Malakhi 2:5 - Tedim Bible

⁵ Amaute a nuntak nading leh a nopsak nading thu ka ciam a, amaute in kei hong zahtak theih nadingun hih ka thuciamte khempeuh ka pia hi. Amaute in kei hong zahtakin hong kihta takpi uh hi:

Tedim Bible Revision 2017

⁵ “Amaute a nuntakna ding le a nopsakna ding thu ka ciam a, amaute in kei hong zahtak theih nadingun hih ka thuciamte khempeuh ka pia hi. Amaute in kei hong zahtakin hong kihta takpi uh hi.

Malakhi 2:5 Referans Kwoze

Ezekiel 37:26

Amaute lungmuangin a om tawntung nading uh thuciamna khat ka bawl ding a, amaute thupha pia-in a mi ka pungsak ding hi. Amaute lakah a om tawntung dingin ka biakinnpi ka phut ding hi.

Ezekiel 34:25

Amaute lungmuang takin a om theih nadingun amaute tawh thuciamna khat ka bawl ding hi. Gam sung panin a lauhuai gamsa khempeuh ka beisak ding a, gamlakah nuam takin gamta-in lum thei ding uh hi.

Gamlak-vakna 8:15

Amaute siangsakin veii-a biakna-in na piak khit ciangin kikhopna bukah nasem dingin Levi mite pai ding uh hi.

Gamlak-vakna 3:45

“Israel mite lakah tacil khempeuh leh a ganhingte uh tangdingin Levi mite leh a ganhingte uh la in; Levi mite keima’ aa hi ding hi: keimah in Topa ka hi hi.

Gamlak-vakna 25:7

Siampi Aaron’ tapa Eleazar, Eleazar’ tapa Finehas in a muh ciangin ding-in mihonte nusia a, a khutah teipi khat tawi-in

Gamlak-vakna 25:8

Israel mipa inndei sungah zui a, Israel mipa leh a numei, a numei’ pumpi pailetin a nihin sun khawm hi. Tua bangin Israel mite sung panin gimna dai hi.

Late 61:5

Bang hang hiam cih leh Pasian aw, ka thuciamnate nangmah in na za khin a, nangmah hong zahtakte’ luahna keimah nong pia khin ta hi.

Paunak 14:2

Thuman-a gamta mite in Topa zahtak a, a sia-a gamta mite in simmawh hi.