Malakhi 1:6 - Tedim Bible

⁶ Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.

Tedim Bible Revision 2017

⁶ Vanglian Topa in siampite tungah hih bangin hong ci hi: “Tapa in a pa zahtak a, nasem pa in a topa kihta hi. Kei pen na pa uh hi napi, bang hangin hong zahtak lo a, na topa uh hi napi, bang hangin hong kihta lo na hi uh hiam? No siampite in kei hong simmawh napi-in, ‘Bang hong ci simmawh ka hi uh hiam?’ na cilai uh hi.

Malakhi 1:6 Referans Kwoze

Luka 6:46

“Keima thu ngai loin, ‘Topa aw, Topa aw,’ ci-in bang hangin hong ci na hi uh hiam?

Isaiah 1:2

Vantungte aw, za un, leitung aw, ngai un; bang hang hiam cih leh Topa in thu hong gen khin zo hi: “Ka pattahsa tapate in kei hong lehdo uh hi.

Paikhiatna 20:12

“Topa na Pasian in nang hong piak leitang tungah na khan’ a sau theihna dingin na nu leh pa zahtak in.

1 PETER MASA 1:17

Mi maitang zahtak loin, mi khempeuh ahihna bang thu a khenpa kiangah note in Pa bangin ngaihsunin thu na nget uh leh, leitungah lal-a na om lai tengun launa lungsim tawh na gamta un.

Hosea 12:8

Israel mite in, “Tu-in ka hau uh a, kote’ adingin neihsa tampi ka ngah uh hi,” ci uh hi. Ahi zongin a hauhna teng un a mawhna teng uh loh zo lo hi.

Isaiah 64:8

Ahi zongin, Topa aw, nangmah in kote’ Pa na hi hi; kote tungman bang hi-in, nang in beel seekpa bang na hi hi; kote khempeuh nangma bawl mite ka hi uh hi.

Efesa 6:2

“Nangmah in nuam sa-in leitungah na nuntakna a sau nadingin ah na nute na pate na zahtak in,” ci-in thuciamna tawh kipawl a masa bel thukham ahi hi.

Paunak 30:17

A pa a simmawh mipa, a nu’ thu a mang nuam lo mipa, va-ak in a mittang khel khiatsakin, musanete in a sa ne ding uh hi.

Mattiu 7:21

“Topa aw, Topa aw,’ hong ci khempeuhte Vantung Gam sungah tum thei kim lo ding uh hi. Vantungah a om ka Pa’ deih bang a gamtate bek a tung ding uh hi.

Mattiu 6:9

Tua ahih ciangin, thu na nget uh ciangin hih bangin na ngen un: ‘Vantunga a om kote Pa aw, nangma min siangtho ta hen.

Paunak 30:11

A pate samsia-in a min a dai sak a, nute a phat lo mi pawlkhat om hi.

Thu-hilhkikna 5:16

“Topa na Pasian in hong piak leitang tungah na khan’ sau-in na nopsak theih nadingin Topa na Pasian in hong thupiak bangin na nu na pa zahtak in.

Siampi Laibu 19:3

Note a kuamah peuh in na nu leh na pa uh zahtakin, note in ka sabbath-te na tang ding uh hi; keimah in Topa na Pasian uh ka hi hi.

Marka 10:19

Thukhamte na thei hi. Mi na that kei in. Mi’ zi tawh na mawh kei in. Mi’ sum na gu kei in. Ahi lo teci na pang kei in. A kilawm loin mi’ sum na laksak kei in. Na nu leh na pa na zahtak in,” a ci hi.

Mattiu 19:19

Na nu leh na pa zahtak in. Na pumpi na it bangin na lawmte zong na it in,” a ci hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Ezekiel 22:26

A siampite un ka thukham palsatin, a siangtho biakna nate ninsak uh hi. A siangtho biakna nate leh a mawkmawk nate khenna mel nei lo uh a, a tate uh tungah a siang leh a nin a kilamdan’na zong hilh lo uh hi. Sabbathte zong donin nei lo uh hi. Tuate khempeuh hangin Israel mite in kei hong zahtak lo uh hi.

Jeremiah 23:11

Topa in a cih-inah: “Kamsangte leh siampite in Pasian a zahtak kei uh hi. Ka biakinn sung nangawn ah amau’ gitlohna ka mu hi.

Mattiu 15:6

Na tanglai ngeina uh zui-in, Pasian’ thukham na valmawk sak uh hi.

Malakhi 2:8

Ahi zongin, no, siampite na hih uh leh lampi man panin na pial khin uh hi. Na thuhilhnate un mi tampi tak khialsak hi. Note tawh ka bawl thuciamna na palsat khin uh hi.

Luka 10:29

Tua pa in ama phatna thu a lah nop manin, “Ka lawmte kuate ahi hiam?” ci-in Zeisu a dong hi.

Luka 6:36

Na Pa un hehpihna lungsim a neih bangin note in zong hehpihna lungsim na nei un.”

Marka 7:10

Bang hang hiam na cih uh leh, Moses in, ‘Na nu leh na pa na zahtak in. A nu a pa a gensiate in sihna thuak ta hen,’ a ci hi.

Jeremiah 31:9

Amaute kap kawmin hong pai ding uh a, keimah in hehnemin ka pikik ding hi. Tui omna lui geiah ka paipih ding a, lam nuamah paipih-in a tuk kei ding uh hi. Bang hang hiam cih leh Israel mite’ pa ka hi a, Efraim in ka tapa upapen ahi hi.

Luka 18:20

Thukhamte na thei hi. Mi’zi tawh na mawh kei in. Mi na that kei in. Mi’ sum na gu kei in. Ahi lo teci na pang kei in. Na nu leh na pa zahtak in,” a ci hi.

Mattiu 15:4

Bang hang hiam na cih uh leh, Pasian in, ‘Na nu leh na pa na zahtak in. A nu a pa a gensiate in sihna thuak ta hen,’ a ci hi.

Hosea 5:1

No siampite aw, hih thu ngai un! No Israel mite aw, thu don un. Kumpipa’ innkuante aw, Ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih leh note in mite’ awk nadingin Mizpah mual-ah thang na hi uh a, mite’ awk nadingin Tabor mual-ah ngen thang na hi uh hi.

Thu-hilhkikna 1:31

Izipt gam sungah note mit muhah a hih bangin leh mi khat in a tapa a puak bangin hih mun na tun’ matengun lam tawntungah Topa na Pasian un note hong puak na muhsa uh gamlaka mah bangin, note mai-ah a pai Topa na Pasian un note’ adingin hong dosak ding hi,’ kong ci hi.

Late 123:2

En in, nasem pasalte in a topa uh muang a, nasem numei in a tonu-uh a muan’ mah bangin, ko tungah hehpihna nong neih matengin Topa kote’ Pasian kong mitsuan uh hi.

Paunak 17:6

Tute in puteekte’ minthan’na lukhu hi a, pate in tate’ minthan’na ahi hi.

Isaiah 43:23

Meihal biakpiak nadingin kei kiangah na tuu nong paipih kei a, biak piakna tawh kei nong pahtawi kei hi. Piakna tawh nang kong vangik sak nai kei a, paknamtui piak nading kalhna tawh kong gim sak nai kei hi.

Jeremiah 3:4

Tu mahin kei nong sam a, ‘Ka pa aw, ka neu lai pek pan-a ka lawm na hi hi—

Jeremiah 35:16

Rakhab’ tapa Jonadab’ tate in a pa uh’ thupiakna a man’ uh hangin hih mite in ka thu hong mang lo uh hi.

Zefaniah 3:4

A kamsangte kihisak uh a, kamsang citak hi lo uh hi. A siampite in a siangtho nate ninsak a, amau’ angsung ding bek khualna-in Pasian’ thukham lehhei uh hi.

Malakhi 2:1

Vanglianpen Topa in hih bangin ci hi: “Siampite aw, note’ adingin hih lai-ah thupiakna khat om hi.

Malakhi 2:10

Eite khempeuh in, eite a hong piangsak Pasian ahi pa khat bek nei hilo i hi hiam? Tua hi napi-in bang hangin eite khat leh khat tungah citak loin, i pu i pate tawh a bawl, Pasian’ thuciamna palsat i hi hiam?

Thu-hilhkikna 32:6

A hai, ngaihsutna nei lo mite aw, tua bangin Topa thuk ding na hi uh hiam? Amah in, note a hong piangsak, note hong bawlin a hong kipsak, na Pa uh hilo ahi hiam?

Isaiah 45:10

A pa kiangah, ‘Nang in kua piangsak na hi hiam?’ a cipa hita leh, a nu kiangah, ‘Nang in nausuak dingin kua gimpih na hi hiam?’ a cipa in gimna ngah ta hen.”

Isaiah 64:7

Tua ahih ciangin nangmah hong pom dingin a hanciam tawm, nangma min a lo kuamah om lo hi; bang hang hiam cih leh kote kiang panin nang in na maitang na seel a, mawhna khut sungah kote nong pia hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.