Luka 9:39 - Tedim Bible

³⁹ Dawi in amah manin amah thakhatin kiko a, a kam sung pan cilphuan bua dongin kongkawsak a, nakpi-in bawlsia-in a paikhia hak mahmah hi.

Tedim Bible Revision 2017

³⁹ Dawi in amah man a, thakhat thu-in kiko gawp hi. A cilphuan a buak dongin kongkawcipsak a, gimsak gawp a, nusia nuam lo hi.

Luka 9:39 Referans Kwoze

Luka 8:29

Hih thu bang hangin a thuum hiam i cih leh, Zeisu in kihhuai dawi in tua pa sung pan a taikhiat nadingin thu a pia hi. Dawi in tua pa tamveipi a man zo hi. Sikkhau tawh kihen a, kolbulh in, a kikhum hangin, a sikkhau peeksat a, dawi in gampa lakah a hawlkhia hi.

Luka 4:35

Zeisu in, “Pau kei in la, ama sung pan paikhia in,” ci-in a taai hi. Dawi in amaute lai zangah amah a puksak khit ciangin, natna bawl loin ama sung pan a paikhia hi.

Marka 9:26

dawi in kiko-in naupang nakpi-in a kongkawsak khit ciangin a paikhia hi. Naupang in misi tawh kibang ahih ciangin mi tampi in, “A si zo hi,” a ci uh hi.

Marka 9:20

Amaute in a hong paipih uh leh, Zeisu a muh ciangin dawi in naupang thakhatin kongkawsak a, lei tungah puk a, cilphuan bua-in a kipeek sawnsawn hi.

Mangmuhna 9:11

Amau tunga kumpipa in Hebru kam-in Abaddon kici, ahi zongin, Grik kam in Apollion kici ahi zongin kiphuak a, kuam thukpi’ sawltak ahi hi.

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

Johan 8:44

Note in na pa uh dawimangpa’ suan na hi uh hi. A gilo na pa uh deihna bangin na gamta nuam uh hi. Amah in a cil panin mi thatpa hi a, thumanna nei lo ahih ciangin thuman thutak sungah a kip kei ding hi. Amah in thuzuau a gen ciangin ama thu a gen hi. Bang hang hiam na cih uh leh, amah in zuauthu gen leh thuzuaupa lah ahi hi.

Marka 9:18

Tua dawi in a matna peuhpeuh ah lei tungah puksak a, a kam sung pan cilphuan bua a, a ha gawi a, a kongkaw gawp thei hi. Dawi a hawlkhiat nadingun na nungzuite kiangah ka nget hangin ahih thei kei uh hi,” a ci hi.

Luka 9:38

Mihonpi lak pan mi khat in, “Sia aw, ka tapa hong en in, ci-in kong thuum hi. Bang hang hiam na cih leh, amah bek ta ka nei hi.

Luka 9:40

Dawi hawlkhia dingin na nungzuite kiangah ka nget hangin ahih thei kei uh hi,” ci-in a kiko hi.