Luka 9:30 - Tedim Bible

³⁰ Moses leh Elijah ahi nihte in meel lamdangin kilang uh a,

Tedim Bible Revision 2017

³⁰ Thakhat thu-in mihing nih tawh a kiho-in hong om vat hi. Tua mi nihte pen Moses le Elijah hi a,

Luka 9:30 Referans Kwoze

Johan 1:17

Bang hang hiam i cih leh, Thukhamna Moses khut tungah kipia hi; ahih hangin hehpihna leh thuman thutak in Zeisu Khazih khut tungah a hong piang hi.

Luka 24:44

Khatvei Zeisu in, “Moses’ Thukhamna ahi zongin, kamsangte’ gelhna thu ahi zongin, Lai Siangtho sungah a kigelh thu ahi zongin keima thu a kigelhsa khempeuh a tangtung ding hi ci-in ke’n note tawh ka om khop lai takin kong gen khempeuhte in hih thu ahi hi,” a ci hi.

Luka 24:27

Moses leh kamsangte khempeuh pan akipan, Lai Siangtho sungah amah a cihnopna thute tel takin a hilh hi.

Luka 9:19

amaute in, “‘Baptaizpa Johan,’ a ci uh hi. Kimkhatte in, ‘Elijah,’ a ci uh hi. Midangte in, ‘Tanglai kamsangte khatpeuh a hingkik hi,’ a ci ciat uh hi,” ci-in a gen uh hi.

Luka 1:17

A pate’ lungsim un tate kiangah kiheisak nading ahi zongin, thu ngai lo mite in midikte’ pilna lampi ah kiheisak nading ahi zongin, Topa ading a kibawlkhol mite a pian’ nading ahi zongin amah in Elijah’ lungsim leh vangliatna tawh Pasian mai-ah a pai ding hi,” ci-in a gen hi.

Luka 9:29

Thu a nget lai takin a meel kilamdang a, a puan zong paak a, a leng mahmah hi.

Luka 9:31

Zeisu tawh kihoin Jerusalem khuapi-ah sihna a thuak nading thu a gen uh hi.