Luka 9:16 - Tedim Bible

¹⁶ Zeisu in khomun pum nga leh ngasa tawn nih la a, vantung lam ento-in thupha a piak khit ciangin balnen a, mite mai-ah lui dingin a nungzuite a pia hi.

Tedim Bible Revision 2017

¹⁶ Tua ciangin Jesu in anlum nga le ngasa tawn nih la-in vantung lam nga a, Pasian tungah lungdamna ko-in balnen a, mite tungah a lui dingin a nungzuite tungah a pia hi.

Luka 9:16 Referans Kwoze

Mattiu 14:19

Tua ciangin, “Mihonte lopa tungah tusak un,” a cih khit ciangin Zeisu in khomun nga leh ngasa tawn nih la a, vantung lam ento-in hehpihna a phat khit ciangin, khomun leh ngasa balnenin a nungzuite a pia hi. A nungzuite in zong mihonte a lui uh hi.

Luka 24:30

Sabuai-ah amaute tawh a tutkhawm lai takin khomun la a, hehpihna a phat khit khit ciangin khomun balneenin a pia hi.

Mattiu 15:36

Tua ciangin, khomun pum sagih leh ngasa la a, hehpihna a phat khit ciangin khomun leh ngasa balnenin a nungzuite a pia hi.

ROM (Romans) 14:6

Ni a tang mi in Topa hangin a tang hi. An a ne mi in Topa hangin an a ne hi. Bang hang hiam na cih uh leh, amah in Pasian’ hehpihna a phat hi. An ne lo mi in Topa hangin ne lo a, Pasian’ hehpihna a phat hi.

Sawltak 27:35

Bang hang hiam na cih uh leh, note samzang khat nangawn kisia lo ding hi,” ci-in a gen khit ciangin Paul in, khomun la a, tua mite mai-ah Pasian’ hehpihna a phat khit ciangin balnenin a ne hi.

Johan 6:23

Amau in khomun a nekna phual uh tawh kinai Tiberias khua pan gunkuangte hong tung uh hi. Zeisu in a nungzuite tawh tua gunkuang sungah lut khawm loin, a nungzuite bek a pai uh a mu uh hi.

Johan 6:11

Zeisu in khomun la a, hehpihna a phat khit ciangin a tute lakah a hawmsak hi. Tua mah bangin ngasa zong mite’ deih zahzahin a hawm uh hi.

Luka 22:19

Amah in khomun la a, hehpihna a phat khit ciangin, khomun balnenin, “Hih khomun in note ading a kipia ka pumpi ahi hi. Kei nong ngaihsut nadingun hih bangin na hih un,” ci-in a nungzuite a pia hi.

1 KORIN MASA 11:24

hehpihna a phat khit ciangin khomun balnen a, “Hih khomun in note ading a kipia keima pumpi ahi hi. Kei nong ngaihsut nadingun hih bangin na bawl un,’ a ci hi.

1 KORIN MASA 10:30

Lungdamna kohna tawh hehpihna phatin an ka nek leh, bang hangin gensiatna thuak ding ka hi hiam?

Marka 7:34

Vantung ento-in khuisa a, kihong ta hen cihnopna-in “Effatha” a ci hi.

1 SAMUEL MASA 9:13

Khuapi sung na lut phetun mual tunga biakna-ah an ne dingin a pai ma-in amah na mu ding uh hi; amah in biakpiakna thupha pia ding ahih manin ama pai mateng mite in an ne lo ding uh hi; tua khit ciangin a kisam mite in ne uh hi. Tu-in paito un; bang hang hiam cih leh amah na tuak pah ding uh hi,” a ci uh hi.

Luka 9:15

A nungzuite in a thupiak mah bangin a hih uh a, a om mite khempeuh a tusak uh hi.

Luka 9:17

Amaute’n ne uh a, a vekpi un a kham khit uh ciangin, a val a neng a themte a tawm uh a, seeng sawm leh seeng nih dim a ngah uh hi.