Luka 9:11 - Tedim Bible

¹¹ Mihonpite in a theih uh ciangin a delh uh hi. Zeisu in amaute hawlkhia loin Pasian’ Gam thu hilh a, dam nading a deihte a damsak hi.

Tedim Bible Revision 2017

¹¹ Mihonte in hih thu a theih uh ciangin Jesu nung delh uh a, Jesu in zong amaute na nolh loin, amaute tungah Pasianʼ Ukna thu na hilh a, natna a neite zong a damsak hi.

Luka 9:11 Referans Kwoze

Hebru 4:16

Tua ahih ciangin eite in hehpihna leh a kilawm hunah hong huhna thupha ngah nadingin, lau lohna lungsim tawh hehpihna’ tokhom kiangah nai ni.

2 TIMOTI NIHNA 4:2

Pasian thu hilh in, a hun a om zongin a om kei zongin hahkatin mawhna lakin, taai in; lungnemna khempeuh tawh thu hilhin hansuah in.

ROM (Romans) 15:3

Bang hang hiam na cih uh leh, Khazih in zong ama deihna zui lo a, Lai Siangtho sungah a kigelh mah bangin, “Nang hong simmawhte a simmawhna kam in keima tungah hong tung hi,” a ci hi.

ROM (Romans) 10:14

Ahih hangin a thu-um lo mite in bang a ci thunget ding uh hiam? A thu a zak ngei loh uh Topa bang ci a um thei ding uh hiam? A hilh mi om kei leh, bang ci a za thei ding uh hiam?

Sawltak 28:31

Nawngkaina khat beek om loin, nop takin Pasian’ Gam thu gen a, Topa Zeisu Khazih’ thu a hilh hi.

Johan 6:37

Pa in kei hong piakte khempeuh kei kiangah hong pai ding uh hi. Ka kiangah hong pai mite ka hawlkhia ngei kei ding hi.

Johan 4:34

Zeisu in, “Keimah hong sawlpa’ deihna bang hih a, ama nasepna ka zawhna in ka an nekna ahi hi.

Luka 9:2

Tuate in Pasian’ Gam thu hilh ding ahi zongin, cinate damsak ding ahi zongin a sawl hi.

Luka 8:10

Zeisu in, “Note in Pasian’ Gam thusimte na theihtheih nadingun thu hong kipia hi. Midangte ahih leh, en napi-in mu lo ding uh hi. Ngai napi-in a khiatna a theih loh nadingun thugentehna tawh kihilh ding hi.”

Luka 8:1

Tua nung a sawt loin, Zeisu in khuapi khuaneu-ah vak kawikawi in thu hilh a, Pasian’ Gam Lungdamna Thu a zasak hi. Amah tawh Sawm-le-nihte a pai khawm uh hi.

Luka 5:31

Zeisu in, “Cidamte in zato deih lo uh hi. Cinate bek in a deih uh hi.

Luka 1:53

A gilkial mite an pha tawh vak a, Sum haute khut guak tawh a paikhiasak zo hi.

Mattiu 21:43

Tua ahih ciangin, ke’n kong cih-inah Pasian Gam note kiang pan kilakhia ding a, tampi gah a gahsak thei mipawl dangte kipia ding hi.

Mattiu 21:31

Tua tate gel koi pen in a pa’ deihna banga ta ahi hiam?” ci-in a dot ciangin amaute in, “A tapa upa pen a ta hi,” a ci uh hi. Zeisu in, “Ke’n aman takpi kong cih-inah, phiangsiah dongte leh numei gilote in Pasian Gam sungah note sangin a lut masa zaw ding uh hi.

Mattiu 14:14

Zeisu paikhia a, mihonpi a muh ciangin hehpih huai sa a, cinate khempeuh a damsak hi.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

ROM (Romans) 10:17

Tua ahih ciangin upna in thu zakna hangin a piang hi. Zakna in zong Khazih’ thu hangin a piang hi.

Mattiu 12:15

Zeisu in a theih ciangin tua mun pan a paikhiat leh, mihonpi in a nung a zui uh a, cina khempeuh a damsak hi.

Luka 9:10

Sawltakte in Zeisu kiangah a paikik uh ciangin, ahihna thu khempeuh a zasak uh hi. Zeisu in amaute paipih a, gam daihna Bethsaida kici khua khatah a tung uh hi.

Luka 9:12

Ni a tum dektak ciangin, sawm-le-nihte in va nai uh a, “Mihonpite in a kimkot khuaneu leh lo lai-ah pai-in, giah na’ng leh an nek ding zong dingin paisak ta in. Bang hang hiam na cih uh leh, hih laitak in gamlak ahi hi,” a ci uh hi.