Malakhi 1:8 - Tedim Bible

⁸ Ganhing a mittawpite tawh kei nong biak uh ciangin, a hoih mahin kingaihsun na hi uh hiam? A khebai a, a cina ganhingte tawh nong biak uh ciangin, a hoih mah kisa na hi uh hiam? Tua bang ganhing khatpeuh peuh, note hong ukpa kiangah va puak dih un. Note tungah nuamin hong pakta ding ahi hiam?” ci hi.

Tedim Bible Revision 2017

⁸ Ganhing a mit tawpite tawh kei nong biak uh ciangin, a hoihmah in kingaihsun na hi uh hiam? A khebai, a cina ganhingte tawh nong biak uh ciangin, a hoih mah kisa na hi uh hiam? Tua bang ganhing khat peuhpeuh, note hong ukpa kiangah va puak dih un. Note tungah nuamin hong pakta ding ahi hiam?” a ci hi.

Malakhi 1:8 Referans Kwoze

Thu-hilhkikna 15:21

Ahih hangin poina khatpeuh, a khebai a mittaw, ahih kei leh poina lian khatpeuh peuh a neih leh, Topa note’ Pasian tungah biakna in na pia kei ding uh hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhna phawkin tua mawhnate hangin amaute daan ka pia ding hi. Izipt-ah amaute ka sawl kik ding hi.

Jeremiah 14:10

Hih mite tawh kisai-in Topa in hih bangin a gen hi: “Amaute in hih bangin kei kiang panin vakkhia kawikawi nuam uh a, a kidek kei uh hi. Tua ahih manin Topa in amaute ka sang kei a, a khialhnate uh phawk-in, a mawhnate uh ka daantat ding hi.”

Late 20:3

Na biakpiaknate khempeuh amah in hong phawk hen la, na meihal biakpiakna hong sang ta hen.

JOB (Job) 42:8

Tu-in bawngtal sagih leh tuutal sagih la-in Job kiangah paipih un la, note’ adingin biakpiakna-in nei un. Job in note’ adingin thu hong ngetsak ding a, keimah in ama thungetna ka pia ding hi. Note’ haina zahin kong minsiasak kei ding hi. Note in Job’ gen bangin keima thu a manin na gen kei uh hi,” a ci hi.

Malakhi 1:10

Vanglianpen Topa in, “Ka biakna tau tungah, bangmah-a a kimang lo mei na tawh mawkmawk theih loh nadingun, note khatpeuh in biakinn kongkhakte khak le uh cin ka ut hi. Note tungah ka lungkim kei a, nong puak uh biak piaknate kong sang kei ding hi.

Haggai 1:1

Persia gam uk kumpi Darias in a uk a kum nihna kum, a kha gukna a ni masa ni-in, kamsang Haggai tungah Topa in thu gen hi. Tua a thu gen pen, Shealtiel’ tapa Zerubbabel, Judah gam ukpa, leh Jehozadak’ tapa Joshua, siampi lianpa tungah gen ding ahi hi.

Malakhi 1:7

Note in ka biakna tau tungah keimah biakna-in an ginalopite hong pia hi napi-in, ‘Kong zahtak bawl lohna uh bang om ahi hiam?’ na ci uh hi. Ka biakna tau simmawh bawl na hih manun hong zahtak bawl lo na hi uh hi.