Luka 9:19 - Tedim Bible

¹⁹ amaute in, “‘Baptaizpa Johan,’ a ci uh hi. Kimkhatte in, ‘Elijah,’ a ci uh hi. Midangte in, ‘Tanglai kamsangte khatpeuh a hingkik hi,’ a ci ciat uh hi,” ci-in a gen uh hi.

Tedim Bible Revision 2017

¹⁹ Amaute in, “Pawl khat in, Tuiphumpa Johan hi, hong ci uh hi. Pawl khat in Elijah hi, hong ci uh a, pawl khat in, tanglai kamsangte khat peuhpeuh hong hingkik hi ding hi, hong ci uh hi,” ci-in a dawng uh hi.

Luka 9:19 Referans Kwoze

Johan 1:21

Tuate in zong, “Tua ahih leh, nang kua na hi hiam? Elijah na hi hiam?” ci-in a dot uh ciangin amah in, “Elijah ka hi kei hi,” a ci hi. “Pasian’ kamsangpa na hi hiam?” a cih uh ciangin, “Ka hi kei hi.” ci-in a dawngkik hi.

Marka 6:15

Mi kimkhat in, “Hih mi in Elijah ahi hi,” a ci uh hi. Midangte in, “Tanglai kamsangte khatpeuh tawh kibang, kamsangpa ahi hi,” a ci hi.

Mattiu 14:2

“Tua pa in Baptaizpa Johan ahi hi. Amah in sihna pan a tho kik zo hi. Tua ahih ciangin, hih vangliatna in ama tungah ahih hi,” ci-in a nasemte kiangah a ci hi.

Malakhi 4:5

“Ahi zongin tua a lauhuai a lian mahmah Topa’ ni hong tun’ ma-in note kiangah kamsangpa Elijah kong paisak ding hi.

Johan 9:17

Tua ciangin khatvei amau in, “Na mit hong vaksakpa kua tawh kibang ahi hiam? Bangci na ngaisun hiam?” ci-in mittaw ngeipa a dong uh hi. Amah in, “Pasian’ kamsangpa ahi hi,” a ci hi.

Johan 7:40

Tua ahih ciangin mihonpi kimkhat in tua thu a zak uh ciangin, “Hih pa in aman takpi-in kamsangpa ahi hi,” a ci uh hi.

Johan 1:25

Amaute in, “Khazih hi lo, Elijah hi lo, kamsangpa hi lo na hih leh, bang dingin na baptaiz hiam?” ci-in a dongkik uh hi.

Mattiu 3:1

Tua lai takin Baptaiz-pa Johan hong kilang a, “Vantung Gam a hong nai zo hi.

Marka 6:14

Tua lai takin Herod kumpipa in tua thu za hi. Bang hang hiam i cih leh, Zeisu min a thang hi. “Baptaizpa Johan in sihna pan a thokik zo hi. Tua ahih ciangin, hih vangliatna in ama tungah a kilang hi,” a ci uh hi.

Luka 9:18

Khatvei Zeisu in gam daihna-ah thu a nget lai takin, amah tawh a nungzuite a omkhawm uh hi. Zeisu in, “Mihonpite in kei kua hi hong ci uh hiam?” ci-in a dot ciangin

Luka 9:20

Zeisu in, “Note in kei kua hi nong ci uh hiam?” ci-in a dot ciangin Piter in, “Nangmah in Pasian’ Khazih na hi hi,” a ci hi.