Luka 9:1 - Tedim Bible

¹ Tua lai takin Zeisu in Sawm-le-nihte a sap khit ciangin, dawite zawh nading leh cinate a damsak theih nadingun thu a pia hi.

Tedim Bible Revision 2017

¹ Tua ciangin Jesu in nungzui sawm le nihte sam a, dawite a hawlkhiat theih nading uh le cinate a damsak theih nadingun vangliatna le aana a pia hi.

Luka 9:1 Referans Kwoze

Johan 14:12

“Ke’n aman takpi kong cih-inah, kei hong um mi in ka bawl bang nate bawlin tua sangin a lianzaw a bawl ding hi. Bang hang hiam na cih uh leh, Pa kiangah ka ciah ding hi.

Luka 10:19

En un, note in gul gilote leh aikamte na sikgawp nading uh leh na galte’ vangliatna khempeuh na zawh nadingun thu ke’n kong pia hi.

Sawltak 4:30

lau loin na thu a gen na’ngun a siangtho Sila Zeisu’ min tawh lim leh nalamdang a kibawl theih na’ngin hong hehpih in,” ci-in thu a ngen uh hi.

Mattiu 16:19

Vantung Gam kong hon’nate nang kong pia ding hi. Nang in leitungah na hen khempeuh, vantung gamah kihen ding hi. Leitungah na phel khempeuh, vantungah zong a kiphel ding hi,” a cih khit ciangin,

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Sawltak 9:34

Piter in, “Aineas aw, Zeisu in nang hong damsak zo hi. Tho in la, na lupna na phah in,” a cih ciangin amah in thakhatin a tho hi.

Sawltak 3:16

Tua min upna hangin tua Topa’ min in na muh na theih uh hih mi a hatsak hi. Ahi hi, tua Zeisu hanga kingah upna in nomau khempeuh mai-ah hih mi a kicingsak zo hi.

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

Mattiu 8:9

Bang hang hiam cih leh, keimah in zong za nuai ah hong kikoih hi. Keima nuai ah zong galkapte a om hi. Tua galkapte khat, ‘Pai in,’ ka cih ciangin a pai hi, khat ‘hong pai in’ ka cih ciangin a hong pai hi. Ka nasempa, ‘Hih na sem in,’ ka cih ciangin a sem hi,” a ci hi.

Luka 10:1

Tua khit ciangin Topa in a dang sawmsagihte koih a, a pai nading khuapi, khuaneu tengah ama mai-ah nih tek, nih tekin a sawl hi.