Malakhi 1:11 - Tedim Bible

¹¹ Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.

Tedim Bible Revision 2017

¹¹ Leitung khempeuh ah a om minam khempeuh in kei hong zahtak uh a, kei adingin mun khempeuh ah paknamtui halin, a kisang thei ding biakpiakna hong pia uh hi. Mi khempeuh in kei hong zahtak uh hi.

Malakhi 1:11 Referans Kwoze

Isaiah 54:5

Bang hang hiam cih leh nangmah hong Bawlpa in na pasal hi a, ama min in Vanglianpen Topa ahi hi; Israelte’ Siangtho Pa in nangmah hong Tankhia-pa hi a, amah pen leitung buppi’ Pasian kici hi.

Mangmuhna 5:8

Tua lai takin gawsemte tawi tham loin, misiangthote’ thungetna ahi, paknamtui tawh a dim kham haite a tawi tek uh a, ganhing li tawh upa sawmnih leh lite in Tuuno mai-ah bokin:

Mattiu 28:19

Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.

Zekhariah 8:7

Nisuahna leh nitumna gamte panin ka mite ka honkhia ding a,

Late 50:1

Vanglianpa, Topa ahi Pasian, hong pau a, nisuahna leh nitumna kikal leitung khempeuh a khawm hi.

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

Late 141:2

Ka thungetna pen nangma mai-ah paknamtui, ka khutte ka laptohna pen nitak biak piakna bangsak in!

Late 67:2

leitungah nangma lampi, minam khempeuhte lakah nangma hotkhiatna vang kithei ta hen.

Mangmuhna 15:4

Topa aw, nang min kua in kihta lo, phat loin a om ding hiam? Bang hang hiam na cih uh leh, Nang bek na siangtho a, Nangma dikna gamtatnate in a kilang zo ahih ciangin Mipawl khempeuh in na mai-ah hong thuumin, hong bia ding uh hi,” ci-in a phat uh hi.

1 TIMOTI MASA 2:8

Tua ahih ciangin mun khempeuh ah pasalte in hehna, kinialna om loin a khut siangtho lamto-in thu a nget ding uh ka deih hi.

Filippi 4:18

Keimah in na khempeuh ka nei ta a, ka hau hi! Pasian tungah a lungdamhuai, a san’ huai gim namtui biak piakna ahi note’ hong khak huhnate Epafroditas’ khut sung pan ka ngah maninah ka hau hi.

ROM (Romans) 15:16

keimah in Pasian’ Lungdamna Thuhilh na semin Gentailte tungah Khazih’ nasem ka hih nading, Pasian in kei hong piak hehpihna thupha hanginah ute naute aw, note hong phawksak kikin, lau loin lai ka gelh hi.

ROM (Romans) 12:1

Tua ahih ciangin ute naute aw, a hing biakna, a siangtho leh Pasian’ deihna tawh kituakin, na pumpi uh Pasian kiangah na piak nadingun Pasian’ hehpihna tawh kong thuum hi. Bang hang hiam na cih uh leh, tua bang hihna in a kilawm biakna nasepna ahi hi.

Luka 1:10

Paknamtui mei tawh a hal hun lai takin mi khempeuh in inn pua lamah thu ngenin a om uh hi.

Malakhi 1:14

A tuuhon lakah tuutal cidam nei napi-in, a kamciamsa bangin kei tungah hong piak ciangin, a sitbaang ganhing hong pia mi khempa in samsiatna thuak ta hen. Bang hang hiam cih leh keimah in a lian mahmah Kumpipa ka hi a, minam khempeuh in kei hong zahtak uh hi,” a ci hi.

Zefaniah 3:9

Tua ciangin minamte’ lungsim ka hei ding a, amaute in Topa tung bekah thu ngenin, lungsim kikhatin Topa’ na sem ding uh hi.

Zefaniah 2:11

Topa in amaute lausak gawp ding a, leitung pasiante, neu bawl gawp ding hi. Tua ciangin, minam khempeuh in amau’ gam ciat panun amah bia ding uh hi.

Micah 5:4

Amah in Topa’ thahatna tawh a tuute uk ding a, Topa ama Pasian’ min vangliatna tawh uk ding hi. Leitung mi khempeuh in ama liatna phawk ding uh ahih manin, ama mite lungmuang takin om thei ding uh hi.

Amos 9:12

Tua ciangin Israel mite in, Edom gam a, om lai teng leh keima mi ahi ngei minam khempeuh zo-in ngah kik ding uh hi, Topa in ci hi.

Isaiah 59:19

Tua ahih ciangin nisuahna pan nitumna kikal-a om mi khempeuh in amah zahtakin, a vangliatna kihta ding uh hi. Bang hang hiam cih leh Topa’ huih nung bang, tuipi khang bangin amah hong pai ding hi.

Late 113:3

Nisuahna pan nitumna dongin Topa’ min phat ding ahi hi!

Mattiu 8:11

Ke’n kong cih-inah, mi tampi in nisuahna lam, nitumna lam panin hong pai-in, Abraham, Isaak leh Jakobte tawh Vantung Gam sungah a tukhawm ding uh hi.

2 THESALONIKA NIHNA 1:12

hoihna tawh kipawl deihna khempeuh leh upna tawh kipawl gamtatna khempeuh a vangliatna tawh a kicin’ nadingin kote in note ading thu ka hong ngetsak tawntung uh hi.

Gamlak-vakna 7:74

shekel sawm a gik kham pakan khat, paknamtui a dim tawh,

Late 45:17

Keimah in khang tawntungin nangma min ka kiphawksak ding hi; tua ahih ciangin mite in nang hong phat ngitnget ding uh hi.

Late 48:10

Pasian aw, na min in leimong dong a zelh bangin, nangmah hong kiphatna in zong a zel hi. Na taklam khut in gualzawhna tawh a kidim hi;

Late 111:9

Amah in a mite hong honkhia a, amah in a tawntunga dingin thupiakna a bawl khin hi. Ama min, siangtho-in kihtak-huai mahmah hi!

Isaiah 12:4

Ni khat ni ciangin mite in, “Topa’ tungah lungdamna ko un la, a min lo-in, ama hong huh ding ngen un; minamte khempeuh lakah ama septe kitheisak un la, ama min kiliansak hi, ci-in gen un.

Isaiah 12:5

“Amah in minthang takin sem khin ahih manin Topa’ tungah phatna la sa un; leitung khempeuh ah hih thu kitheisak un.

Isaiah 66:18

Bang hang hiam cih leh amau nasepnate leh amau ngaihsutnate ka thei a, minam khempeuh a khawm dingin ka hong pai hi; amaute hong pai-in ka minthan’na mu ding uh hi.

Jeremiah 10:6

Topa aw, nang bang mi kuamah om lo hi; nang na lian a, na min vanglian mahmah hi.

Jeremiah 10:7

Gam khempeuhte’ Kumpipa aw, kua in nang hong kihta lo ding ahi hiam? Nang, kihtak ding mah na hi hi. Bang hang hiam cih leh leitung mipil khempeuhte’ lak leh amau’ gamsung khempeuh lakah, nang bang mi kuamah om lo hi.

Daniel 2:45

Kuama lawn’ loh a, mualtung pan hong tuksuk suangtum in sik, sumngo, tungman, ngun leh kham tawh kibawl milim a den paih na mu hi. A lian Pasian in mai lamah bang hong piang ding cih Kumpipa a hong hilh hi. Na mangmat pen ahi bang tektekin kong gen a, a khiatna zong a maan bangin kong gen zo hi,” a ci hi.

1 KHANG TANGTHU MASATE 16:25

Bang hang hiam cih leh Topa lian a, nakpi takin phat ding ahi hi; pasian khempeuh sangin amah lamdang sak zawk ding ahi hi.

Late 48:11

Zion Mual lungdam sak in! Na thukhenna hangin Judah’ mite lungdam sak in!

Late 65:9

Nangmah in leitung en-in guah na zusak a, a hoihna lianpi-in na behlap hi; Pasian’ gunpi in tui tawh kidim hi; nangmah in amaute khaici na guan hi, tua ahih ciangin nangmah in na bawl khol hi.

Late 86:9

Topa aw, na bawlsa minam khempeuh hong pai-in na mai-ah hong kun ding a, nangma min hong phat ding uh hi.

Late 96:8

Ama min in a ngah dinga kilawm minthan’na, Topa tungah pia un la, biak piakna hong keng-in ama huang sungah hong pai un!

Late 138:5

Topa’ minthan’na lian ahih manin amaute in Topa’ nasepna ziate la-in sa ding uh hi.

Isaiah 19:21

Topa in Izipt mite tungah amahmah kitheisak ding hi; tua ni ciangin Izipt mite in Topa thei-in biak piakna leh meihal tawh bia ding uh a, amaute in Topa’ tungah thuciamna bawl-in, tua thuciamnate sem ding uh hi.

Isaiah 30:27

En un, Topa’ Min gamlapi panin kimu thei hi. Ama hehna meikuangpi leh meikhu in hong kilangsak a, ama kampaunate, mei bangin a kuang hi.

Jeremiah 4:2

‘Topa a nuntak bangin,’ ci a, thuman tak, kip tak, thu tang tak-a thu na ciam nak uh leh, gam khempeuh in thupha ka piak ding hong ngen ding uh a, kei sungah amaute a lungdam ding uh hi,” a ci hi.

Malakhi 3:3

A ninte kangtumsakin, ngunte a siangsakpa bangin thukhen dingin hong pai ding hi. Ngun leh khamte a kisian’sak bangin amah in Levi’ suan-le-khak ahi siampite siangsak ding hi. Tua ciangin Topa tungah a kilawm biakna pia ding uh hi.