Malakhi 1:2 - Tedim Bible

² Topa in, “Note kong it hi,” ci hi. Ahi zongin note in, “Kote hong bangci it na hi hiam?” na ci uh hi. Topa in hong dawng a, “Esau leh Jakob in unau hi a, ahi zongin Jakob leh a suan a khakte itin,

Tedim Bible Revision 2017

² Topa in, “Note kong it hi,” ci hi. Ahi zongin note in, “Kote hong bangci it na hi hiam?” na ci uh hi. Topa in hong dawng a, “Esau le Jakob unau hi a, ahi zongin Jakob le a suan a khakte itin,

Malakhi 1:2 Referans Kwoze

Jeremiah 31:3

gamlapi pek panin Topa ka kilang hi. Keimah in nang tawntung itna tawh kong it a, tua ahih manin nang’ tungah kong thuman tawntung hi.

Thu-hilhkikna 10:15

tua hi napi-in Topa in itna tawh ama lungsim na pu na pate uh tungah koihin, tu ni-a mah bangin midangte khempeuh sangin nomau’ suan leh khakte hong teel hi.

Thu-hilhkikna 4:37

Amah in na pate uh itin, amau suan leh khakte hong tel a, amahmah in ama vanglian tawh Izipt panin note hong paikhiatpih a,

Malakhi 2:17

Na thugen genna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-a gamtate a hoihin ngaihsun a, zong itin amaute tungah lungkim takpi hi,” na cihna khawng uh leh, “A thutang gen Pasian koi lai-ah om ahi hiam?” ci-in na dotnate uh tawh na gimsak uh hi.

Jeremiah 2:31

No khangthakte aw, Topa’ kammal limtak ngai dih un. Israel mite adingin keimah in gamlak bang hi ngei ka hi hiam? A mial mahmah gam bang hi ngei ka hi hiam? Tua ahih leh bang hangin ka mite in, ‘Ko ka suakta uh hi, nang kiangah kong pai nawn kei ding uh hi,’ ci uh ahi hiam?

Jeremiah 2:5

Topa in hih bangin ci hi: “Na pute na pate un kei kiang panin gamlapi paikhia-in, bangmah-a kimang lo milim peuh bia-in, amau mahmah zong bang mah-a kimang lo a suah khit nadingun kei’ tungah bang mawhna mu uh ahi hiam?

Isaiah 43:4

Nang pen keima mit-ah manpha-in, pahtakhuai in, nangmah hong it ka hih ciangin nangma tangin mite ka pia a, nangma nuntakna khek nadingin mihingte ka pia hi.

Piancilna 48:4

kei' kiangah, 'En in, nang hong pungsakin, tampi hong phasakin, mihing hon khatin hong bawlin, nang’ khit cianga na suan-le-khakte tunga a neih dingin hih leitang ka pia ding hi,’ hong ci hi.

Piancilna 27:33

Tua ciangin Isaak nakpi takin liingin, “Tua ahih leh, nang’ hong pai ma-in sa matsa hong paipihin, a vekin ka nek khit phetin, amah thupha ka piakpa kua ahi hiam?—hi hi, amah in thupha ngah ding hi,” ci hi.

Piancilna 25:23

Topa in ama kiangah, “Na gil sungah minam nih om hi, Nang’ sung pan a suak mihing nihte kikhen ding hi; khat in a dang khat sangin hatzaw ding hi, a u-zaw in a nauzaw’na sem ding hi,” ci hi.

Luka 10:29

Tua pa in ama phatna thu a lah nop manin, “Ka lawmte kuate ahi hiam?” ci-in Zeisu a dong hi.

Johan 15:12

“Ka thupiakna ahih leh, keimah in no kong it mah bangin note khat leh khat na ki-it un.

Thu-hilhkikna 23:5

Ahih hangin Topa na Pasian un Balaam’ thu ngai lo hi; Topa na Pasian un note hong it ahih manin, samsiatna pen note adingin thupha-in hong heisak hi.

Thu-hilhkikna 33:3

Hi taktak hi, amah in a mite it a, ama tungah a ki-ap mite khempeuh a khut sungah om hi; tua ahih ciangin amaute in na khephung ah hong kun uh a, nang tung panin lamlahna ngah uh hi.

Isaiah 63:1

Edom gam, Bozrah khua panin puan ausan silhin a hong pai, a puan silhna-ah minthan’na nei-in, ama thahatna tawh hong paipa kua ahi hiam? A honkhia zo dingin hatna a nei, gualzawhna thu a zasak dingin a hong paipa in Topa ahi keimah ka hi hi.

Amos 1:11

Topa in hih bangin ci hi: Edom mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, a sanggam uh Israelte namsau tawh delh uh a, hehpihna lungsim nei lo uh hi. A hehna uh damsak ngei lo uh a, a tawntungin heh niloh uh hi.

Piancilna 25:25

A masa pen a san-in hong suak a, a pumpi khempeuh mul a nei puan tawh kibang hi; tua ahih ciangin ama' min Esau phuak uh hi.

Piancilna 25:26

Tua khit ciangin a sanggampa hong suakkhia a, ama' khut in Esau’ khetul len hi; tua ahih ciangin ama' min Jakob kiphuak hi. Amau’ suah ciangin Isaak kum sawmguk pha hi.

1 KUMPI MASATE 10:9

Nang sungah lungdamin Israel kumpi tokhom tungah nang hong koih Topa na Pasian in thupha ngah ta hen! Topa in Israel it tawntung ahih manin nangmah in thutang leh thuman na sepkhiat theih nadingin amah in kumpi-in nang hong bawl hi,” a ci hi.

2 KUMPI NIHNATE 3:8

Tua ciangin amah in, “Koi lam tawnin kuan ding i hi hiam?” a ci hi. Jehoram in dawngin, “Edom gamlak lam tawnin,” a ci hi.