Luka 9:48 - Tedim Bible

⁴⁸ “Keima min tawh hih naupangno a ngai peuhmah in, kei zong hong ngai hi. Bang hang hiam na cih uh leh, note lakah a neu penpa in milian ahi ding hi,” a ci hi.

Tedim Bible Revision 2017

⁴⁸ a nungzuite kiangah, “Keima hangin hih naupang a limbawl mi peuhmah in kei hong limbawl hi a, kei hong limbawl mi peuhmah in kei hong sawl pa zong a limbawl ahi hi. Note khempeuh lakah a neu pen pa a lian pen pa ahi hi,” a ci hi.

Luka 9:48 Referans Kwoze

Luka 14:11

Bang hang hiam na cih uh leh, ama pumpi a phat mi khempeuh in niamkhiatna a ngah ding uh hi. A kiniamkhiat mi in minphatna a ngah ding uh hi,” a ci hi.

1 PETER MASA 5:6

Tua ahih ciangin a hun a cin’ ciangin Pasian in note hong pahtawi nadingin, ama khut vanglian nuai-ah na kiniamsak un.

Luka 22:26

Ahih hangin note tua bang na hi kei ding uh hi. Note lakah a lianpen in a neupen bangin om ta hen. A makaipa in nasem bangin om ta hen.

Johan 13:20

Ke’n aman takpi kong cih-inah, ka sawlpa a ngai mi in kei zong hong ngai hi. Kei hong ngai mi in kei hong sawlpa zong a ngai hi,” a ci hi.

Luka 10:16

Note thu a ngaite in ka thu a ngai hi. Note hong nolhte in kei zong hong nolh hi. Kei hong nolhte in kei hong sawlpa zong a nolh hi,” ci-in Zeisu in a gen hi.

Mangmuhna 3:21

Keimah in ka zawh khit ciangin ka Pa tawh tokhom tungah ka tut khawm bangin, a zo mi in kei tawh ka tokhom tungah tut khawm theihna thu ka pia ding hi.

1 THESALONIKA MASA 4:8

Tua ahih ciangin hih thu a nial mi in mi bek nial ahi kei hi, note Kha Siangtho a hong pia Pasian nial ahi hi.

Johan 14:21

Ka thupiakna nei a, a zui mi in kei hong it hi. Kei hong it mi ka Pa in a it ding hi. Keimah in zong amah ka it ding a, ama kiangah ka kilang ding hi,” a ci hi.

Luka 22:30

note zong keima Gam sungah ka sabuai ah an ne-in tui na dawn theih nadingun note thu kong pia ding hi. Note in thukhen tokhom tungah tu-in, Israel mipawl sawm leh nihte tungah thu na khen ding uh hi,” a ci hi.

Luka 7:28

Ke’n kong cih-inah, numei sung pan a suakte lakah Johan sangin a lianzaw khat beek a om kei hi. Ahih hangin, Vantung Gam sungah mi neupen in tuapa sangin a lianzaw hi,” a ci hi.

Marka 9:37

“Keima min tawh hih bang naupangno khat a ngai peuhmah in, kei zong hong ngai hi. Kei hong ngai peuhmah in, kei hong sawlpa zong a ngai hi,” ci-in a gen hi.

Mattiu 25:45

Kumpipa in, ‘Ke’n aman takpi kong cih-inah, hih mite laka a neupen khat tungah na bawl loh uh ciangin, kei tungah zong hong bawl lo na hi uh hi,’ a ci ding hi.

Mattiu 25:40

Kumpipa in, ‘Ke’n aman takpi kong cih-inah, note in ka sanggamte ahi hih mineupen khat tungah na bawl uh ciangin, kei tungah zong hong bawl na hi uh hi,’ a ci ding hi.

Mattiu 19:28

Zeisu in, “Ke’n aman takpi kong cih-inah, na khempeuh a thak kibawl kik a, Mihing Tapa in vangliatna tokhom tungah a tut ciangin ka nung hong zui note in thukhen tokhom sawm leh nih tungah tu-in, Israel mipawl sawm leh nihte tungah thu na khen ding uh hi.

Mattiu 18:14

Tua mah bangin vantungah a om na Pa un, tua naupangte khat a kisiat nading a ut kei hi.”

Mattiu 18:10

“Note in hih naupangte khatpeuh mah na simmawh loh nadingun na kikeem un.

Paunak 18:12

A kiniamkhiatte in zahtakna ngah uh a, a kihisakte in siat ding a manawh hi ta hi.

Mangmuhna 21:14

Khuapi kulh nuai-ah a nuaiphah sawm leh nih om a, tuate tungah Tuuno’ sawltak sawm leh nihte’ minte kigelh hi.