Luka 9:52 - Tedim Bible

⁵² A mai-ah kamtaite a paisak hi. Tuate pai uh a, Zeisu ading mun bawl khol dingin Samaria khua khatah a lut uh hi.

Tedim Bible Revision 2017

⁵² Jesu adingin a kisam khempeuh a vaihawmsak dingin Samaria khua khat ah a lut uh hi.

Luka 9:52 Referans Kwoze

Mattiu 10:5

Tua sawm leh nihte Zeisu in sawl a, “Gentailte omna-ah pai kei un. Samaria-te khua sungah lut kei un.

Luka 17:16

Zeisu khe kiangah bokin hehpihna a phat hi. Tua pa in Samaria mi ahi hi.

Luka 10:33

Ahih hangin Samaria mi khat in khualzinin a pai lai takin ama omna hong tung a;

Luka 10:1

Tua khit ciangin Topa in a dang sawmsagihte koih a, a pai nading khuapi, khuaneu tengah ama mai-ah nih tek, nih tekin a sawl hi.

Johan 8:48

Judah mite in, “Nang Samaria mi na hi a, dawilawm nei na hi kong cihna uh man hilo ahi hiam?” a ci kik uh hi.

Luka 7:27

Lai Siangtho sungah a kigelh bangin: ‘En in, na pai nading lam sial ding, Na mai-ah ka sawltakpa ka paisak hi,’ a cihna in, tua mipa a cihna ahi hi.

Malakhi 3:1

Hih banga na thu genna uh tawh kisai-in Vanglianpen Topa in hong dawng a, “Ka pai nading lampi a bawl khol dingin ka kamtaipa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muh nop uh kamtaipa hong pai-in ka thuciamna hong taangko ding hi,” a ci hi.

Luka 17:11

Zeisu in Jerusalem khuapi lamah a pai lai takin, Samaria gam leh Galile gam a paisuak hi.

Johan 4:4

Amah in Samaria gam paltan a;

Johan 4:5

Jakob in a tapa Josef a piak lo cing khat tawh kinai, Samaria gam Saikhar kici khua-ah a tung hi.

Johan 4:9

Samaria numei in, “Nang Judah mi na hi napi-in kei Samaria numei kiangah bang hangin tui dawn ding hong ngen na hi hiam?” a ci hi. Bang hang hiam i cih leh, Judah mite in Samaria mite tawh a kihopih thei kei uh hi.