Malakhi 2:6 - Tedim Bible

⁶ Amaute in thuman taktakte mah hilhin gen uh a, amaute’ kam panin zuauna thu ging khia lo hi. Ka deihna bangin amaute gamta uh a, a khial ding mi tampite, thuman lamah paisak uh hi.

Tedim Bible Revision 2017

⁶ Amaute in thuman taktakte mah hilhin gen uh a, amauteʼ kam panin zuau thu ging khia lo hi. Ka deihna bangin amaute gamta uh a, a khial ding mi tampite, thuman lamah a paisak uh hi.

Malakhi 2:6 Referans Kwoze

Daniel 12:3

A pilte ahih uh leh vantung khuavak tawh a taang khawm ding uh hi. A pha-a a gamtat nading uh mi tampi thu a hilhte in aksi bangin a taang tawntung ding uh hi.

Mangmuhna 14:5

Amaute’ kam sung uhah zuau thu a om kei hi. Amaute in mawhsak nading a om lo mi ahi uh hi.

Jeremiah 23:22

Ahih hangin amaute in ka lungsim tawng dong thei uh hi leh ka thu gente ka mite tungah a tangko ding uh a, a nuntakna hoihlote panin kikhel sakin, a gamtat hoih lote panin zong a kikhelsak khin zo ding uh hi.

Sawltak 26:18

Tua Gentailte in khuamial sung pan khuavak lamah galkah a, Satan’ ukna pan Pasian kiangah kihei ding a, mawhna kimaisakna a ngah ding uh a, kei hong up manunah sian’thosakna a ngahsa mite tawh luahna a ngah khawm nadingun, amau mittang uh na hon’sak dingin, amau kiangah kong paisak ding hi,’ ci-in thu hong pia hi.

Luka 1:6

Tua tegel in Pasian’ thukham khempeuh leh Pasian’ ngeina khempeuh zui uh a, mawhsak na’ng om loin Pasian mai-ah mipha ahi uh hi.

Luka 20:21

Tuate in, “Sia aw, nang in thutak genin thu na hilh a, mi khentuam nei loin Pasian’ lampi a tang takin na hilh hi cih ka thei uh hi.

Mattiu 22:16

amau’ nungzuite leh Herod’ nungzuite, Zeisu kiangah sawlin, “Sia aw, nang in thutak genpa na hi hi. Kuamah na kihta kei a, mi maitang zahtak loin Pasian thu a tangtakin na hilh cih ka thei uh hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Late 37:30

Thuman mi’ kam in pilna gen a, a leii in thutang gen hi.

Piancilna 17:1

Abram kum sawmkua-le-kua a phak ciangin ama’ tungah Topa kilang a, “Keimah in Vanglian Pasian ka hi hi; hoih takin gamta in la, paubaang kei in.

Piancilna 6:9

Hihte in Noah’ suan-le-khakte tangthu ahi hi. Noah in a thuman mi khat hi a, ama' khang-ah paubang lo hi; Noah in Pasian tawh lam paikhawm hi.

Marka 12:14

Tuate in ama kiang a tun’ uh ciangin, “Sia aw, nang thutak genpa na hi hi. Kuamah na kihta kei a, mi maitang zahtak loin Pasian lam thu a tang takin na hilh cih ka thei uh hi. Kaisar kumpipa siah piak tuak ahi hiam, piak tuak lo ahi hiam?

Thu-hilhkikna 33:10

Amaute in na ngeina kipte Jakob suante hilhin, na thukhamte Israel hilh ding uh hi; amaute in na mai-ah paknamtui hong koihin, na biakna tau tungah meihal biakna bup hong koih ding uh hi.

Thu-hilhkikna 33:8

Tua ciangin Levi thu genin, “Levi tungah na Thummim pia in la, na mi a dikpa tungah na Urim pia in. Massah ah na ze-et mipa, Meribah tuite ah na kitotpihpa ahi hi;

Thu-hilhkikna 33:9

a nu leh a pa sangin nang hong thupi ngaihsut zaw a, ‘Amaute ka thupisim kei hi,’ a ci pa ahi hi; amah in a sanggamte paai khia-in, a tate don lo hi. Bang hang hiam cih leh amaute in na thu mangin, na thuciamna zui uh hi.

Late 37:37

Paubaang lo mi ciamteh in la, thutang mi en in, bang hang hiam cih leh gal phuang lo mi’ adingin nopna om hi.

Late 119:142

Nangma thumanna kip tawntung a, na thukham zong man tawntung hi.

Late 119:151

Ahih hangin Topa aw, kei kiangah nang nong nai a, nangma thupiaknate khempeuh ahi taktak ahi hi.

1 SAMUEL MASA 2:12

Tu-in Eli’ tapate in bangmah man lo mite ahi uh hi; amaute in Topa zahtakna nei lo uh hi.

Paunak 5:2

Tua hi leh, a kilawmin na gamtat nading zia na thei ding a, na kampaunate in na pil lam tak hong kilangsak ding hi.