Malakhi 1:3 - Tedim Bible

³ Esau leh a suan a khakte ka mudah hi. Esau’ neih mualtung gamte ka susia a, gamlak gamsate tungah ka pia hi,” ci hi.

Tedim Bible Revision 2017

³ Esau le a suan a khakte ka mudah hi. Esauʼ neih mual tung gamte ka susia a, gamsate tungah ka pia hi,” ci hi.

Malakhi 1:3 Referans Kwoze

Obadiah 1:10

Bang hang hiam cih leh, na sanggampa Jakob bawlsia-a na thahna hangin; mai zumna in nang hong khuh ding a, na khan tawnin na mangthang ding hi.

Joel 3:19

Amaute in Judah gam simin, mawhnei lo mite that uh ahih manin, Izipt gam in sehnel gam suakin, Edom gam in gamsia suak ding hi.

Ezekiel 36:9

Keimah in note’ lamah kong pang a, pel loin na gam uh lo-in kikho kikin khaici kituh kik ding hi.

Ezekiel 36:7

Topa Pasian ahi keimah in a kimkot-a om minam dangte ka mindaisak ding khauh takin ka kiciam hi.

Jeremiah 51:37

Tua ciangin Babilon khuapi pen innsia losia suak ding a, se-alte’ teen’na mun suakin, a lipkhaphuai, simmawhna tawh a kiphitsan, kuama’ teen’ lohna mun a suak ding hi.

Jeremiah 49:10

Ahih hangin Esau’ suan le khakte khempeuh ka guaksuak sak a, a bukna munte uh ka kilangkhia sak hi; tua ahih manin a bu thei nawn kei uh hi. A tate uh, a sanggamte uh leh a innvengte uh, si khin a, khat beek a suakta kei hi.

Jeremiah 9:11

Jerusalem khua ninkholna ka bangsak ding a, se-alte’ teen’na ka suak sak ding hi. Judah khuapite gamlak ka suak sak ding a, kuamah a teeng nawn kei ding hi,” a ci hi.

Isaiah 35:7

a sa mahmah sehnelte bualtui hong suak ding a, a keugaw leitang pen ciktui tawh hong kidim ding hi; ngiate’ omna ngei leitang pen nawngpi suakin, lopa, pumpeng leh mau po ding hi.

Luka 14:26

Amah kihei a, “Kei kiangah hong pai nuamte in a nute, a pate, a zite, a tate, a sanggampate, a sanggamnute ahi zongin, tua tham loin ama nuntakna nangawn a muhdah kei leh, keima nungzui a suak zo kei ding hi.

Piancilna 25:23

Topa in ama kiangah, “Na gil sungah minam nih om hi, Nang’ sung pan a suak mihing nihte kikhen ding hi; khat in a dang khat sangin hatzaw ding hi, a u-zaw in a nauzaw’na sem ding hi,” ci hi.

Jeremiah 49:8

Dedan gama teengte aw, Kihei un la, gal tai un; guam sungah bu un! Bang hang hiam cih leh ka daantat ni ciangin Esau’ suan leh khakte tungah siatna ka tung sak ding hi.

Jeremiah 49:20

Ka mai-ah kua kumpi hong ding ngam ding ahi hiam? Tua ahih manin Edom mite’ thuak nading leh Teman gama teengte’ gim nading-a Topa’ gelna leh ngimnate ngai dih un. A tangeekte nangawn uh kikaikhia ding hi. Mi khempeuh lau taktak ding uh hi.

Jeremiah 49:33

Hazor khua in se-alte’ teen’na a suak ding a, a tawntung-a a kisia den khua a suak ding hi. Kuamah teeng lo ding a, tawm vei beek zong a va zin kei ding uh hi,” a ci hi.

Kah la 4:22

Jerusalem in a mawhna thaman a sang khin zo hi. Ka thuak ding uh a nasiapen pen teng ka thuak khin zo uh hi. Ahih hangin Edom aw, Topa in nang daan hong pia ding a, na mawhna a hong pholak sak ding hi.

Jeremiah 49:7

Edom gam tawh kisai-in, a vanglian Topa in a gen-inah: “Teman gamah pilna om nawn lo ahi hiam? Thu ngaihsut siamte in ngaihsun thei nawn loin a pilna uh bei ta ahi hiam?