Malakhi 3:1 - Tedim Bible

¹ Hih banga na thu genna uh tawh kisai-in Vanglianpen Topa in hong dawng a, “Ka pai nading lampi a bawl khol dingin ka kamtaipa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muh nop uh kamtaipa hong pai-in ka thuciamna hong taangko ding hi,” a ci hi.

Tedim Bible Revision 2017

¹ Hih bangin na thugenna uh tawh kisai-in Vanglian Topa in hong dawng a, “Ka pai nading lampi a bawl khol dingin ka kamtai pa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muhnop uh kamtai pa hong pai-in ka thuciamna hong taangko ding hi,” ci hi.

Malakhi 3:1 Referans Kwoze

Malakhi 4:5

“Ahi zongin tua a lauhuai a lian mahmah Topa’ ni hong tun’ ma-in note kiangah kamsangpa Elijah kong paisak ding hi.

Luka 1:76

Ahi hi, naungeek aw, nangmah in Sang Bel Topa’ kamsangpa hong kici ding hi. Bang hang hiam na cih leh, eite Pasian hong hehpihna thupha hangin ah Ama mi pawlte’ khialhna maisakna tawh,

Isaiah 63:9

Ama ompihna vantungmi in amaute honkhia hi. Ama itna leh ama hehpihna tawh amaute tankhia a, amah in a beisa hun lui khempeuh ah amaute domto-in a pua hi.

Sawltak 19:4

Paul in, “Johan in, ‘Kei nungah hong paipa na um ding uh hi,’ ci-in mite kiangah genin, mawhna a kisikkik manunah a baptaiz hi. Tua bang a cihna in Zeisu ahi hi,” ci-in Paul in a gen hi.

Malakhi 2:7

Siampite’ nasep in Pasian a man-a theih nading a hilh ding uh ahi hi. Amaute pen Vanglianpen Topa’ kamtaite ahih manin, mite in keima deihna a theih nadingun amaute tungah thu a dot ding uh ahi hi.

Paikhiatna 23:20

“En un, keimah in ka bawlsa mun-ah note hong paipih ding leh lam kal-ah note hong cing dingin note’ mai-ah vantung mi khat ka sawl hi.

Luka 19:47

Zeisu in ni simin biakna innpi sungah thu a hilh hi. Ahih hangin siampi liante, laitheite leh miliante in amah thah nading a zong uh hi.

Late 110:1

Topa in ka to kumpipa tungah, “Na galte nangma khe ngakna-in ka bawl matengin ka taklam khutah tu in,” a ci hi.

Sawltak 7:38

Amah in gampalak mi kikhopna lakah ahi zongin, Sinai mual tungah amah tawh a hopih vantungmi tawh ahi zongin, eite pate tawh ahi zongin, omkhawm a, ei hong piak dingin hin’na thu a ngah hi.

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Isaiah 7:14

Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Luka 2:46

Ni thum khit ciangin, naupang biakna innpi sungah thuhilhte lai zangah tu a, amaute thu ngai a, amaute kiangah thu dongin a om a mu uh hi.

Luka 2:38

Amah tua lai takin tunga Pasian hehpihna phatin, Jerusalem khuapi suahtak nading a lamen mi khempeuhte kiangah tua naungeek thu teng a gen hi.

Luka 2:11

Tuni-in, David’ khua-ah Topa Khazih ahi hong Gumpa in note adingin a suak zo hi.

Mattiu 11:14

Note in na san’ nop uh leh hong pai ding hi ci a, a kigenpa Eijah in amah ahi hi.

Haggai 1:13

Tua ciangin Topa’ kamtai Haggai in mite tungah Topa’ thugente gensawn a, “Topa in note kong ompih hi, ci hi,” ci-in gen hi.

Malakhi 2:4

Tua ciangin, Levi’ suan-le-khakte ahi siampite tawh ka thuciamna a kip nawn lo ahihna thu, hih thu kong genna-ah na thei ding uh hi.

Paikhiatna 23:21

Amah thudon-in ama' aw ngai un la amah lehdo kei un, bang hang hiam cih leh amah in note’ thu palsatna hong maisak lo ding hi; bang hang hiam cih leh keima' min tawh nasem ahi hi.

Isaiah 40:10

En un, Topa Pasian hong pai a, vangliatna tawh hong pai a, a banin ama adingin uk ding hi. En un, ama sep thamante hong pua a, a gualzawhna thamante hong masuan hi.