Luka 9:12 - Tedim Bible

¹² Ni a tum dektak ciangin, sawm-le-nihte in va nai uh a, “Mihonpite in a kimkot khuaneu leh lo lai-ah pai-in, giah na’ng leh an nek ding zong dingin paisak ta in. Bang hang hiam na cih uh leh, hih laitak in gamlak ahi hi,” a ci uh hi.

Tedim Bible Revision 2017

¹² Ni a tum kuan ciangin nungzui sawm le nihte in Jesu kiangah, “Hih lai mun gamlak ahih manin, hih kiim a om khuate ah mite va pai-in annek ding le giah nading a zon nadingun mihonte sawl khia in,” a ci uh hi.

Luka 9:12 Referans Kwoze

Mattiu 15:23

A nungzuite in a kiangah va nai uh a, “Tua numei na paikhiasak ta in. I nung hong zui-in hong kiko hi,” a ci uh hi.

Hosea 13:5

Sehnel gam keuna sungah note a hong kempa in keimah ka hi hi.

Johan 6:1

Tua nung ciangin Zeisu in Tiberias tuili kici, Galile tuili gal khatah a pai hi.

Mattiu 15:32

Tua lai takin Zeisu in a nungzuite sam a, “Hih mite hehpih huai ka sa hi. Bang hang hiam na cih uh leh, ni thum tawntung kei tawh a omkhawm uh a, an nek ding a nei kei uh hi. Lampi ah a gim ding uh, ka lunghihmawh manin, an ne loin ka paisak nuam kei hi,” a ci hi.

Ezekiel 34:25

Amaute lungmuang takin a om theih nadingun amaute tawh thuciamna khat ka bawl ding hi. Gam sung panin a lauhuai gamsa khempeuh ka beisak ding a, gamlakah nuam takin gamta-in lum thei ding uh hi.

Mattiu 14:13

Zeisu in a zak ciangin, gunkuang tungah tuangin gam daihna munah amah bek a pai hi. Mihonte in a theih uh ciangin khuapi, khuaneu panin paikhia uh a, lei lamah a delh uh hi.

Luka 9:11

Mihonpite in a theih uh ciangin a delh uh hi. Zeisu in amaute hawlkhia loin Pasian’ Gam thu hilh a, dam nading a deihte a damsak hi.

Luka 9:13

Zeisu in, “Amau nek ding an note’n na pia ding uh hi,” a ci hi. Amaute in “Kote in pai-in hih mi khempeuh ading an ka lei kei uh leh, khomun pum nga leh ngasa tawn nih longal bangmah ka nei kei uh hi,” a ci uh hi.

Filippi 1:19

Bang hang hiam na cih uh leh, keimah in bangmah maizum loin, launa om loin, Khazih’ minthan’na ka pumpi sungah ka kilatsak tawntung mah bangin tu-in zong ka hing ahi zongin, ka si ahi zongin a kilang ding hi ci-in nakpi-in ka lamet mah bangin, note’ thungetna hang ahi zongin, Zeisu Khirs’ Kha Siangtho huhna hang ahi zongin, ka gimnate in kei hong gupna thu ahi hi ci-in ka thei hi.