Luka 8:8 - Tedim Bible

⁸ Kimkhattte in lei hoihna-ah kia a, kung po a, a zah zakhat a gah hi,” ci-in a gen khit ciangin, “Zak nading bil a nei teng in na za ta un!” ci-in a kiko hi.

Tedim Bible Revision 2017

⁸ Pawl khatte, lei hoihna lak tu-in khang a, a zah za khat ciang dong a piang hi,” a ci hi. Tua ciangin Jesu nakpi takin kiko a, “Zak nading bil a neite in hih thu za ta un,” ci-in a thugen a khum hi.

Luka 8:8 Referans Kwoze

Mattiu 11:15

Khua zak nading bil nei mi in za ta hen!”

Mangmuhna 2:11

Kha Siangtho in pawlpite a thupiakna bil nei mi in ngai ta hen. A zo mi nihvei sihna in a su kha kei ding hi.”

Mangmuhna 2:7

Kha Siangtho in pawlpite a thupiakna bil nei mi in ngai ta hen. A zo mi keimah in Pasian Paradis gam sungah a om nuntakna gah a nek theihna thu ka pia ding hi.”

Marka 4:20

Lei hoihna ah a kiate in thu a zak uh ciangin mang uh a, a zah sawmthum, a zah sawmguk, a zah zakhat a gah thei ahi uh hi,” a ci hi.

Marka 4:8

Kimkhatte in lei hoihna-ah kia a, po-in khang a, a zah sawmthum, a zah sawmguk, a zah zakhat a gah hi.

Mattiu 13:23

Lei hoihna ah a kiate in, thu a zak ciangin a khiatna thei-in a zah zakhat, a zah sawmguk, a zah sawmthumin a gah theite ahi hi,” a ci hi.

Paunak 20:12

Topa in khuamuh nading mit, leh khuazak nading bil hong guan hi.

Luka 8:15

Lei hoih ah a kiate in, thuman leh apha lungsim tawh thu a zak khit uh ciangin keem uh a, lungkipin a gahte ahi uh hi.”

Jeremiah 13:15

Ngai un la, na bil uh ngat un; kisathei kei un, bang hang hiam cih leh Topa in thu a gen zo hi.

Paunak 8:1

Ngai un! Pilna in hong sam a, thu ngaihsut theihna hong kiko hilo ahi hiam?

Piancilna 26:12

Isaak in tua leitangah khai tuh a, tua kum mahin a zah zakhat la hi. Topa in amah thupha pia a,

Kolose 1:10

Ka thungetna un: note in gamtat hoihna apawlpawl ahi gah gahin, Pasian theihna pilna khan’ tohna nei-in ahi zongin, lungdamna tawh na khempeuh thuakin lungduai nadingin ama minthan’na, vangliatna bangin,

Efesa 2:10

Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

Jeremiah 25:4

Topa in ama’ nasem ahi kamsangte khempeuh hong sawl tawntung hi napi-in note in ngai loin na bil uh na dawh kei uh hi.

Marka 4:23

Zak nading bil a nei mi khatpeuh a om leh, za ta hen,” a ci hi.

Marka 7:16

Mi sung pan a paikhiate in mi a ninsak thei hi, zak nading bil a nei mi in za ta hen” a ci hi.

Luka 8:7

Kimkhatte in ling lakah a kia hi. Ling kungte in amau tawh pokhawm uh a, a dep gawp uh hi.

Luka 14:35

Lei ading ahi zongin, eekkholna ading ahi zongin apha kei hi. Mite in pua lamah a paikhia uh hi. Zak nading bil a nei teng in na za ta un!” a ci hi.

Mangmuhna 3:6

Kha Siangtho in pawlpite a thupiakna bil nei mi in ngai ta hen.”’

Mangmuhna 3:13

Kha Siangtho in pawlpite a thupiakna bil nei mi in ngai ta hen,”

Mangmuhna 13:9

Mi khatpeuh in bil a neih leh, ngai ta hen.