezre-elte’ thungetna ka pia ding a, leitungah guah ka zusak ding hi.

Joel 2:19

Topa in ama mite’ thungetna dawng a, “Tu-in note tungah an, leenggahzu leh sathau, ka hong pia a, na kham takun na ne ding uh hi. Minam dangte’ simmawhin na om nawn kei ding uh hi.

Joel 2:24

Na ancilna phual uh an tawh kidim ding a, na koihna uh um-le-beel khempeuh, leenggahzu leh sathau tawh kidim ding hi.

Piancilna 28:22

khuam ka phuhsa hih suang in Pasian’ inn hi ding hi; keima' tungah nangmah in nong piak khempeuh seh-sawm-suah-seh-khat nang' tungah kong pia ding hi,” ci hi.