Malakhi 2:8 - Tedim Bible

⁸ Ahi zongin, no, siampite na hih uh leh lampi man panin na pial khin uh hi. Na thuhilhnate un mi tampi tak khialsak hi. Note tawh ka bawl thuciamna na palsat khin uh hi.

Tedim Bible Revision 2017

⁸ “Ahi zongin, no siampite na hih uh leh lampi man panin na pial khin uh hi. Na thuhilhnate un mi tampi tak khialsak hi. Note tawh ka bawl thuciamna na palsat khin uh hi.

Malakhi 2:8 Referans Kwoze

Nehemiah 13:29

Ka Pasian aw, amaute in siampi nasepna leh siampite leh Levi mite’ thuciamna siasak ahih manun amaute thei in.

Jeremiah 18:15

Ahih hangin ka mite in kei hong mangngilh khin uh a, milim pasiante kiangah paknamtui a hal uh hi. Amau’ tot ding lampi-ah tuk uh ahih manin a tot ngei uh lampi lui zui nawnloin, lampi lopi a tawn uh hi.

Malakhi 2:5

Amaute a nuntak nading leh a nopsak nading thu ka ciam a, amaute in kei hong zahtak theih nadingun hih ka thuciamte khempeuh ka pia hi. Amaute in kei hong zahtakin hong kihta takpi uh hi:

Ezekiel 44:10

No Israel midangte tawh kei hong nusia khawmin milim a bia Levi mite in zong daan thuak ding uh hi.

Jeremiah 17:5

Topa in kong cih-inah: Mi bek muangin mi’ hatna bek suanga a lungsim Topa tawh a kilehngat mi in haamsiatna a ngah hi.

Isaiah 30:11

lampi nusia-in, lamzin panin pial un la, Israelte’ Siangtho Pa’ thu hong zasak nawn kei un,” a ci uh hi.

1 SAMUEL MASA 2:17

Tua ahih ciangin Topa muhna-ah tangvalte’ khialhna lian mahmah hi; bang hang hiam cih leh mite in thusim lohna tawh Topa tungah biakpiaknate hih uh hi.

Hebru 3:12

ute naute aw, note lakah khatpeuh peuh in mawh nopna uplahna lungsim tawh a nungta Pasian kiang pan na kinkhiat loh nadingun na kikeem un.

ROM (Romans) 14:21

Sa nekna, leenggahtui dawnna-a kipan na u na nau puk nading na khempeuh tan’huai hi.

Isaiah 59:13

Nangmah hong lehdo-in, nang kong nungngat uh a, nangma thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Isaiah 9:16

bang hang hiam cih leh hih minam a makaihte in lam khialsak a, amaute’ makaite in lampialsak uh hi.

Late 119:102

Nangmah in kei hong hilh khin na hih manin na biakna ngeina kipte panin ka pial kei hi.

Late 18:21

Bang hang hiam cih leh Topa’ lampite ka tawn khin a, ka Pasian kiang panin gitlohna tawh ka paikhia kei hi.

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.

1 SAMUEL MASA 2:24

Hilo hi, ka tapate aw; Topa’ mite in a genthangna thu ka zakna in thuhoih hi lo hi.

Siampi Laibu 21:15

tua in ama mite lakah a tate a daisak loh nading ahi hi; bang hang hiam cih leh amah a siangthosakpa in keimah Topa ka hi hi, ci in,” a ci hi.

Jeremiah 17:13

Aw Topa, Israel mite’ lametpa aw, nang a hong taisan mite a zahhuai ding uh hi. Nang a hong lehngat san mite leivui laka min gelh bangin a mang thang ding uh hi. Bang hang hiam cih leh nuntakna ciktui ahi Topa a hong taisan zo uh hi.

Gamlak-vakna 25:12

Tua ahih ciangin, ‘En in, ka thuciam ahi nopsakna amah ka pia hi;

Gamlak-vakna 25:13

ama tung leh ama khit-a a suan leh khakte tungah tawntung siampi hihna thuciamna hi ding hi; bang hang hiam cih leh ama Pasian’ ading amah in pammaih sak sak a, Israel mite ading kilemna bawl sak hi,’ ci in,” a ci hi.

Jeremiah 2:8

Siampite in, ‘Topa koi-ah a om hiam?’ ci-in dong lo uh hi. Thukham theite nangawn in kei hong thei lo uh hi. Kumpi uliante kei’ tungah hong khial khin uh a, kamsangte in Baal min tawh thu genin, kiman’na nei lo nate’ nung a zui uh hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Zefaniah 3:4

A kamsangte kihisak uh a, kamsang citak hi lo uh hi. A siampite in a siangtho nate ninsak a, amau’ angsung ding bek khualna-in Pasian’ thukham lehhei uh hi.

2 KUMPI NIHNATE 16:11

Tua ciangin siampi Urijah in biakna tau bawl hi; Damaskas panin kumpi Ahaz hong tun’ ma-in kumpi Ahaz in Damaskas panin a khakna tawh kizui-in siampi Urijah in a bawl hi.

Paunak 12:8

Mipilte kiphatin kipahtawi a, mihaite kineu-et hi.

Ezekiel 22:26

A siampite un ka thukham palsatin, a siangtho biakna nate ninsak uh hi. A siangtho biakna nate leh a mawkmawk nate khenna mel nei lo uh a, a tate uh tungah a siang leh a nin a kilamdan’na zong hilh lo uh hi. Sabbathte zong donin nei lo uh hi. Tuate khempeuh hangin Israel mite in kei hong zahtak lo uh hi.

Ezekiel 44:7

Keimah biakna-in sathaute leh sasite nong piak uh ciangin, keima thu a mang lo, vun a ki-at lo gamdang mite a sungah na lutsak uh a, ka biakinn na ninsak uh hi. Tua bangin a muhdahhuai na gamtatnate uh tawh ka thuciamna na siasak uh hi.

Ezekiel 44:12

Ahi zongin amaute in milim biakna lamah Israel mite makaih-in mawhna sungah Israel mite tun’pih uh ahih ciangin, amaute daan ka piak ding, Topa Pasian keimah nakpi takin ka kiciam hi.

Malakhi 1:6

Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.