Luka 9:44 - Tedim Bible

⁴⁴ Ahih hangin mi khempeuh in Zeisu hihna khempeuh lamdang a sak uh ciangin, a nungzuite kiangah Zeisu in, “Na lungsim uh ah hih thute tum ta hen. Mihing Tapa in mite khut tungah kiheek ding hi,” a ci hi.

Tedim Bible Revision 2017

⁴⁴ “Mihingteʼ khut sungah Mihing Tapa kipia ding ahihna thu mangngilh het kei un,” a ci hi.

Luka 9:44 Referans Kwoze

Sawltak 2:23

Tua Zeisu Pasian’ hanciamna leh theihkholhna hangah a kipiak khit ciangin note in migilote’ khut tungah pia-in singlamteh tungah na sisak uh hi.

Luka 9:22

“Mihing Tapa in gimna tampi thuak ding a, upate, siampi liante leh laitheite in nial ding uh a, amah in thahna zong thuak ding a, ni thum khit ciangin a thokik ding hi,” a ci hi.

Hebru 2:1

Tua ahih ciangin eite in i zaksa thute panin kinkhia lo paikhiat loh nading, lungsim takpi tawh kidophuai hi.

Luka 2:19

Mari in ahih leh, tua thute khempeuh ciamteh a, a lungsim sungah a lungngai hi.

Johan 19:11

Zeisu in, “Tung lam pan thu na ngah kei leh, kei tungah bangmah na hih thei kei ding hi. Tua ahih ciangin nangma khut sungah kei a hong piapa in khialhna golzaw a nei hi,” ci-in a thuk hi.

Johan 16:4

Amau hun a tun’ ciangin kong gensa hih thute na phawk kik nadingun tu-in kong genkhol hi.” “Acil panin hih thute note kiangah kong gen ngei kei hi. Bang hang hiam na cih uh leh, note tawh keimah ka omkhawm lai hi.

Luka 24:44

Khatvei Zeisu in, “Moses’ Thukhamna ahi zongin, kamsangte’ gelhna thu ahi zongin, Lai Siangtho sungah a kigelh thu ahi zongin keima thu a kigelhsa khempeuh a tangtung ding hi ci-in ke’n note tawh ka om khop lai takin kong gen khempeuhte in hih thu ahi hi,” a ci hi.

Luka 18:31

Tua lai takin Zeisu in sawm-le-nihte sam a, “En un, eite Jerusalem khuapi ah i pai ding hi. Pasian’ kamsangte gelh kholhsa thu khempeuhte in Mihing Tapa tungah a tung ding hi.

Luka 2:51

Amah in amaute tawh ciahsuk khawm a, Nazareth khua-ah tungin amaute thu mangin a om hi. A nu in hih thu khempeuh a lungsim sungah a ciamteh hi.

Luka 1:66

A za khempeuhte in a lungsim sung uh ah ciamteh uh a, “Hih naungeek in bangci bang mi hi ding ahi hiam?” a ci uh hi. Bang hang hiam i cih leh, Topa’ khut in amah tawh a omkhawm hi.

Marka 9:31

Bang hang hiam i cih leh, “Mihing Tapa in mite’ khut tungah kipia ding hi. Tua mite in amah a that ding uh a, amah in thahna a thuak zawh ni thum khit ciangin a thokik ding hi,” ci-in nungzuite a hilh hi.

Marka 8:31

Zeisu in, “Mihing Tapa in gimna tampi thuak ding a, upate, siampi liante, leh laitheite in nial ding uh a, amah in thahna thuakin ni thum khit ciangin a thokik ding hi,” ci-in tua a kipanin a nungzuite a hilh hi.

Mattiu 26:2

“Ni nih khit ciangin Paisan pawikhamna hong tung ding cih na thei uh hi. Tua lai takin Mihing Tapa in singlamteh tungah thah dingin kipia ding hi,” a ci hi.

Mattiu 16:21

Zeisu in Jerusalem khuapi pai dinga upate, siampi liante laitheite khut tungah gimna tampi a thuak khit ciangin, thahna zong thuak ding a; ni thum ni-in a thokik ding hi, ci-in tua huna kipanin a nungzuite kiangah a pulak hi.

2 SAMUEL NIHNA 24:14

Tua ciangin David in Gad kiangah, “Nakpi takin ka lungkham hi; ama hehpihna lian ahih manin Topa’ khut sungah tung ni; ahih hangin mihing’ khut sungah hong tung sak kei in,” a ci hi.

Johan 16:31

Zeisu in zong, “Tu-in nong um uh hiam?