Malakhi 2:10 - Tedim Bible

¹⁰ Eite khempeuh in, eite a hong piangsak Pasian ahi pa khat bek nei hilo i hi hiam? Tua hi napi-in bang hangin eite khat leh khat tungah citak loin, i pu i pate tawh a bawl, Pasian’ thuciamna palsat i hi hiam?

Tedim Bible Revision 2017

¹⁰ Eite khempeuh in, eite a hong piangsak Pasian ahi Pa khat bek nei hi lo ihi hiam? Tua hi napi-in bang hangin eite khatlekhat tungah citak loin, Pasian in i pu i pate tawh a bawl thuciamna palsat ihi hiam?

Malakhi 2:10 Referans Kwoze

Late 100:3

Topa pen Pasian a hihna thei un! Eite hong bawlpa in amah hi a, eite in ama aa i hi hi; eite in ama mi i hi a, ama gan khahna sunga a tuute i hi hi.

Malakhi 2:11

Judah mite citak loin, Pasian’ tungah a thuciamna uh palsat uh a, Israel mite’ lak leh Jerusalem khua sungah siatna tampi gamta uh hi. Topa in a it mahmah biakinn ninsak uh hi. Topa ahi lo, pasian dang a bia numeite zi-in la-in ten’pih uh hi.

1 KORIN MASA 8:6

Pasian khat bek ahi Pa sung pan na khempeuh piang a, amah bek adingin eite i om a, tua Pasian khat bek i nei hi. Topa khat bek hangin eite akipan na khempeuh a pian’na, Zeisu Khazih khat bek i nei hi.

Isaiah 63:16

Bang hang hiam cih leh, Abraham in kote hong huh loin, Israel in kote hong phawk loh hangin, nangmah in kote’ Pa na hi hi; Topa aw, nangmah in kote’ Pa na hi a, nangmah in tanglai pek pan kote hong Tankhia-pa na hi hi.

Isaiah 64:8

Ahi zongin, Topa aw, nangmah in kote’ Pa na hi hi; kote tungman bang hi-in, nang in beel seekpa bang na hi hi; kote khempeuh nangma bawl mite ka hi uh hi.

Sawltak 7:26

Zingsang ciangin amau kiangah pai a, “Lawmte aw, u leh nau hi napi-in bang hangin khat leh khat na kibawlsia uh hiam?’ ci-in kilemna thu a gen hi.

Mattiu 3:9

‘Abraham ka pa uh,’ ci-in na lungsim sung uhah lungngai kei un. Ke’n kong cih-inah, Pasian in hih suangte zong Abraham’ tate a suaksak thei hi.

Johan 8:41

Note in na pa uh a gamtat bangin na gamta uh hi,” a ci hi. Amaute in, “Kote in zawlta ka hi kei uh hi; Pasian kici Pa khat bek ka nei uh hi,” a ci uh hi.

Mattiu 22:16

amau’ nungzuite leh Herod’ nungzuite, Zeisu kiangah sawlin, “Sia aw, nang in thutak genpa na hi hi. Kuamah na kihta kei a, mi maitang zahtak loin Pasian thu a tangtakin na hilh cih ka thei uh hi.

Mattiu 10:21

Unau khat leh khat ahi zongin, pa in a tapa ahi zongin, sih nadingin a kiheek ding uh hi. Tate in a nu leh a pate galin do ding uh hi. Tate in a nu leh a pate galin do ding uh a, thah dingin a pia ding uh hi.

Malakhi 2:8

Ahi zongin, no, siampite na hih uh leh lampi man panin na pial khin uh hi. Na thuhilhnate un mi tampi tak khialsak hi. Note tawh ka bawl thuciamna na palsat khin uh hi.

Malakhi 1:6

Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.

Ezekiel 33:24

“Ezekiel aw, Israel gam khuapi siate sunga teeng mite in, ‘Abraham, mi khat bek hi napi-in gambup kipia hi. Tu-in eite in tampi i hih ciangin hih gamin eima aa hi taktak hi,’ ci uh hi.

Isaiah 51:2

Na pa uh Abraham leh note’ pian’na Sarah ngaihsun dih un; bang hang hiam cih leh khat bek ahih lai takin amah ka sam a, amah thupha pia-in tampi ka phasak hi.

Isaiah 44:2

Nangmah a hong bawl, gil sung panin nang a hong piangsak, nang a hong huh ding Topa in hih bangin ci hi: Ka nasempa Jakob aw, ka teelsa Israel aw, lau kei in.

Isaiah 43:15

Keimah in Topa, note’ Siangtho Pa, Israel a Piangsakpa, note’ Kumpi ka hi hi.”

Isaiah 43:1

Ahih hangin, Jakob aw, nangmah hong piangsakpa, Israel aw, nangmah hong bawlpa, Topa in tu in hih bang ci hi: “Nangmah hong honkhia khin ka hih manin lau kei in; na min tawh nang kong sam khin zo a, nang in kei’ aa na hi hi.

JOB (Job) 31:15

Kei hong piangsak Pasian mah in ka nasemte zong a piangsak ahi hi.

Nehemiah 13:29

Ka Pasian aw, amaute in siampi nasepna leh siampite leh Levi mite’ thuciamna siasak ahih manun amaute thei in.

Joshua 24:3

Tua ciangin Gungal panin na pa uh Abraham la-in Kanaan gam khempeuhah ka paipih a, a suan-le-khakte tampi ka pha sak hi. Ama tungah Isaak ka pia hi;

Paikhiatna 19:5

Tua ahih ciangin tu-in note in ka thu mang-in ka thuciamna na zuih uh leh mite khempeuh lak panin note in keima' neihsa na hi ding uh hi; bang hang hiam cih leh leitung khempeuh keima aa hi a,

Hebru 12:9

Lam khat panin, pumpi tawh kipawl pate’ khut tungah eite in hilhna i thuak ciangin, amau i zahtak hi. Tua tham loin, khalam-a i Pa’ ukna thuakin nungta zaw ding hilo i hi hiam?

1 THESALONIKA MASA 4:6

hih thu-ah kuamah in a u, a nau tungah kheemna tawh a khialh loh nading ahi zongin a hong deih hi. Kote in hilhin, thuciam ka hong piaksa uh bangin Topa in tua banga khialhna khempeuh a thuk mi ahi hi.

Efesa 4:25

Tua ahih ciangin zuau thu paaikhia un la, thuman thutak tawh khat leh khat na kigen un. Bang hang hiam na cih uh leh, eite in pumpi khat’ nate ciat i hi hi.

ROM (Romans) 9:10

Tua tham loin Rebekah in eite pu Isaak tawh a gai khit ciangin

ROM (Romans) 4:1

I pu Abraham in mi lamsang ah bang phattuamna a ngah i ci ding hiam?

Sawltak 17:25

Amah in hin’na tawh, naksuk naktoh akipan na khempeuh hong pia ahih ciangin na khat peuhmah a deih bangin, mite’ khut tawh kivaak ahi kei hi.

Sawltak 7:2

“Ute naute, pate aw, na ngai ta un. Eite i pa Abraham in Haran gamah a om ma-in Mesopotamia gamah a teen’ lai takin minthan’na Pasian kilang a,

Johan 8:56

Na pa uh Abraham in keima ni a mu nuam hi. A mu-a a lungdam mahmah hi,” a ci hi.

Johan 8:53

A sisa ka pa uh Abraham sangin lianzaw na hi hiam? Pasian’ kamsangte zong a si zo uh hi. Nang kua lima kibawl na hi hiam?” a ci uh hi.

Johan 8:39

Amaute in, “Ka pa uh Abraham ahi hi,” a ci uh hi. Zeisu in zong, “Note in Abraham’ suan na hih uh leh, Abraham gamtat bangin na gamta ding uh hi.

Luka 3:8

Tua ahih ciangin kisikkikna tawh kilawm gah na gah un. ‘Abraham ka pa uh hi,’ ci-in na lungsim sung uh ah lungngaih ding na kipan kei un. Ke’n kong cih-inah, Pasian in hih suangte nangawn zong Abraham’ tate a suaksak thei hi.

Luka 1:73

Ama mi pawlte hong veh in, a hong tankhia zo hi, Eite in i galte khut sung pan ahi zongin,

Sawltak 17:24

Leitung akipan leitung sung na khempeuh a piangsak Pasian in, van leh lei uk mangpa ahih ciangin, mi’ khut tawh kibawl biakna innah a teeng ahi kei hi.

Sawltak 17:26

Amah in leitung mi khempeuh minam khat bek pan bawl a amaute nuntak nading hun ahi zongin, amau omna atuam atuam ahi zongin a ciamteh zo hi.

Paikhiatna 19:4

Izipt mite tungah ka bawlna leh muvanlai in a kha tawh a note a puak bangin note hong pua-in keima' kiangah kong paipihna na mu khin uh hi.

Paikhiatna 24:3

Moses hong pai-in Topa’ thugente khempeuh leh biakna ngeinate khempeuh mite' kiangah gen hi; mite khempeuh in aw kikhatin dawng uh a, “Topa’ gensa thute khempeuh ka hih ding uh hi,” a ci uh hi.

Paikhiatna 24:7

Tua ciangin amah in thuciamna laibu la-in, mite’ zak-in tua laibu sim hi; amaute in, “Topa’ gensa khempeuh kote in ka hih ding uh a, kote ka thumang ding uh hi,” ci uh hi.

Jeremiah 31:9

Amaute kap kawmin hong pai ding uh a, keimah in hehnemin ka pikik ding hi. Tui omna lui geiah ka paipih ding a, lam nuamah paipih-in a tuk kei ding uh hi. Bang hang hiam cih leh Israel mite’ pa ka hi a, Efraim in ka tapa upapen ahi hi.

Isaiah 64:7

Tua ahih ciangin nangmah hong pom dingin a hanciam tawm, nangma min a lo kuamah om lo hi; bang hang hiam cih leh kote kiang panin nang in na maitang na seel a, mawhna khut sungah kote nong pia hi.