Malakhi 2:12 - Tedim Bible

¹² Hih banga a gamta mi peuhmah, a kua a kua hita leh, Topa in sugawp hen la, Vanglianpen Topa’ tungah biakna a paipih ei minamte tawh hong kigawmsak ngei nawn kei hen.

Tedim Bible Revision 2017

¹² Hih bangin a gamta mi peuhmah, a kua a kua hitaleh, Topa in su gawp henla, Vanglian Topa tungah biakna a paipih ei minamte tawh hong kigawmsak nawn kei hen.

Malakhi 2:12 Referans Kwoze

Mangmuhna 19:20

sahang tawh, sahang mai-ah nalamdangte lakin, sahang ciamtehna nei-in, sahang milim a bia uh mite a kheem, a zuau kamsangpa in kimatna a thuak khit ciangin, amau nih in kat meiphual sungah a hing tangin kikhiatna a thuak uh hi.

2 TIMOTI NIHNA 3:13

A gilo leh mi kheem thei mite a hih uh leh, gilo semsem ding uh a, midangte kheemin, amau mahmah zong a kikheem ding uh hi.

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

Malakhi 2:10

Eite khempeuh in, eite a hong piangsak Pasian ahi pa khat bek nei hilo i hi hiam? Tua hi napi-in bang hangin eite khat leh khat tungah citak loin, i pu i pate tawh a bawl, Pasian’ thuciamna palsat i hi hiam?

Malakhi 1:10

Vanglianpen Topa in, “Ka biakna tau tungah, bangmah-a a kimang lo mei na tawh mawkmawk theih loh nadingun, note khatpeuh in biakinn kongkhakte khak le uh cin ka ut hi. Note tungah ka lungkim kei a, nong puak uh biak piaknate kong sang kei ding hi.

Zekhariah 12:7

Tua ciangin Judah galkapte tungah gualzawhna ka pia masa ding a, David’ suan-le-khakte leh Jerusalem khuamite’ minthan’na in Judah mi dangte’ minthan’na sangin lianzaw tuan lo ding hi.

Amos 5:22

Meihal biakna leh an tawh biakna nong paipih uh hangin, tuate kong sang kei ding a, Thu-nuam-a biakpiak nading a, nong paipih uh a thau mahmah ganhingte zong, et-in ka nei vet kei ding hi.

Ezekiel 24:21

Israel mite kiangah hih bangin thu gen in hong ci hi. Ama cihna in: Note in na kisaktheihpih uh, a sungah paipai-in na etet nop uh ka biakinn pen a ninsak ding ka hi hi. Tua ciangin note’ nung-a a om lai na tate uh, namsau-in si ding uh hi, ci hi.

Ezekiel 14:10

Kamsangpa leh kamsang thu a dongpa a daantuahna uh kibang ding hi.

Isaiah 66:3

“Biakna-in bawngtal a gopa in mihing zong that hi; biak piakna-in tuuno a gopa in ui ngawng zong tan hi; an tawh biak piakna a bawlpa in vok si zong pia hi; paknamtui tawh phawkna biak piakna a bawlpa in milim zong bia-in thupha pia hi. Hih mite in amau’ ut bang ciatin gamta uh a, amau’ kihhuai gamtatna uhah nuam sa uh hi.

Isaiah 61:8

Bang hang hiam cih leh keimah Topa in thutang deihin, mi’ nate suhna leh khialhna ka mudah hi; amaute tungah amau thaman thuman takin ka pia ding a,, tawntung thuciamna amaute tawh ka bawl ding hi.

1 KHANG TANGTHU MASATE 25:8

Tua ciangin a neu a lian, sia leh a sinte a kibangin, amaute in amau’ nasep ding uh aisaan uh hi.

1 SAMUEL MASA 3:14

Tua ahih ciangin Eli’ innkuante’ mawhna pen biakna ahi a, piakna in ahi zongin a maisak zawh ngei loh nading thu Eli’ innkuante tungah ka kiciam hi,” a ci hi.

Gamlak-vakna 24:5

Jakob mite aw, na puanbukte uh bangzahin hoih ahi hiam, Israel mite aw, na giahphual uh bangzahin hoih ahi hiah?

Siampi Laibu 20:3

Keimah mah in tua mipa ka maisiat ding a, ama mite lak panin ka hawlkhia ding hi; bang hang hiam cih leh amah in a tate Molek tungah pia-in, ka biakinn ninsakin, ka min siangtho daisak hi.

Siampi Laibu 18:29

Bang hang hiam cih leh hih kihhuainate khatpeuh a hih ding peuhmah, tua bang mite pen amau’ mite lak panin kihawlkhia ding hi.

Hosea 9:12

Amaute in ta a khoi uh hangin suan-le-khak a neih theih ma-un ka khan’sihsak khin ding hi. Hih mite ka nungngat ciangin amaute tungah a lungkhamhuai lianpite tung ding hi.

Malakhi 1:13

Note in, ‘Hihte cimtak khin hang,’ ci-in nap nong nitsan lel uh hi. Keimah biak nadingin a kigu ganhing khatpeuh ahi a, a liam a bai, ahih kei leh a cina peuh nong paipih uh hi. Tua bangte, a sang dingin hong ngaihsun na hi uh hiam?