Malakhi 2:9 - Tedim Bible

⁹ Tua ahih manin, note in ka thuhilhna zui loin, keima thu na hilh uh ciangin zong a kibangin hilh loin mi na deidan mah bangun, kei zong, mi khempeuh mai-ah simmawhna leh niamkhiatna kong ngahsak hi,” a ci hi.

Tedim Bible Revision 2017

⁹ Tua ahih manin, note in ka thuhilhna zui loin, keima thu na hilh uh ciangin zong a kibangin hilh loin mi na deidan mah uh bangin, kei zong mi khempeuh mai ah simmawhna le niamkhiatna kong ngahsak ding hi,” a ci hi.

Malakhi 2:9 Referans Kwoze

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.

Thu-hilhkikna 1:17

Thukhenna ah angvan na nei kei ding uh hi; a neu leh a liante a kibangin na ngai ding uh hi; mihing maitang na zahtak kei ding uh hi; bang hang hiam cih leh thukhenna in Pasian’ aa ahi hi; note adingin a haksa lua thute kei kiangah nong paipih ding uh a, keimah in tua thu ka za ding hi,’ ka ci hi.

Galati 2:6

Mi lian a kicite in nidang lai-inah bang ci mi ahih thu kei tawh kisai lo hi, Pasian in mi maitang zahtak a nei kei hi. Tua mite tawh kipawlin bangmah ka ngah lo tham loin,

Luka 11:42

“Farisaite aw, note in gimna na thuak ding uh hi. Bang hang hiam na cih uh leh, leengmasel leh anis leh meh namkim sehsawm suah sehkhat na piak uh hangin, aman thukhenna leh Pasian itna na nusia uh hi. Adangte tang lo tuan loin, hihte zong tan’ ding kilawm hi.

Luka 10:29

Tua pa in ama phatna thu a lah nop manin, “Ka lawmte kuate ahi hiam?” ci-in Zeisu a dong hi.

Malakhi 2:8

Ahi zongin, no, siampite na hih uh leh lampi man panin na pial khin uh hi. Na thuhilhnate un mi tampi tak khialsak hi. Note tawh ka bawl thuciamna na palsat khin uh hi.

Ezekiel 13:21

Na ai khipte uh zong hong hawkkhiatsakin note’ khut sung panin ka mite ka suaktasak paisuak ding hi. Tua ciangin Topa ka hihna thu na thei ding uh hi.

1 KUMPI MASATE 22:28

Tua ciangin Mikaiah in, “Lungnuam takin nong ciahkik leh Topa in kei tung tawnin thu hong gen lo ahi hi,” a ci hi. Tua ciangin amah in, “No mi khempeuhte aw hih ka thugen za un,” ci thuah lai hi.

Malakhi 2:3

Na suan-le-khakte uh nakpi takin ka thuhilh ding a, note ahih leh, na biak piakna ganhing uh a ekte tawh na maitang uh hong zut gawpin tuate tawh kong lawnkhia khawm ding hi.

Paunak 10:7

Mihoihte kiphawkphawk a, migilote kimangngilh pah hi.

Ezekiel 7:26

Lungkhamna khat khit khat a ban banin na tuak ding uh a, thusia bekbek na za za ding uh hi. Kamsangte kiangah thu na dong ding uh hi. Siampite in mite tungah hong hilh ding thu thei lo ding uh a, upate in hong gen ding mel thei lo ding uh hi.

Micah 3:11

Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Nahum 3:6

Nang hong huat bawlin, ninbulom tawh kong dimsak ding a, mite in lamdang sakna tawh hong en ding uh hi.

JOB (Job) 32:21

Hih ka thugenna-ah kuamah ka pawlpih kei ding a, kuamah ka phattuam kei ding hi.

Paunak 12:8

Mipilte kiphatin kipahtawi a, mihaite kineu-et hi.