Luka 9:7 - Tedim Bible

⁷ Tua lai takin Menzipa Herod in Zeisu hihna thu khempeuh a zak ciangin a lungmang hi. Bang hang hiam i cih leh, mi kimkhat in, “Johan in a sihna pan a thokik zo hi,” a ci uh hi.

Tedim Bible Revision 2017

⁷ Galilee gam sungteng a uk Herod in hih thupiangte a zak ciangin lungmang mahmah hi. Bang hang hiam cih leh mi pawl khat in, “Johan hong hingkik hi,” ci uh hi.

Luka 9:7 Referans Kwoze

Luka 9:19

amaute in, “‘Baptaizpa Johan,’ a ci uh hi. Kimkhatte in, ‘Elijah,’ a ci uh hi. Midangte in, ‘Tanglai kamsangte khatpeuh a hingkik hi,’ a ci ciat uh hi,” ci-in a gen uh hi.

Luka 3:1

Kaisar kumpipa Tiberias a man’ zawh kum sawm leh kum nga ciangin, Judah gamah Pontias Pilat mangpi hi a, Galile gamah Herod menzi hi a, Iturea gam leh Trakhonis gamah Herod’ nau Filip menzi hi a, Abilene gamah Lisanias menzi hi a;

Micah 7:4

Amaute lakah a hoih pen a, kineite lingkung bang hi a, a thutang pen a, kineite, linghiam bang hi lel uh hi. Pasian in amaute a hilhkholh bangin, a daan piak ding hun hong tung ta a, a lungman’ ding hun uh hi ta hi.

Isaiah 22:5

Bang hang hiam cih leh Vanglianpen Topa Pasian in mangmuhna kuam sungah buaina leh tuatcil gawpna leh kitawhzauna, kulhte suksiat gawpna leh launa mualte tungah kikona ni hong tungsak hi.

Late 73:19

Tomno sungin amaute kisusia-in, launa in nilkhia mang!

Luka 21:25

“Tua lai takin ni, kha leh aksite tungah lim kilang ding a, leitungah mi a pawlpawlte in tuipi lian leh tui kilok ging hangin lungmangin, gimna a thuak ding uh hi.

Mattiu 11:2

Khazih in a bawlna thu thong sung pan Johan in a zak ciangin a nungzuite sawl a,

Marka 8:28

Amaute in, “Baptaizpa Johan,” a ci uh hi. Kimkhat in, ‘Elijah,’ a ci uh hi. Ahih hangin midang kimkhat in, ‘Kamsangpa khatpeuh,’ a ci ciat uh hi,” ci-in a gen uh hi.

Luka 13:31

Tua lai takin Farisaite kimkhat hong pai uh a, “Paikhia in la, tai in. Herod in nang hong that nuam hi,” a ci uh hi.

Luka 23:7

Zeisu Herod’ uksung mi ahih lam a theih ciangin, Herod kiangah a paisak hi. Bang hang hiam i cih leh, tua lai takin Herod Jerusalem khuapi-ah a om hi.