Malakhi 1:10 - Tedim Bible

¹⁰ Vanglianpen Topa in, “Ka biakna tau tungah, bangmah-a a kimang lo mei na tawh mawkmawk theih loh nadingun, note khatpeuh in biakinn kongkhakte khak le uh cin ka ut hi. Note tungah ka lungkim kei a, nong puak uh biak piaknate kong sang kei ding hi.

Tedim Bible Revision 2017

¹⁰ Vanglian Topa in, “Ka biakna tau tungah, bangmah-a kimang lo mei na tawh mawkmawk theih loh nadingun, note khatpeuh in biakinn kongkhakte khak le-uhcin ka ut hi. Note tungah ka lungkim kei a, nong piak uh biakpiaknate kong sang kei ding hi.

Malakhi 1:10 Referans Kwoze

1 PETER MASA 5:2

Note lakah a om Pasian’ tuu honte cin’ nading thu panin, zawhthawhna tawh cing loin, a siangtho lo sum hauh nading hi loin, hehpihna lungsim tawh,

Micah 3:11

Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Hosea 5:6

A tuute uh leh a bawngte uh tawh Topa tungah biakna pia dingin paipih ding uh a, ahi zongin a mawkna suak ding hi. Topa in amaute nusia khin ahih amanin amah mu zo lo ding uh hi.

Jeremiah 6:20

Bang deihna tawh Sheba gam panin paknamtuite hong pai a, gamlapi panin singnamtui hong tung ahi hiam? Na meihal biaknate uh ka sang kei a, nong thoihnate uh deihhuai ka sa kei hi.

Jeremiah 14:12

An a tan’ uh hangin amau’ thuumna ka ngai kei ding a, meihal biakna leh an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Jeremiah 8:10

Tua ahih manin a zite uh midangte ka piaksak ding a, a lote uh zong midangte ka luahsak ding hi. Bang hang hiam cih leh a neupen pan a lianpen dongin thuman lopi tawh sum zongin a huaiham uh hi. Kamsangte akipan siampite dongin thuman lo khin uh hi.

Hebru 10:38

Ka midik in upna tawh a nungta ding hi, a nung kin leh, ka lungsim in Tua mi hangin lungdamna a nei kei hi,” ci-in Pasian in thu a pia hi.

Filippi 2:21

Amaute in Zeisu Khazih’ phattuamna zong loin amaute’ phattuamna bek a zong uh hi.

1 KORIN MASA 9:13

A siangtho nate a semte in biakna innpi panin an a ne uh hi. Biakna tau na a semte in biakna tau tawh kipawlin an a ngah uh thei lo na hi uh hiam?

Johan 10:12

Tuu neipa hi lo a kicial tuucing ahih leh, ngia hong pai a muh ciangin tuute nusia-in tai a; ngia in tuute manin a kithehthangsak hi.

Jeremiah 6:13

Bang hang hiam cih leh a neupen pan a lianpen dongin, thuman lopi tawh sum zongin a huaiham uh hi. Kamsangte-a kipan siampite dongin thuman lo khin uh hi.

Jeremiah 14:10

Hih mite tawh kisai-in Topa in hih bangin a gen hi: “Amaute in hih bangin kei kiang panin vakkhia kawikawi nuam uh a, a kidek kei uh hi. Tua ahih manin Topa in amaute ka sang kei a, a khialhnate uh phawk-in, a mawhnate uh ka daantat ding hi.”

Malakhi 1:13

Note in, ‘Hihte cimtak khin hang,’ ci-in nap nong nitsan lel uh hi. Keimah biak nadingin a kigu ganhing khatpeuh ahi a, a liam a bai, ahih kei leh a cina peuh nong paipih uh hi. Tua bangte, a sang dingin hong ngaihsun na hi uh hiam?

Malakhi 2:12

Hih banga a gamta mi peuhmah, a kua a kua hita leh, Topa in sugawp hen la, Vanglianpen Topa’ tungah biakna a paipih ei minamte tawh hong kigawmsak ngei nawn kei hen.

2 KUMPI NIHNATE 12:6

Ahih hangin kumpi Joash’ uk kum sawmnih-le-thumna kum dongin siampite in inn puah nai lo uh hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Malakhi 2:13

Note’ gamtatna adang khat om lai hi. Tua in, note in Topa’ biakna tau, khitui tawh na kawtsak uh a, kapin thuumin na om uh hangin note’ paipih biaknate, amah in hong sang nawn lo hi.