Luka 9:32 - Tedim Bible

³² Piter leh amah tawh a omkhawmte a lusu uh hi. Ahih hangin a khan’lawh khit uh ciangin, Zeisu’ minthan’na leh amah tawh a ding khawmte a mu uh hi.

Tedim Bible Revision 2017

³² Peter le a lawm tegel lusu-in ihmu uh a, ahi zongin amaute hong khanglo-in, Jesuʼ minthanna vang le amah tawh a ding khawm mi nihte a mu uh hi.

Luka 9:32 Referans Kwoze

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Daniel 8:18

Amah in thu a hong gen lai takin, sibupin lei lakah ka tuk hi. Ahih hangin amah in hong domto-in a hong dingsak kik hi.

Daniel 10:9

Tua mipa’ kam pau ka zak ciangin ka khup lamin lei lakah ka tuksuk a, khua ka phawk nawn kei hi.

2 PETER NIHNA 1:16

Kote in i Topa Zeisu Khazih’ vangliatna ahi zongin, a hong paikikna thu ahi zongin, note kiangah kong gen uh ciangin pilna tawh kibawl tangthu zui loin, a thupitna leh a liatna mu-in teci ka hi uh hi.

Johan 17:24

“Pa aw, kei nong piak mite in zong nong piaksa minthan’na a muh nadingun ka omna-ah na omkhawmsak dingin ka deih hi. Bang hang hiam na cih leh, lei pian’ ma-inah nong it hi.

Isaiah 60:19

Sun hunin ni pen nangma khuavak hi loin, zan hunin kha pen nangma khuavakna hi nawn lo ding hi; Topa pen a tawntung nangma khuavak hi ding a, na Pasian pen nangma minthan’na hi ding hi.

1 JOHAN MASA 3:2

Ka itte aw, tu-in Pasian’ tate i hi hi. A nung ciangin bang ci mi i hi ding a kilang nai kei hi. Ahih hangin amah hong kilat ciangin eite in amah tawh i kibang ding hi ci-in i thei hi. Bang hang hiam na cih uh leh, ama pum a om bangin amah i mu ding hi.

Marka 14:40

A hong pai kik leh, a nungzuite ihmu a, om uh a mu hi. Bang hang hiam i cih leh, a mit uh a kham hi. Ama kiangah a dawn kik nading a thei kei uh hi.