Malakhi 1:9 - Tedim Bible

⁹ Tua ciangin no siampite aw, Pasian in eite hong hehpih theih nadingin ama kiangah thuum un. Na hih ngeisa bangun na ngetnate uh hong pia lo ding a, tua in nomau’ khialhna ahi hi.

Tedim Bible Revision 2017

⁹ Tua ahih ciangin no siampite aw, Pasian in eite hong hehpih theih nadingin ama kiangah thum un. Na hih ngeisa bangun na nget uh hangin na ngetnate uh hong pia lo ding hi; tua pen nomauʼ khialhna ahi hi.

Malakhi 1:9 Referans Kwoze

1 PETER MASA 1:17

Mi maitang zahtak loin, mi khempeuh ahihna bang thu a khenpa kiangah note in Pa bangin ngaihsunin thu na nget uh leh, leitungah lal-a na om lai tengun launa lungsim tawh na gamta un.

Jeremiah 27:18

Amaute kamsang taktak ahih uh a, Topa in ka hopih taktak ahih uh leh, Topa’ biakinnpi sung, Judah kumpipa’ inn sung leh Jerusalem khua sunga a kinusia lai beelte Babilon khua-ah a kipuak khiat nawn loh nadingin a vanglian Topa kiangah hong thuum uh hen.

Paikhiatna 32:11

Ahih hangin Moses in Topa ama' Pasian' tungah thuum a, “Topa aw, a vanglian leh a thahat khut tawh Izipt leitang panin na paikhiatpih ahi nangma' mihingte' tungah bang hangin na hehna so ding ahi hiam?

ROM (Romans) 2:11

Bang hang hiam na cih uh leh, Pasian in kuama maitang a zahtak kei hi.

Johan 9:31

Pasian in mawhneite’ thu ngai lo hi ci-in eite i thei hi. Pasian zahtaka ama deihna a zui mite thu Pasian in a ngai hi.

Jeremiah 26:19

Judah kumpipa Hezekiah leh Judah mi khempeuhte in amah that zenzen uh ahi hiam? Kumpipa in Topa zahtakin Topa’ pahtak ding a nget ciangin Topa in zong amau’ tunga siatna tun’sak dinga a gensa khelkik zaw hilo ahi hiam? Ahih hangin eite in eite’ tungah siatna lianpi khat i tungsak dekdek hi,” a ci uh hi.

Joel 2:17

Topa’ na a sem siampite, biakinn sung innlim leh biakna tau kikal-ah, kapin thu ngen uh hen la, “Topa aw, na mite hong hehpih in. Minam dangte in, ‘Na Pasian uh koi-ah om hiam?’ ci-in kote hong simmawhsak kei in la, amaute’ nuihsatin hong omsak kei in,” ci uh hen.

Kah la 2:19

Zanin tho themthum in la, Pasian tungah kiko in. Na tate in hehpihna ngah nadingin na lungsim khempeuh pia in. Kongzing khempeuh ah naupangte puksi khin dektak uh hi.

2 KHANG TANGTHU NIHNATE 30:27

Tua ciangin siampite leh Levi mite ding-in mite thupha pia uh a, amau’ awging kiza-in, amau’ thungetna in vantung a, a siangtho ama teen’na banto hi.

Joel 2:12

Topa in hih bangin ci hi, “Tu mahmah nangawnin, lungsim tak tawh kisik kikin, an tangin, kapin, thuumna tawh kei kiangah hong paikik un.

Amos 5:22

Meihal biakna leh an tawh biakna nong paipih uh hangin, tuate kong sang kei ding a, Thu-nuam-a biakpiak nading a, nong paipih uh a thau mahmah ganhingte zong, et-in ka nei vet kei ding hi.