Malakhi 1:4 - Tedim Bible

⁴ Esau’ suan-le-khak Edom mite in, “I khuapite a kisiat khit hangin i lamkik ding hi,” ci le uh, Topa in, “A ut uh leh lam uh hen, ahi zongin ka susia kik veve ding hi. Midangte in, ‘Gam gilo, Topa’ heh tawntungna minamte,’ ci-in ko ding uh hi,” ci-in dawng ding hi.

Tedim Bible Revision 2017

⁴ Esauʼ suanlekhak Edom mite in, “I khuapite a kisiat khit hangin i lamkik ding hi,” ci le-uh, Topa in, “A ut uh leh lam uh hen; ahi zongin ka susiakik veve ding hi. Midangte in, ‘Gam gilo, Topaʼ heh tawntungna minamte,’ ci-in ko ding uh hi,” ci-in a dawng ding hi.

Malakhi 1:4 Referans Kwoze

Ezekiel 25:14

Keima mi Israelte in Edom mite tungah phu hong laksak ding uh a, ka heh mahmahna tawh kizui-in Edom mite thuaksak ding uh hi. Keima phulakna zia Edom mite in thei ding uh hi. Topa Pasian in thu gen khin hi,” hong ci hi.

Ezekiel 35:9

A gamkhingin kong bawl paisuak ding a, na khuapite sungah kuamah teeng kik nawn lo ding hi. Tua ciangin Topa ka hihna thu na thei ding hi.

Jeremiah 31:17

Na mailam uh adingin lametna a om hi, Topa in kong ci hi, na tate uh zong na gam mah uhah hong ciahkik ding uh hi.

Isaiah 34:10

Sun leh zanin mit lo ding a, vanah a khu kahto ngitnget ding hi. Khang khat pan khang khat, a hawm guakin om ding hi; kuamah in nawk ngei nawn het lo ding hi.

Isaiah 34:5

Bang hang hiam cih leh ka namsau in vantungah a sep ding khempeuh a zawh khit ciangin, en un, a siamang ding a, ka sehsa Edom mite tungah thukhen dingin hong kum suk ding hi.

Isaiah 11:14

Ahih hangin amaute in, nitumna lam-a om Filistia mite sim khawm ding uh a, nisuahna lam-a om mite luh khawm ding uh hi. Amaute in Edom mite leh Moab mite zogawp ding uh a, Ammon mite in amau’ thu mang ding uh hi.

Malakhi 1:3

Esau leh a suan a khakte ka mudah hi. Esau’ neih mualtung gamte ka susia a, gamlak gamsate tungah ka pia hi,” ci hi.

Amos 6:2

Kalneh khua-ah pai un la va en un. Tua ciangin Hamath khuapi lian ah paisuak un la, Filistiate’ khuapi Gath dong va paisuk un. Judah leh Israel kumpi gamte sangin hoih zaw a, amau’ gam in note’ gam sangin lianzaw ahi hiam?

Ezekiel 11:10

Na gam sung uhah galin na si ding uh hi. Tua ciangin Topa ka hih lamtak mi khempeuh in thei ding uh hi.

Kah la 3:37

Topa deihna bang bekin na khempeuh a piang hi.

Isaiah 10:4

Thongkiate’ lakah tonbucip-a om ding leh a kithat mite’ lakah tuk ding bek a om hi. Hih thute khempeuh hangin ama hehna dam zo nai lo a, ama khut kizan lai hi.

Paunak 21:30

Pilna, theihna, thugennate in, Topa’ mai-ah bangmah man lo hi.

Late 137:7

Topa aw, Jerusalem a siat ni-a Edom mite in, “Sumai un, sumai un! A bulpi dongin sumai un!” a cih vialna uh phawk in.

Late 127:1

Topa in inn lam kei leh, a lam mite’ nasepna in a mawkna ahi hi. Topa in khuapi hu kei leh, khuapi cingte’ cin’na in a mawkna ahi hi.

JOB (Job) 34:29

Pasian in bangmah hih het kei taleh zong, kuamah in Pasian mawhsak zo lo ding hi. Amah in hong maingat het kei leh zong, kuamah in bangmah cih zo tuan lo ding hi.

JOB (Job) 12:14

Pasian in phelkeek leh kuamah in lamkik zo lo a, Pasian in thong-ah mi koih leh kuamah in suaktasak zo lo hi.

JOB (Job) 9:4

Ama pilna thukin, ama vangliatna zai hi; kua in khauh takin nial a, nial pai suak zo ahi hiam?

Mattiu 12:30

Kei tawh kipawl lote in, ka lang khatah a om hi. Keimah tawh a khawmkhawm lote in a kithehthang sak hi.

Jeremiah 5:17

Amaute in lo-a na ante leh na an huante uh hong gaihsak ding uh a, na tapate leh na tanute uh hong thahsak ding uh hi. Na tuu honte leh na bawng honte uh hong gaihsak ding uh a, na lenggahte leh na thei gahte uh hong nek mangsak ding uh hi. Na muan’ mahmah kulhpi tawh a ki-uum na khuapite uh, namsau tawh hong suksiat sak ding uh hi.”

Jeremiah 49:8

Dedan gama teengte aw, Kihei un la, gal tai un; guam sungah bu un! Bang hang hiam cih leh ka daantat ni ciangin Esau’ suan leh khakte tungah siatna ka tung sak ding hi.

Jeremiah 49:20

Ka mai-ah kua kumpi hong ding ngam ding ahi hiam? Tua ahih manin Edom mite’ thuak nading leh Teman gama teengte’ gim nading-a Topa’ gelna leh ngimnate ngai dih un. A tangeekte nangawn uh kikaikhia ding hi. Mi khempeuh lau taktak ding uh hi.

Ezekiel 25:13

Tua ahih ciangin Edom mite daan pia-in, a mihing a ganhing-in ka thah mang nading thu tu-in kong pulak hi. Teman khuapi pan-a kipan Dedan khuapi dongin a gam sung khempeuh uh gamkhing ka suaksak ding a, a mite khempeuh uh gal sungah si ding uh hi.

Ezekiel 26:14

Khuapi sungah bangmah om nawn loin, ngasa bengte in a ngen uh a pho theih nading suangtumte bek ka omsak lai ding hi. Nang Tai-ar khuapi hong kilam kik ngei nawn lo ding hi. Topa ahi keimah in hih thu ka gen khin ta hi,” hong ci hi.

Ezekiel 35:4

Na khuapite ka siasak ding a, na gamsung teng gamkhing ka suaksak ding hi. Tua ciangin Topa ka hihna thu na thei ding hi.

Amos 3:15

Keimah in phalbi leh khuakhal innte ka susia ding a, saiha tawh a kibawl innte kisia-in, inn lian khempeuh beimang ding hi, Topa in ci hi.

Amos 5:11

Note in mi zawngte tuancilin, a an teng uh laksak na hih manun, suangseek inn na lam hangun a sungah na teeng kha kei ding uh a, leenggui lo hoih na neih hangun a leenggahzu na dawn kha kei ding uh hi.

Amos 6:11

Topa in thu a piak ciangin, inn liante kisatzanin, inn neute kisatnen ding hi.

Obadiah 1:1

Obadiah gen kholhna: Edom mite gam tawh kisai-in Topa Pasian in hih bangin a gen hi. Minamte lakah kamtai khat kisawl zo a, “Kithawi un! Edom mite do dingin kuankhia ni” a cihna thu ka za zo hi.

Obadiah 1:10

Bang hang hiam cih leh, na sanggampa Jakob bawlsia-a na thahna hangin; mai zumna in nang hong khuh ding a, na khan tawnin na mangthang ding hi.

Late 33:10

Topa in minamte’ thu ngaihsutna a mawkna suah a, mite’ geelna khaktan hi.

Jeremiah 49:7

Edom gam tawh kisai-in, a vanglian Topa in a gen-inah: “Teman gamah pilna om nawn lo ahi hiam? Thu ngaihsut siamte in ngaihsun thei nawn loin a pilna uh bei ta ahi hiam?

Amos 1:11

Topa in hih bangin ci hi: Edom mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, a sanggam uh Israelte namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.